MIRISHKOR TUMANI HOKIMLIGI ️️

Hokim xitoylik investorlar bilan uchrashdi

Xitoyning qishloq xo‘jalik sohasida 25 yillik tajribaga ega “Fm world” korxonasining Mirishkor tumanida ro‘yxatdan o‘tgan “Qashqadaryo world agrotech” kompaniyasi “Amir Temur” hududidagi 1,2 ming gektar maydonda paxta yetishtirish loyihasini amalga oshirmoqda.

Mirishkor tumani hokimi Fayzullo G‘ulomov xorijiy korxona vakillari bilan uchrashib, ularga qo‘llab-quvvatlash masalasida yordam ko‘rsatdi va mavjud muammolar hal etildi.

“Biz hududda paxtaning xorijiy navini yetishtirib, suv tejovchi samarador texnologiyalarni joriy etamiz. Bu esa nafaqat hosildorlikni oshiradi, balki suv resurslaridan oqilona foydalanish imkonini ham yaratadi. Shuningdek, mahalliy aholi uchun yangi ish o‘rinlari yaratiladi. Kelgusida esa paxtani qayta ishlash bo‘yicha loyihalarni ham yo‘lga qo‘yishni rejalashtiryapmiz”, – deydi janob Liu, xorijiy korxona rahbari.

Ushbu loyiha tumanda investitsiyani rivojlantirish, zamonaviy agrotexnologiyalarni joriy etish hamda aholi bandligini oshirishga xizmat qilishi kutilmoqda.

😎😎😎😎😎😎😎😎

📌📌📌📌 / @mirishkorpress

Joriy yilning 14-mart kuni soat 10:00 dan 14-00 gacha N/S “Mirishkor” 1 va 2-seleksiyasi havo tarmog’i ta'mirlashga chiqarilishi munosabati bilan “Yangi Mirishkor” MFY, “Mirishkor” MFY, “Obodon” MFY, “Oqmachit” MFY, “Oʼzbekiston” MFY, “Mirobod” MFY va “Nurafshon” MFY hududlarida elektr energiya ta‘minotida uzilishlar bo‘ladi.

“Keltirilgan noqulayliklar uchun uzr so’raymiz” – TETK

#elektrenergiyainfo

😎😎😎😎😎😎😎😎

📌📌📌📌 / @mirishkorpress

“Obodon” mahallasi aholisiga 1000 dona ko‘chat tarqatildi

Mirishkor tumanida ekologik muhitni yaxshilash va mahallalarni ko‘kalamzorlashtirish maqsadida AT “Aloqabank” tomonidan “Obodon” mahallasi aholisiga 1000 dona bodom ko‘chatlari tarqatildi.

Mazkur tashabbus atrof-muhitni himoya qilish, yashil hududlarni kengaytirish hamda mahallada ekologik barqarorlikni ta’minlashga xizmat qiladi. Aholi vakillari ekilgan ko‘chatlarga muntazam parvarish ko‘rsatib, ularning barqaror o‘sishini ta’minlashda faol ishtirok etishlarini bildirishdi.

Mahalla mas’ullari va bank vakillari kelgusida ham shunday xayrli tashabbuslarni davom ettirish muhimligini ta’kidlab, hududning yanada obod bo‘lishiga hissa qo‘shishga chaqirdilar.

😎😎😎😎😎😎😎😎

📌📌📌📌 / @mirishkorpress

“Yangi Jeynov” mahallasida hashar o‘tkazilib, ko‘chatlar ekilmoqda

Prezidentning joriy yil 6-martdagi 18-sonli farmoyishi ijrosini ta’minlash maqsadida Mirishkor tumani “Yangi Jeynov” mahallasida keng ko‘lamli obodonlashtirish va ko‘kalamzorlashtirish ishlari amalga oshirilmoqda. Ekologiya vazirligi va tuman hokimligi tashabbusi bilan mahallada katta hashar boshlab yuborildi.

Hashar davomida atrof-muhitni obodonlashtirish, hududni chiqindilardan tozalash hamda yangi ko‘chatlar ekish ishlari olib borilmoqda. Tashabbus mahallada yashil maydonlarni kengaytirish, ekologik muhitni yaxshilash va iqlim sharoitini yumshatishga qaratilgan.

Tuman hokimining birinchi o‘rinbosari Anvar Sariqov va Ekologiya vazirligi vakili “Yangi Jeynov” mahallasiga tashrif buyurib, amalga oshirilayotgan ishlar bilan yaqindan tanishdilar. Mahalla mas’ullariga obodonlashtirish ishlarini jadallashtirish va ko‘chatlarga doimiy parvarish ko‘rsatish bo‘yicha muhim vazifalar belgilab berildi.

Shu kabi ekologik tashabbuslar tumanning boshqa mahallalarida ham bosqichma-bosqich amalga oshirilishi rejalashtirilgan.

😎😎😎😎😎😎😎😎

📌📌📌📌 / @mirishkorpress

“Chamanzor”da aholiga mevali va manzarali daraxt ko‘chatlari tarqatildi

Mirishkor tumani hokimligi va Ekologiya vazirligi tashabbusi bilan Prezidentning joriy yil 6-martdagi “Mahallalarda tomorqalardan samarali foydalanishni tashkil etish orqali aholi bandligi va daromadlarini oshirishga qaratilgan ishlarni yanada jadallashtirish to‘g‘risida”gi farmoyishi ijrosini ta’minlash maqsadida mahallalarda obodonlashtirish va ekologik muhitni yaxshilash maqsadida keng ko‘lamli ko‘kalamzorlashtirish ishlari amalga oshirilmoqda.

Xususan, “Chamanzor” mahalla fuqarolar yig‘ini hududida 500 tup mevali va manzarali daraxt ko‘chatlari ekildi. Mazkur tashabbus hududning ekologik holatini yaxshilash, havo sifatini oshirish va yashil hududlarni kengaytirishga xizmat qiladi.

😎😎😎😎😎😎😎😎

📌📌📌📌 / @mirishkorpress

“Shodlik” mahallasida obodonlashtirish ishlari olib borilmoqda

Prezidentning joriy yil 6-martdagi “Mahallalarda tomorqalardan samarali foydalanishni tashkil etish orqali aholi bandligi va daromadlarini oshirishga qaratilgan ishlarni yanada jadallashtirish to‘g‘risida”gi farmoyishiga muvofiq, Mirishkor tumani “Shodlik” mahallasida obodonlashtirish va infratuzilmani yaxshilash bo‘yicha amaliy ishlar olib borilmoqda.

Xususan, mahallaga kirish qismidagi darvoza qayta tiklanib, ko‘rinishi zamonaviylashtirilmoqda. Shuningdek, suv resurslaridan samarali foydalanish va sug‘orish tizimini yaxshilash maqsadida ariqlar betonlashtirilib, lotoklar ta’mirlanmoqda.

Mazkur ishlar natijasida mahalla hududida tozalik va tartib ta’minlanishi, dehqonchilik bilan shug‘ullanuvchilar uchun qulayliklar yaratilib, suv ta’minoti yaxshilanishi kutilmoqda. Mahalla ahli ham olib borilayotgan obodonlashtirish ishlarini mamnuniyat bilan qarshi olib, jarayonda faol ishtirok etmoqda.

😎😎😎😎😎😎😎😎

📌📌📌📌 / @mirishkorpress