Just notes

Hojiboy Tojiboyev aygan oʻsha mashhur gap tushsa kerak-a?

Odamni puli koʻpaysa kekirvorarkan)))

You can do anything but not everything

#Just

@Just_notes

Tolerantlik – bu boshqalarning fikrlari, muloqot uslubi, anʼanalari va urf-odatlari bilan kelishmovchiliklarga qaramay, ularga hurmat bilan munosabatda boʻlish qobiliyatidir. Bu shaxsiy, ijtimoiy yoki xalqaro darajada farqlilikni anglash, xilma-xillikni qadrlash hamda turli gʻoyalar va odatlarni qabul qilishni oʻz ichiga oladi. Tolerantlik – jamiyatda o‘zaro tushunish va munosabatlarni mustahkamlashda muhim omil hisoblanadi. Tolerant inson esa boshqalarni ularning fikrlari yoki xususiyatlari bo‘yicha hukm qilmay, balki ularni tushunishga harakat qiladigan va hurmat bilan yondashadigan kishidir.

#Terminology

@Just_notes

Inson o‘z harakatlari va natijalari uchun to‘liq mas’uldir. Agar erishilgan natija qoniqtirmasa, bu tashqi omillar yoki tasodiflarning emas, balki insonning o‘zi tanlagan yo‘l va unga bergan javob reaksiyasi natijasidir. Aytish mumkin bo'lsa, muvaffaqiyat – voqelikning qanday bo‘lganida emas, balki unga qanday munosabatda bo‘linganida namoyon bo‘ladi. Shunday ekan, odam natijani yaxshilamoqchi bo'lsa, avvalo o‘z qarashlarini va yondashuvini qayta ko'rib chiqishi kerak.

#Just

@Just_notes

Kompetensiya – bu insonning ma’lum bir sohada samarali ishlashi uchun kerak bo‘lgan bilim, ko‘nikma va tajriba majmui. U nafaqat nazariy bilimlarni bilishni, balki ularni amalda qo‘llash qobiliyatini ham o‘z ichiga oladi.

Oddiy qilib aytganda, kompetensiya – bu insonning o‘z ishini yaxshi tushunishi, uni to‘g‘ri bajarishi va yangi vaziyatlarga moslasha olishi. U bilim, amaliy tajriba va malakadan tashkil topadi.

#Terminology

@Just_notes

Emotsional bo'lish emas, uni boshqara olmaslik yomon

Hissiyotlar juda muhim, ularni bostirish yoki yo‘q qilish emas, balki boshqara olish zarur. Nazorat qilinmagan emotsiyalar noto‘g‘ri qarorlarga, stressga va ziddiyatlarga olib kelishi mumkin. G‘azab yoki qo‘rquv ongli tafakkur qilishni susaytirishi, haddan tashqari hayajon muhim lahzalarda esa irodani bo‘shashtirishi mumkin.

Hissiyotlarni boshqarish uchun avvalo ularni anglash, tinchlanish usullarini o‘zlashtirish va o‘z fikrlarini to‘g‘ri ifodalash muhim, kerak bo'lsa bu ustida o'rganish va izlanishlar olib berish kerak. Chunki bu narsa inson tabiatining bir qismi, buni rad qilib bo'lmaydi.

Eng xavfli holat – his-tuyg‘ularga qul bo‘lish, eng kuchli fazilat esa – ulardan ongli foydalanishdir

@Just_notes

Bilasizmi, dunyodagi "eng, eng, eng aqlli" odamlar kim? Bu jamoat transportida, ayniqsa avtobusga chiqishi bilan eshikni oldiga turvoladiganlar. O'zi eng oxirgi bekatlarning bittasida tushadigan bo'ladi, lekin xuddi kirish joyini kadastr qilib olganday, o'sha joyda "qotadi".

Shunaqalar o'zini eng aqlli, "shustriy" odamman deb o'ylaydi manimcha. Eynshteyn nisbiylik nazariyasini kashf qilgandayam, miyasini bu darajada ishlatmagan bo'lsa kerak. Olimlar bu insonlar fikrlashini o'rganishi kerak, tayyor tadqiqot obyekti ular uchun.

Farosatning yo'qligi shunday holatlarda bilinadi, afsus.

#publiclife

@Just_notes

Paradoks — bu dastlab mantiqiy yoki to‘g‘ri tuyuladigan, lekin chuqurroq o‘ylab qaraganda o‘z ichida zidlik yoki kutilmagan natijaga olib keluvchi fikr yoki hodisa. U bir qarashda tasavvur qilishimiz mumkin bo‘lgan voqealar yoki fikrlar bilan mantiqiy jihatdan bog‘liq bo‘lsa-da, ular bizning kundalik tajribamiz yoki odatdagi logik tushunchalarimizni inkor etadi.

#Terminology

@Just_notes

Bilasizmi, men yangi ingibitor APFni nima uchun samarali deb hisoblayman?

Chunki avvalgisi ham yaxshi edi, yangisi xuddi avvalgisidek faqat narxi qimmatroq. Ancha qimmat! Bir dorini patent muddati tugay boshlaganda, uni biroz o'zgartirib yangisini patentlashni buyuradi. Yangi dori paydo boʻlib qolmaydi, balki millionlab mablagʻ paydo qilinadi. Axir bu... Hamma uchun yaxshiku. Bemorlarchi dersiz? Bizga nima! Kasal boʻlmasin edi.

Yaratgan egam ularni xushlamagan! Zalda oʻtirgan sogʻlomlar keling, Ed Voglerni olqishlaylik!

Ushbu nutq doktor Haus serialidagi, xuddi shu obrazdagi odam tomonidan aytiladi.

Aslida bu gaplarning o'rniga, farmatsevtika kompaniyasi rahbari (Ed Vogler) tazyiqi ostida u dorini maqtashi kerak edi, lekin Haus qat'iyatli ekan, unday qilmadi. To'g'ri, bu postanovka va hammasi ssenariy bo'yicha amalga oshrilgan deyishingiz mumkin, ammo baribir prinsiplar va vijdoniylik g'alaba qozongan, bu esa juda muhim.

#Just

@Just_notes

DeepSeek yaxshiroq

Birinchi marta u haqida o'qiganimda, bepul degan joyini ko'rib hayron qolgandim. Chunki haqiqatdan ham juda samarali ishlaydi. Ishlatib ko'rganlar bilsa kerak, Chat-GPT premium variantidan ancha yaxshi.

Yana bir efffektiv tarafi DeepSeek iqtisodiy jihatdan ancha kichik resurs bilan shu holatda faoliyat ko'rsatyapti. Taqqoslash va raqobat shu darajaga yetdiki, Chat-GPT ni rivojlantirish uchun yana 500 million dollar sarmoya kiritiladigan bo'lyapti.

Bu jarayondagi va o'zi umuman olib qaralgandagi moddiy miqdorning ahamiyati haqida esa mana bu yerda yozilgan.

#Kuzatuv

@Just_notes

Oʻzini qudratliman deb bilgan kimsalargina hammasiga oʻzlarini aybdorman deb bilishadi

Perfektsionistlar, nima deb o'ylaysizlar shu gap tog'rimi?

@Just_notes

Konspiralogiya – bu turli voqealar, jarayonlar yoki hodisalarni yashirin fitna yoki maxfiy kuchlar ta’sirida tushuntirishga asoslangan qarashlar tizimi. U ilmiy dalillarga emas, balki taxminlar, shubhalar va noaniq ma’lumotlarga tayanadi. Konspiralogik nazariyalarga ko‘ra, dunyodagi muhim hodisalar tabiiy omillar yoki tasodifiy voqealar natijasi emas, balki yashirin guruhlar (masalan, hukumatlar, maxfiy tashkilotlar yoki elitalar) tomonidan ataylab boshqariladi.

Bu tushuncha ko‘pincha ommaviy axborot vositalarida, internetda va ijtimoiy tarmoqlarda keng tarqaladi. Uning asosiy xususiyati – mavjud dalillarga qarshi chiqib, rasmiy tushuntirishlarga ishonmaslik va ularga muqobil, yashirin ssenariylarni ilgari surishdir. Garchi ba’zi fitna nazariyalari haqiqatga yaqin bo‘lishi mumkin bo‘lsa-da, ularning aksariyati ilmiy dalillarga asoslanmaydi va noto‘g‘ri xulosalarga olib kelishi mumkin.

#terminology

@Just_notes

Kanaldagi ko'pchilikka bir tiyinlik qizig'i bo'lmasa ham baribir yozaman, bizda diktatura:)

Xullas, okean ortida juda qiziq voqealar bo'lyapti (1, 2). Oxirgi ikki haftada dunyoning 1-raqamli iqtisodiyoti o'zi uchun o'ta noan'anaviy qarorlar bilan yuzlashmoqda.

Jarayon qiziq, jamiyatning vaziyatga reaksiyasi undan ham qiziq. Bitta cappucinoni ichvolib kuzatadigan ishlar bo'lyapti.

#Just

@Just_notes

Piramidamas

"Setevoy" marketingchilar yangi o'ljani qo'lga kiritishda birinchi aytadigan gapi "bu piramidamas" deb boshlanadigan bo'libdi.

"Bu piramidamas lekin shunga juda o'xshab ketadi" deb to'rtta maipulyator bitta becharani soqqali ishga taklif qillishdi, poyezdda choy ichib o'tirgan payt.

Siz "ustoz" orqali juda foydali mahsulot sotib olasiz, shu bilan biznesga kirasiz va xuddi shu mahsulotni tavsiya qilasiz, siz orqali kelgan har bir mijoz uchun 30 dollardan olasiz. Bu piramidamas ya'ni mahsulotni siz qo'liz bilan ushlamiysiz, faqat tavsiya qilasiz, bori shu- dedi jamoaning ustozi. Davomidan hech kim so'ramasa ham 25000 dollar oylik, 15000 "premya" olishini aytib o'tib ketdi.

Mahsulot shu darajada zo'r, meditsina davolay olmagan kasalliklarni ko'rdim demay yo'q qvoradi, siz manga ishoning deb qo'shimcha qildi oxirida

Bo'ldi, shu bilan kontaktlar almashilinildi, "ustoz" yana bitta 30 dollarli bo'ldi. Ha aytgancha shu tepadagi aytgan gaplarini bular taqdimot deb aytisharkan :). Kalit joyi sifatida ishlatilgan ibora - "Mahsulotdan birinchi o'zingiz natija olishingiz shart". So'rab o'tirmadi ham u kasalmi, nimadir uni bezovta qiladimi, balki u juda sog'lom odamdir, hech qanday doriga ehtiyoji yo'qdir.

Eng qizig'i, shu darajada ekan nega bitta plastkart joyida ikki kishi joylashgansila deb haligi bola so'ramagani bo'ldi. Bu savolgayam javob quyidagicha bo'lsa hayron qolmasdim - "har safar samolyot yoki poyezd biznes sinfidan foydalansak, bizni "kibr" deb o'ylashlari mumkin"

"Ustoz marketologlar" taqdimotni sal odam ishonsa bo'ladigan informatsiyalar bilan boyitinglar, zamon rivojlanyapti, ustilarda ishlamayapsizlar. Bu sseneriy bundan 7 yil oldin ham shunaqa edi, hoziram shu, sal kreativ yondoshilar, yangi strategiyalar ishlab chiqinglar, bo'lmasa sotuv tushib ketib qoladi.

#Kuzatuv

@Just_notes

Istaklar, xohishlar juda muhim. Lekin reallikni hech qachon inkor etib bo'lmaydi. Ya'ni siz xohlaganingiz uchun aslida yo'q narsani bor deb ko'rsatib bo'lmaydi. Hammasi yaxshi, ideal bo'lishiga ishonchingiz taqsinga sazovor. Har qanday holatda optimistik fikrlash vaqtinchalik halovat bag'ishlashi mumkin, xolos.

Yaxshi narsaga ishonish istagi uni haqiqatga aylantirmaydi

@Just_notes

-«O‘rtacha statistika» nima degani?
-Qara, men go‘sht, sen non, anavi esa piyoz yeydi. Shuni jamlab, odamlar qiyma kabob yeyapti deyilishi o‘rtacha statistikadir.(#)

Ancha qo'pol, lekin juda zoʻr o'xshatish. 😐

@Just_notes