Lazizbek's blog (mando) Free Palestine and East Turkistan

Бўлиб ўтган воқеа Путин учун жиддий имиж муаммосини келтириб чиқармоқда, айниқса унинг асосий электорати олдида. Трампга қаттиқ қаршилик кўрсатаётган Зеленский фонида Россия президенти ҳозирда кўрсатаётган АҚШ етакчисига бўлган қатъий илтифотли муносабати, мамлакатнинг табиий бойликларини америкаликларга топшириб юбориши уятли кўринади. "Қара, анави ла‘нати украин кимсан Трампга қандай қаршилик кўрсатмоқда, бизники эса ҳаммасини бир зумда бериб юборди", дейди ғазабланган ватанпарвар Иван шеригига ва у ҳақ.

Путин ҳозир ғолибдек кўринмоқда, аммо бу ғалабадан қандайдир ёмон ҳид анқиб турибди.

@o'ylashimcha

Зеленский мазмун жиҳатидан тўғри, лекин услуб жиҳатидан нотўғри эди. Қаршисида қандай натсистлар ўтирганини билар, шунга яраша ўзини тутиши керак эди: ўз позициянгизда туринг, лекин табассум қилинг, бошингизни қимирлатиб, қўллаб-қувватлагани учун АҚШГА миннатдорчилик билдиринг. Трамп ёки Венсга эмас, айнан АҚШГА. Буни суҳбатдошларингизнинг босими остида эмас, балки ташаббусни ўз бўйнингизга олишингиз муҳим эди.

Зеленскийнинг саволларининг ярми мазмунли характерга эга эмас эди. Масалан, нима учун Россия Америкага бевосита хавф солаётганини таъкидлашда давом этаверди? Бу ҳақиқат бўлсада, Америка хавфсизлигига ғамхўрлик қилиш Украина президентининг эмас, АҚШ президентининг ваколатидир, шунинг учун украин учун бу қисмда америкаликка маъруза қилиш унинг мутахассислиги бўлмаган нарсага аралашиш кабидир. Бу Байден билан ишлаган бўларди, аммо Трамп билан эмас.

Эҳтимол, музокаралар бошлангунча АҚШ маъмурияти Украинани "ташлаб кетиш" ҳақида аллақачон қарор қилиб бўлган эди. Лекин нега бу ишни уларга осонлаштириш керак эди? Нима учун уларга расмий сабаб берилди?

Ҳа, умуман олганда, Зеленский ўзини яхши кўрсатди, лекин америкаликлар учун эмас. Ваҳоланки, у айнан уларга ёқишга ҳаракат қилиши керак эди.

@o'ylashimcha

Кеча нима бўлди?

Оқ уйда жуда ачинарли ва кутилмаган томоша бўлди. Украина Президенти Володимир Зеленский мамлакат нодир металларини АҚШ билан биргаликда қазиб олиш бўйича битим имзолаши кутилган эди.

Бу хабар қайта-қайта эслатилганига қараганда, томонлар аллақачон бу масалада келишувга эришиб бўлган ва уни намойишкорона имзолаш маросими ўтказилиши керак эди, холос. Бу битим Россия билан тинчлик музокараларини бошлашнинг биринчи қадами бўлиши ҳам кутилган эди.

Аммо битим имзоланмади. Трамп билан ҳеч қандай музокаралар ҳам ўтказилмади. Чунки Трамп ва Зеленский асосий учрашувдан олдин журналистлар билан анъанага мувофиқ ўтказиладиган қисқа мулоқот пайтида жанжаллашиб қолди.

Бир соатга чўзилган бу учрашувнинг биринчи ярми силлиқ кечди. Томонлар қизишмаган ҳолда журналистлар саволларига жавоб берди. Ярим соатлар ўтгач, орага Вице-президент Ж.Д. Венс қўшилиб, Зеленскийни АҚШГА ҳурматсизлик кўрсатишда, шукр қилмаётганликда айблади. Бундан Зеленскийнинг жаҳли чиқиб, қизишиб кетди. Шундан кейин Трампники ҳам тутиб қолди ва кескин гаплар билан Зеленскийни тергаб, "бизсиз ҳеч нарса қила олмайсиз", деди.

Бунақа машмаша АҚШ тарихида кузатилмаган. Оқ уйда хорижий давлат раҳбари билан бунақа тортишув бўлиши киноларда ҳам юз бермаган, менимча.

Мен Зеленскийга ачиндим. У Россиянинг босқинчи эканини қайта-қайта уқтиришга уринди, аммо бу мезбонларга ёқмади.

Зеленскийнинг қиёфасида ҳорғинликни сезиш қийин эмас эди. Ахир, фаол уруш домида бўлган давлатни уч йилдан бери бошқаришнинг ўзи бўлмайди. Кейин, у ўзини жуда жайдари тутди; гўёки президент Трампни яхши танимайдиган, у билан биринчи марта гаплашаётган одамдек.

Оқ уйга келган бошқа давлат раҳбарларидек, у Трампга кўп хушомад қилмади; ҳар сўзида бош ирғаб уни маъқуллаб турмади.

Қолаверса, таржимонсиз ўзи гаплашиши ҳам, менимча, унинг зарарига ишлади. Зеленский инглиз тилида эркин гапира олмайди; шунинг учун баъзи фикрлари қўпол чиқди ва мезбонларнинг энсасини қотирди. Балки украин тилида, таржимон орқали гаплашганда, эҳтимол, бугунги можаро юз бермаган бўларди.

Учрашувдан сўнг Зеленскийдан ва Украина делегатсиясидан Оқ уйни тарк этиш сўралган; ҳатто тушликка ҳам таклиф қилишмаган.

Кремлда бугун байрам эмиш.

@o'ylashimcha

Bizga xitoyliklarnining kirib kelishi Yevropaga musulmonlarning ko’chib borishiga o’xshamaydi.

Bizning boshqa davlatlarga migratsiya qilishimiz ham xitoyliklarning migratsiyasiga o’xshamaydi.

50-60 yildan beri bizda yashayotgan o’ris hozir ham o’ris. Hech andishasiz istagan joyida o’rischa gapirib ishini bitiradi. Aksincha unga o’rischa javob berolmasak biz o’ng’aysizlanamiz.

Kecha bir videoga ko’zim tushdi, koreyaga kelin bo’lib tushgan o’zbek qizi cho’chqaning qulog’idan osh pishirishni o’rgatyapti.
Yana bir ko’rinishi ham karisga o’xshab ketgan yigitcha bo’yniga xoch taqib olib o’zbekcha kontent olyapti. Shularni koreyaga borganiga nari borsa 10-15 yil bo’lgandir.

Xitoylik kelib tilimizni, dinimizni o’rgansa, hurmat qilsa kelsin marhamat.
Bular faqat o’zini madaniyatini, tilini targ’ib qilish bilan shug’ullanyapti.
Bizneslariga o’zini tilida yozgan, birortasida o’zbekcha yozuv ko’rmadim. (Ba’zi joyda tagiga o’rischa yozib qo’yibdi).

Qani mezbon xalqqa hurmat?

Ertaga bular ko’payib ketganidan keyin bizda xitoycha qo’shtomli uylar urf bo’lib, cho’pakda ovqat yeyish madaniyat belgisiga aylanib qolsa ham ajablanmayman.

Biz ko’paypmiz ular kamayib ketyapti deb xursand bo’lyapmiz lekin “Biz” degan narsani o’zi qolmayapti.
Hech qanday qadriyatsiz, e’tiqodsiz, bir-biriga bog’laydigan - mushtarak maqsadlari yo’q million - million olamon garchi milliardga aylansa ham hech qanday kuch paydo bo’lmaydi. Qayerga borsa o’sha yerga singib, o’sha yerni ko’paytirib, birov ko’tarib kelgan madaniyatga qo’yday ergashib yuraveradi.

#Ibrohim Muhammad

Шунақа бу хитойлар ҳаддидан ошиб, ӯзидан кетиб турадиган халқ.
Буларни ӯз вақтида попугини тортиб туриш керак холос.

(c)

Хитой сиёсатидан унча-мунча хабарим бор.
Хитой иқтисодий жиҳатдан тобеъ қилиши орқасидан бошқа халқларни одам ӯрнида кӯрмаслиги ҳам бор ҳақиқат.
Аслида уларни ӯз вақтида, қолипга солиб қӯйса бӯлади.

Мен хитойлик мутахассисларни ишлатганман.
Ӯша пайтда ускуна бӯйича бир мутахассис олти ой ишлагандан кейин, унга ҳурмат билан муомала қилганимизни кӯргандан кейин ӯзидан кета бошлади. Охири ӯзбек ишчи ходимларни ҳурмат қилмай, менсимай
қолди.
Хатто иш бошқарувчига ҳам
бӯйсунмай қолди.
"Менсиз ускунани ишлата олмайди булар" деб ӯйлаб қолди шекилли.
Охири хитойда ӯқиб келган бир шогирдимиз бор эди.
Ҳам таржимон, ҳам шогирд бӯлиб ишни ӯрганаётган шу йигитимиз билан урушибди.
Охири манга келишди.
Мен хитойликни чақириб нима бӯлди десам, бизни болаларни айбдор қилди.
Кейин ҳар бир жойда камера бор, очиб кӯрайликчи деб кӯрдик.
Ӯзига ҳам кӯрсатдик. Хитойликни ӯзи бизни болаларга биринчи қӯл кӯтарибди, кейин у бола яхшигина урибди. Болалар ажратиб қӯйса унга пичоқ ва бошқа темир асбоблар кӯтариб ҳужум қилмоқчи бӯлганида, болалар зӯрға тӯҳтатиб қолишибди.
(Қӯйиб берса ҳам ҳеч нарса қила олмайди, фақат ӯзича бир қӯрқитиб қӯймоқчи бӯлади холос.
Чунки ман бу хитойларни яхши биламан.)

Ҳаммасини кӯриб айб ӯзингда экану десам, манга жириллаб кетди.
Нима деяпди десам, мансиз юргиза олмайсанлар, ҳозир ускунани программадан чиқариб қӯяман, умуман ускунани ишлата олмайсанлар деб дӯқ қиляпди.
Кейин ишчиларга цехни қулфланглар дедим.
Хитойликка яхши гапириб кӯрдим, қарасам итоат қилмоқчимас.
Кейин иш бошқарувчини чақириб, бунга Хитойга билет олиб беринглар, бӯлди, бу жуда ҳаддидан ошиб кетди, буни Хитойига жӯнатиб юборамиз дедим.
Бир вақт овози пасайиб, «Босс мани кечир» дейишга тушиб қолди.
Йӯқ энди кеч дедим.
Илтимос қилиб тиз чӯкишгача келяпди.
Овора бӯлма дедим, эртага учасан дедим.
Кейин ҳеч бӯлмаса бугун шу ерда қолсам бӯладими деб сӯраган эди, йӯқ Тошкентга кетасан, ӯша ердан Аэропортда дам олиб турасанда, кейин учиб кетасан деб жунатвордим.
Шундан сӯнг йигитлар учирворишди.
Хитойга боргандан кейин яна кечирим сӯраб ёзибди.

Бир вақт ӯтиб, яна бир бошқа мутахассисни чақиртирдик.
У туришидан ҳарбийга ӯҳшар эди. Чунки у ҳар куни заводимиз ҳовлисида югуриб, спорт билан шуғулланиб турар эди.
Бу ғирт шпион эканлигига шубҳам қолмади. Ӯзбекчани яхши ӯрганиб олди.
У яқин 2 йил ишлади.
Бироқ буниси ундан ҳам тулак бӯла бошлади.
Бир куни бир эридан ажрашган сал очиқроқ аёл бор эди.
Ман йӯқлигимда йигитлар кӯришибди, иш тугаганда ӯша жувон билан қӯл ушлашиб (падружка қилиб) кетаётган экан.
Униям видеода кӯрсатишди.

Бу аёлни ӯша заҳотиёқ тел қилиб ишдан бӯшатдим.

Кейин хитойни «Маҳаллий аёллар билан бунақа яқин бӯлма. Аксҳолда бирортасини отасими, акасими ё собиқ эрими Хитой билан қӯл ушлашиб юрганини эшитиб қолса, униям саниям пичоқлаб ӯлдирворади деб қӯрқитиб қӯйдим. Бироқ бу билан у Хитойлик тӯҳтамади.
У бизни душманига ҳам ҳурмат кӯрсатадиган халқимизни ӯз юртимизда туриб менсимай қӯйиши кучайиб кетди. Қарасам, худди аввалгисидаги сюжет яна такрор бӯляпди.
Бу мутахассис ҳам бир ишчи билан урушибди. Бу спортчи ва шимоллик бӯлганлиги сабаб у йигитни кучи етмабди шекилли бу сафар ӯзбек ишчимиз ӯлдираманга тушиб қолди.
Яхши ишчиларимиз тӯҳтатиб қолибди.
Буниям чақириб видеосини кӯриб ӯзигаям кӯрсатдик.
Бундаям яна ӯша гап, ӯша дӯқ-пӯписа.
Нимемиш?
"Аппаратни программасини бузиб қӯяман, ҳеч нарса қила олмайсанлармиш".
Бу ярамаслар $3500-$4000 гача ойлик олар эди.
(Чунки буниси ҳақиқатда ӯз ишини устаси эди, бузилиб қолса ҳам, ӯзи эплаб тузатиб, ишга тушириб кетаверар эди.)
Йӯқ буниям худди аввалгисидек билет олиб жӯнатвораман деганимдан кейин, сал попуги пасайиб, "Босс" дейишга тушди.
Буларга сал жиддий туриб гаплашсез, бир пастда ӯзгаради. «Камбағални урма, сӯкма, тӯнини ерт» дегандек ишдан бӯшатсез тамом.

Буниям кӯтига пат тиқиб учирвордик.
Лекин бундан кейин бошқа мутахассис чақирмадик ва янги мутахассисга эҳтиёжимиз ҳам қолмади.
Чунки ӯзимизни ишчилар ӯрганиб, эплайдиган бӯлиб қолган эди. Ӯша ишчиларимизни ойлигини яхшигина ошириб қӯйдик, бӯлди ишлаб юрибди Алҳамдулиллаҳ.

Xitoy havfi, muammolar va yechimlar

Hozirgi vaqtda hech birimizga yangilik emas, Xitoy juda katta oqim va agressiya bilan O’zbekston bozoriga, nafaqat bozori balki hududiga shiddat bilan kirib kelmoqda.

2024 - yil ma’lumotlariga ko’ra 70 mingdan ziyod Xitoyliklar tashrifi bo’libdi, bu yilga kutulayotgan raqam esa daxshatli darajada katta 300 mingga yetishi taxmin qilinmoqda.
Yangiliklarda go’yoki “Xitoyliklar kelib maxsulotlarni xalqimizga arzon yetkazishyapti, faloncha yoshlarni ish bilan taminlashyapti” degan gaplarni eshityapmiz.

Vaholangki asl haqiqat bunday emas!
Bu vaziyatda bizga qanday havflar bor?:
Avvalo arzon yetkazib berish degan masalaga to’xtalsak, bu shunchaki “demping” ya’ni atayin bozorni sindirib o’ziga qoldirish uchun zararga bo’lsa ham sotib, qolgan o’yinchilarni maydondan quvib yuborish. Qolganlar o’yindan chiqqandan keyin esa o’zinikini qo’yadi.

Ish bilan taminlashga kelsak, bu tarafda 100 ta odamni ish bilan taminlasa 1000 ta vatandoshlarimizni ishsiz qoldiradi. Shu zaylda vatandoshlarimizni o’z diyorimizda ishchi (qul) qilib oladi. O’z zaminimizda? Tushunyapsizmi? Chet elga borib ishlayotganimiz yetmaydimi? Endi o’z Vatanimizda ham chet elliklarga qul bo’laylikmi?

Uyg’ur xalqi holati barchamizga ma’lum, so’ngi vaqtlarda tarqalgan videolarga ko’ra, Uyg’urlarni o’ta qattiq qiynoq ostida zavod va fabrikalarda tekinga, zo’ravonlik bilan ishlatishlari ko’rinmoqda. (Alloh ularga najot bersin) agar biz ham choralar ko’rmasak Xitoy ayab o’tirmaydi juda qattiq agressiya bilan O’rta Osiyoni egallashga kirishgan!

Afrika ham 10 yil avval biz kabi iqtisodiyotimiz rivojlanyapti deb hursand bo’lgan edi milliardlab qarz olib, hozirgi ahvoli butun dunyoga ma’lum. Ya’ni biz A nuqtadamiz ular esa C nuqtada. Xitoy strategiyasi shunday.

Siyosiy va madaniy tahlikalar haqida ham bir dunyo qarashlarim bor, lekin ularni aytmasam ham hamma tushunib turibdi…

Xitoy qarz bergandan keyin o’zinikini qo’yadida, intelekti kuchli bo’lgandan keyin, sifatli arzon mahsulot bergandan keyin nima qilish kerak? Foydalanamizda deydiganlar ham yo’q emas afsuski…

Xo’sh bunga qanday yechim qilishimiz mumkin?

- Xukumat tarfidan qilinadigan yechimlar quyidagicha:
1. Har bir Xitoylik tadbirkor albatta bitta O’zbek tadbirkori bilan ishlashi shart va majburiy bo’lishi kerak. 49 ga 51 ko’rinishida (zotan bu qonunda ham belgilangan bo’lishi kerak) Arab mamlakatlari singari, hech qanday tashqaridan kelgan tadbirkor bitta arab kafilligisiz, sherikligisiz bir ish qila olmaydi. Bu nima degani? avval Arabni boy qiladi keyin o’zi boy bo’ladi. Marhamat O’zbeklarni ham boy qilaylik.
2. Peshtaxtalarda Arab va Rus harflariga qarshilik qilingani kabi Xitoy erogliflariga ham taqiq qo’yish va mavjudlarini oldirib tashlash. Zotan xalqimiz bitta harfini ham tushunmaydi, bu shunchaki manaviy va siyosiy bosim.
3. Shiddat bilan o’zlariga xususiyalshtirib mulklarni sotib olishlarini to’xtatish faqat va faqat ijoraga berish, shunda ham birinchi punktda aytilgani kabi, bir Uzbek vositachiligi bilan.

- Tadbirkorlar tarafidan qilinadigan tadbirlar:

1. O’z sohalarida rivojlanish, ilm olish, yangiliklarga ochiq bo’lib, sifatli maxsulot va xizmatlar taklif qilish.
2. Birlashib harakat qilish, hamjamiyatlar tashkil etish. Kuchlarni birlashtirib gegemonlik qilishlariga yo’l qo’ymaslik. Bir soha vakillari birlashib o’sha sohaning manfaatlarini birgalikda himoya qilish.
3. Agar chet elliklarga ko’proq imkoniyat berib biznikilarni tupikka tiqishsa ,shunchaki birlashib ishni to’xtatish. Ish tashlash qilish ham mumkin xatto.

- Xalq tarafidan:

1. Milliy brendlarni qo‘llab-quvvatlash va ularni sotib olish.
2. Aqlli, mulohazali harakat qilib, oshqozon bilan o‘ylashni bas qilish.
3. Farzandlarni yaxshi o‘qitish va milliy qadriyatlarni singdirish.

Azizlar bu aziz Vatan barchamizniki, faqat o’zimizni o’ylashni bas qilib, o’zga qo’llar vatanimizni tor mor qilmasligi uchun harakat qilishimiz kerak. Kelinglar birlashaylik, kuchlarni to’g’ri tarafga ishlataylik.

#AliMuhammad_Hasan