Кушербаевга мурожаат

Bemorlar 70 km uzoqlikdagi markazga olib borilayapti➖Forish

Assalomu alaykum!

Forish tumani tibbiyot birlashmasida MSKT apparati ishlamayapti.

Bemorlar 70 km uzoqlikdagi markazga olib borilayapti.

Iltimos shu apparatni ishlatib, bepul qilib quyishsin aholiga. B apparat buzilmasidan avval 140 min so‘mdan olishardi.

Bilishimizcha bu apparat arablarning grant mablag‘iga tekinga berilgan.

M. Azizov

👉 @Kusherbayevga_murojaat

Республика МИБда малакали мутахассислар йўқми шунда?

Мудофаага кўмаклашувчи «Ватанпарвар» ташкилоти Элликқалъа туман ўқув спорт техника клубида (ИНН 205632193) МИБда қарздорлиги йўқ. Лекин мазкур ташкилот балансида бўлган 2 та MATIZ русумли давлат рақами 95611ААА ва 95863САА бўлган автомашиналарига 2020-2022 йилларда 38 марта бошқа ташкилотлардан асоссиз таъқиқлар қўйилган.

Бу муаммо юзасидан Бош прокуратура ҳузуридаги МИБга бир неча бор мурожаатлар йўлланган.

Хатга жавобларда таъқиқлар асоссиз қўйилганлиги туфайли айрим қарорлар бекор қилинганлиги билдирилган. Лекин ушбу қарор ижроси бажарилмаган, яъни таъқиқлар олиб ташланмаган.

Юқорида кўрсатилган автомашиналар 2009 ва 2011 йиллардан буён Элликқалъа туман ўқув спорт техника клуби балансида бўлган ва қўйилган таъқиқлар Тошкент шахрида 13та, Қашқадарё вилоятида 23та ва Сурхондарё вилоятида 2та жами 38 марта таъқиқ қўйилганига қарамасдан республика МИБга юборилган мурожаатларни Қоралпоғистон республикаси МИБга қайтараяпти.

Нима республика МИБда малакали мутахассислар йўқми шунда?

Қўйилган таъқиқларнинг муддати ўтиб кетганига қарамай ҳозиргагача олиб ташланмаган.

Қизиғи, Элликқалъа туман ўқув спорт техника клуби балансида бўлган 2та автомашина таъқиқ қўйилган вилоятларда бошқа ташкилотнинг балансига вақтинча олиниб қарзи эвазига бошқа бир ташкилот томонидан таъқиқ қўйилган.

Ушбу автомобилларга таъқиқ қўйган ташкилот буни текшириб ҳам кўрмаган, ҳатто ҳеч бўлмаганда автомашиналарнинг тех паспорти ҳам сўралмасдан таъқиқ қўйилган.

Бу сарсонгарчиликлар кимга керак?

Джабборов Мамбет Давлетович,
Қорақалпоғистон Республикаси, Элликқалъа тумани, Думанқалъа МФЙ.

👉 @Kusherbayevga_murojaat

"Tez yordam" chaqirsak, ikki soatlab kechikadi➖Bektemir

Bizdagi "tez yordam" masalasini ko'tarishingizni iltimos qilardim.

Bu birinchisi emas: chaqirsak 2 soatlab kechikadi, telefon qilib sababini so'rasak "hozir pik payti 3-4 soatgacha kutishiz mumkin" deydi.

Qonundagi standartlarchi, nimaga bunchalik kech desam "qonunda vaqti ko'rsatilmagan, mashina bo'lsa jo'natamiz" degan javob olamiz.

Bu katta muammo, hamma kasal bo'ladi. Bu boshga tushganida ko'rinadigan muammo, lekin hayotimizda judayam dolzarb bo'lgan ehtiyojku.

Muommo ko'tarilmas ekan yechim hech qachon bo'lmaydi.

Saburov Aybek Maxsetovich,
Toshkent shahar,
Bektemir tumani, Vodnik, 37, 103

👉 @Kusherbayevga_murojaat

#миннатдорлик

Кеч бўлиб қолса ҳам келиб газ баллонларни тарқатишди

Ассалому алайкум!

Ҳурматли Расул ака! Китоб тумани Пастчил қишлоғи аҳолиси номидан суюлтирилган газ баллонлари ҳақидаги мурожаатимиз сизни телеграм каналингизда ёритилган эди.

Бугун кеч бўлиб қолса ҳам ҳудудий газ таъминоти Китоб тумани ходимлари қишлоғимиз аҳолиси учун суюлтирилган газ баллонларини тарқатишди. Уларга ҳам раҳмат!

Сизга эса Аллоҳдан тинчлик, омонлик, соғлик, хотиржамлик, барака, икки дунё саодатини тилаймиз. Савобли ишларингиз бардавом бўлсин. Доимо халқимиз бахтига сог саломат бўлинг, асло чарчаманг!!!

Ҳурмат билан,
қишлоқдошлар номидан Ҳасан Санаев

👉 @Kusherbayevga_murojaat

Prokuratura murojaatlarimizni nega yo‘qotib yuborayapti? ➖G‘uzor

Biz sizlarga Qashqadaryo viloyatining Gʻuzor tumanidan murojaat qilayapmiz.

Biz Koson neft va gaz qidiruv ekspeditsiyaning GʻUZOR filialini rahbar xodimlarning xarakatlarida odam savdosi alomatlari borligi yuzasidan Oʻzbekiston respublikasining odam savdosi va munosib mexnat masalalari komissiyasi raisi T. Norboyeva va Inson xuquqlari milliy markazi rahbari A. Saidovga murojaat qilgan edik.

Bizni arizamiz Bosh prokuratura orqali Qashqadaryo viloyat prokuraturasiga va undan GʻUZOR tumani prokuraturasiga kelib tushgan va bizga 2024 yil 7 noyabr kuni oʻzini GʻUZOR tumani prokuraturasini xodimi Shaxzod Abdullayevman deb tanishtirgan xodim telefon qilib arizamiz  tafsilotlari bilan tanishdi va arizamiz ni oʻrganishda ekanligini aytdi.

Biz arizamiz natijasini bilish uchun GʻUZOR tumani prokuraturasiga borib Sh. Abdullayevga uchrashganimizda u xodim bizni ariza bilan tanish emasligi va biz bilan aloqaga chiqmaganini aytdi.

Suhbat audio yozuvdagi ovoz uniki emasligini, eng qizigʻi bizni arizamiz GʻUZOR tumani prokuraturasida ro‘yhatdan oʻtmaganini aytdi.

So‘ng biz bu haqida Qashqadaryo viloyati prokuraturasini devonxonasiga murojaat qilganimizda tekshirib bilib berishini aytishib, jlar ham qaytib telefon qoʻngʻirogʻilarimizga javob berishmadi.

Salkam bjr hafta davomida biz bilan kim aloqaga chiqqani, arizamiz nega ro‘yhatdan oʻtmaganini bilolmadik.

Biz bu haqida Prezident qabulxonasiga va Respublika prokuraturasiga murojaat qilganimizdan soʻng ham xech qanday oʻzgarish yoʻq.

Bundan Bosh prokuror N.Yoʻldoshev va viloyat prokurori B.Soipov ni xabari bormikan. Yo ular oʻzlari shunday koʻrsatmalar berganmi?

Kurbanov Bobomurot Jonimqulovich,
Qashqadaryo viloyati, GʻUZOR tumani, Savbogʻ MFY, Qumchup qishlogʻi.

👉 @Kusherbayevga_murojaat

Ҳокимиятга ишониб, қарзга ботиб қолдик➖Тошкент

Ассалому алайкум ҳурматли Расул Кушербаев!

Мурожаатимнинг қисқача мазмуни шундан иборатки, 2023 йил Тошкент шаҳар "Ягона буюртмачи хизмати" билан шартнома тузганмиз ва Юнусобод туманининг кўп қаватли уйларини ички мухандислик тизимини яъни барча коммуникациясини алмаштирганмиз.

2023 йилнинг ноябрь ойида барча текширувлардан ўтиб, назорат ўлчовидан объектларни топширдик ва куз-қиш мавсумини беталофат ўтказдик.

Бироқ ҳозирги кунга қадар олишимиз керак бўлган 2,4 млрд сўм пул маблағларини Тошкент шаҳар "Ягона буюртмачи хизмати" бермай,пайсалга солиб келмокда.

Бизнинг оғзаки сўровларимизга улар хат ёзиб, Тошкент шаҳар ҳокимияти пул ажратишмаёттганини таъкидлаб келишмокда.

Мен шартнома бўйича ишни бажараман, деб уйимни сотишга мажбур бўлдим, 2 та машинамни банкдан кредитим борлиги сабаб сотдим.

Энди қарз муаммосидан чиқа олмаяпмиз. Шу масалада амалий ёрдам беришингизни сўрайман.

Юсупов Дониёр Алишер ўғли, Тошкент вилояти, Чирчик шаҳар, Темирйулчилар 80/1.

👉 @Kusherbayevga_murojaat

Нега тиббиёт ходимларининг оғир меҳнатлари қадрсизланаяпти?➖Денов

Бизлар Денов тумани тиббиёт бирлашмасининг кичик ва ўрта тиббиёт ходимларимиз.

Бизларнинг ўртача ойлик маошимиз 2-3 миллион сўм атрофида, ўзгарувчан маош ҳисобланади. Ишимиз ўта масъулиятли ва машаққатли бўлсада, шунга кўниб ишлаяпмиз. Сабаби мамлакатимизда ишсизлик юқори даражада! Бошқа иш тополмаймиз.

Муаммо шундаки, шу йил июнь ойидан бошлаб биз кичик ва ўрта тиббиёт ходимларига рағбат, моддий ёрдам, байрам пули ва бошқа турдаги устама пуллари берилиши тўхтатилганини айтишди.

Кўпчилигимиз оддий ишчилармиз. Аксариятимиз ижтимоий қийин шароитда яшаймиз. Ойлигимиз йўлкира ва тушликдан, иш харажатларидан ортмасада, ўзга юртларда мардикорликдан афзалку, мободо рағбат пул ёзиб қолишса уйда бир байрам қилиб ўтирамиз деб ўзимизни хурсанд қилиб юрардик.

Мурожаатимиздаги асосий масала, биз ўрта ва кичик тиббиёт ходимларига шу вақтга қадар берилиб келинган рағбат ва шу каби пулларнинг “бюджетда етишмовчилик” баҳонаси билан берилмай қўйганидан норозимиз!

Яқинда Соғлиқни Сақлаш вазири ўринбосари Элмира Баситхоновадан хат олдик. Унда ёзилишича “Ўзбекистон Республикаси бош вазирининг 2024-йил 14-апредьдаги 03/1-1180-сонли хатига асосан Денов туман тиббиёт бирлашмасининг иш ҳақи ва ижтимоий тўлов етишмовчилиги сабабли” деган жумлалар билан ўрта ва кичик тиббиёт ходимларига моддий рағбат ва қўллаб қувватлаш маблағлари ажратилмаётгани тушунтирилибди.

Биз оддий тиббиёт ходимлари шу вақтгача, ҳеч бўлмаса йилда бир олиб турган моддий ёрдам, рағбат ва шу каби қўлловлардан мосуво бўлдик.

Сизлардан илтимос, майли, бизларга ошиқча ёрдам ва ғамхўрлик қилманг, фақат аввалги тарзда моддий қўлловларни ўз ўрнига қўйиб қўйсангизлар. Нега биз тиббиёт ходимларини оғир меҳнатлари борган сари қадрсизланаяпти?

Денов тумани тиббиёт бирлашмасининг бир гуруҳ ходимлари

👉 @Kusherbayevga_murojaat

Газ баллонларни вақтида олиб келишмаяпти➖Китоб

Ассалому алайкум !

Мен Қашқадарё вилояти, Китоб тумани, Шўробсой МФЙ Пастчил қишлоғи аҳолиси номидан мурожаат қиляпман.

Кунлар совуб, қиш бошланди. Лекин ҳудудий газ таъминоти Китоб тумани ходими бизнинг қишлоққа суюлтирилган газ баллонларини ўз вақтида олиб келиб бермаяпти. Бўш баллонларни топширганимизга 2 ойдан ҳам ошиб кетди. Ўз вақтида газ билан таъминланмаяпмиз.

Шу масалада бизга ижобий ёрдам берсангиз, илтимос.

Бириктирилган масъул ходим ўз вақтида ўз вазифасини бажарса, биз ҳам ҳаққимизни талаб қилиб, унинг устидан ариза ёзиб, масъуллар кўзига ёмон кўринмас эдик.

Хасан Санаев

👉 @Kusherbayevga_murojaat

Shuncha ishlab oyligimni ololmayapman

Assalomu alaykum!

Men 23 sentyabrdan boshlab 4 dekabrgacha Toshkent harbiy maktabida musiqa oʻqituvchisi boʻlib ishladim.

Shu kungascha umuman oylik ola olmadim. Barcha oʻqituvchilar ham olishmadi: faqat ertaga ertaga degan gapni aytib kelishadi.

Manzil: Toshkent shahri qoraqamish 1/3 63.

Bolalarning ovqatlanish darajasi hozirda ham talabga javob bermaydi. Hech qanday oʻqituvchilar borib dars oʻtayotgani yoq, lekin oʻquvchilar oʻsha yerda kunlarini oʻtkazishmoqda.

Iltimos yordam bering!

Turanova Ortiqoy Gulmurod qizi

👉 @Kusherbayevga_murojaat

Трансформатор очиқ, атрофи ўралмаган ҳолатда сарлавҳа остида чиққан мурожаат юзасидан

РАСМИЙ МУНОСАБАТ

Шароф Рашидов тумани, Куёвбоши МФЙ, Тўрткул кўчасида юқори кучланишдаги трансформатор ТЭТК ишчи ходимлар томонидан темир тўсиқлар билар ўралиб, аҳоли учун хавф туғдирмаслигини маълум қиламиз.

Шароф Рашидов туман ҳокимлиги Ахборот хизмати

👉 @Kusherbayevga_murojaat

Oltita mahallaga bitta eski Damas "tez yordam"ga keladi➖Chust

Assalomu alaykum!

Men Namangan viloyati, Chust tumani, Baymoq MFYda yashayman.

Men ham "Tez yordam" mashinasi borasida ham e'tiroz bildirmoqchiman!

Bizni atrofdagi Istiqlol, Damobod, Sherbilak, Chegara, Shoyon, Qiziltepa, Kaklikqo'rg'on MFYlariga bitta eski Damas xizmat ko'rsatmoqda!

Ushbu Damas mashinasi juda ham eski, hattoki ba'zida kasalni shahar markaziy shifoxonasiga olib borishda buzilib qoladi.

Avvalgi yilda ushbu masalada Republikaga ham murojaat qilindi, lekin foydasi bo'lmadi!

Iltimos ozgina chekka hududlarga ham e'tibor berishsa bo'lardi, ayniqsa yangi tayinlangan deputatlarimiz!

Iltimos ismimni oshkor qilmasangiz yaxshi bo'lardi.

O. Yuldashev

👉 @Kusherbayevga_murojaat