Jizzax viloyat MMTB Axborot xizmati| Rasmiy kanal

Bugun Jizzax viloyati hokimligi binosida oʻtkazilgan yigʻilish davomida Sport vaziri Adkham Ikramov vazirlik ishchi guruhi tomonidan viloyatdagi umumta’lim  maktablarida amalga oshirilgan oʻrganish natijalarini ham tahlil qildi.

Jumladan, Zomin tumanidagi 51-son umumta’lim maktabi jismoniy tarbiya fani oʻqituvchisi Bahrom Namozov mini-furltbol va basketbol sport turlaridan to’garaklarni tashkil etgan. Homiylik hisobidan mini futbol maydonshasi, shuningdek mini-futbol va taekvondo sport turlari boʻyicha seksiyalar tashkil etilgan.

Shuningdek, Zarbdor tumanidagi 9-son umumta’lim maktabi direktori Dilafruz Xo’jaqulova rahbarligida 4 nafar jismoniy tarbiya oʻqituvchilari tomonidan  voleybol, yengil atletika, futbol, stol tennisi, basketbol sport toʻgaraklari yoʻlga qoʻyilgan.

Shu bilan birga hududdagi ayrim umumta’lim maktablarida ushbu yoʻnalishdagi ishlar yetarli darajada tashkil etilmaganligi tanqidiy tahlil qilindi.

Yigʻilishda Sport vaziri tomonidan qaror ijrosi doirasida yuqori natijalarga erishgan jismoniy tarbiya oʻqituvchilari va sportchilar muntazam ragʻbatlantirilib borilishi ta’kidlandi.

Maktabgacha va maktab ta’limi vaziri Xilola Umarova tomonidan ushbu yo’nalishdagi islarni jaddalashtirish maqsasida Zomin tumanidagi “Lochin” bolalar sogʻlomlashtirish oromgohi sport bazasi imkoniyatlaridan unumli foydalangan holda Sirdaryo va Jizzax viloyatlari yoshlari oʻrtasida musobaqalar tashkillashtirish, har bir tumandagi maktablarda namunali sport klublari faoliyatini yoʻlga qoʻyish, shuningdek, viloyatdagi umumta’lim maktablari jismoniy tarbiya fani oʻqituvchilarining malakasini oshirish borasida takliflar bildirilib, doimiy hamkorlikda ishlar yoʻlga qoʻyilishi ta’kidlandi.

Shuningdek, yigʻilishda Sport vazirligi tegishli  tarkibiy tuzilmalari boshliqlari, Jismoniy tarbiya va sport bo‘yicha mutaxassislarni qayta tayyorlash va malakasini oshirish instituti rektori I. Tursunaliyev, Sirdaryo viloyati Maktabgacha va maktab ta’limi boshqarmasi boshligʻi, “Doʻstlik” ordeni sohibasi Nargiza Xolbayeva, Jizzax viloyati Maktabgacha va maktab ta’limi boshqarmasi boshligʻi Sanobar Suyarova, Jizzax viloyati Sport boshqarmasi boshlig’i Jaloliddin Oʻktamovlar qaror ijrosini uyushqoqlik bilan tashkillashtirish borasida oʻz fikrlari bilan oʻrtoqlashdi.

Yigʻilish davomida ishtirokchilarning mavzu doirasidagi savollariga mutaxassislar tomonidan atroflicha javoblar qaytarildi.

Web-Sayt | Telegram | Facebook | Instagram | Youtube

Bugun Jizzax viloyati hokimligi binosida Oʻzbekiston Respublikasi Prezidentining “Umumiy oʻrta taʼlim maktablarida jismoniy tarbiya fani oʻqitilishini tubdan takomillashtirish hamda ushbu fan oʻqituvchilarining kasbiy faoliyatini rivojlantirish chora — tadbirlari toʻgʻrisida”gi PQ-392-son qarori ijrosini taʼminlash hamda bu borada Sirdaryo viloyati tajribasini ommalashtirish yuzasidan yigʻilish oʻtkazildi.

Videoselektor tarzida oʻtkazilgan ushbu yigʻilishda Sport vaziri Adkham Ikramov, Maktabgacha va maktab taʼlimi vaziri Xilola Umarova, viloyat hokimi oʻrinbosari Akmal Savurbayev, tuman (shahar) hokimlari o‘rinbosarlari, Sport maktablari direktorlari hamda ularning o‘rinbosarlari va hududdagi 560 ta umumtaʼlim maktablarining 1437 nafar jismoniy tarbiya oʻqituvchilari ishtirok etdi.

Tadbirda joriy yilning 13-fevral kuni muhtaram Prezidentimiz boshchiligida olimpiya va paralimpiya harakati, ixtisoslashtirilgan va ommaviy sportni yangi bosqichga olib chiqish hamda aholi jismoniy faolligini oshirish chora-tadbirlari boʻyicha oʻtkazilgan videoselektor yigʻilishida hamda PQ-392-son qarorda belgilangan ustuvor vazifalar - ushbu yoʻnalishdagi ishlarni rivojlantirish borasida yangi bosqichni boshlab berganligi taʼkidlab oʻtildi.

Videoselektor yigʻilishida Sport vazirligi hamda Maktabgacha va maktab taʼlimi vazirligi tomonidan hamkorlikda amalga oshiriladigan ustuvor vazifalar haqida soʻz yuritildi.

Xususan, jismoniy tarbiya fani oʻqituvchilari uchun oʻquv-metodik qoʻllanmalar ishlab chiqish, jismoniy tarbiya oʻqituvchilari tarkibiga mahoratli sportchilarni jalb etish, jismoniy tarbiya fani oʻqituvchilariga malaka toifasi berishning yangi tartibini ishlab chiqish, oʻquvchilarning boʻsh vaqtlarini mazmunli oʻtkazish maqsadida maktab sport klublari faoliyatini yoʻlga qoʻyish, jismoniy tarbiya fani oʻqituvchilarining bilim darajasi va kasbiy mahoratini aniqlash boʻyicha milliy baholash tizimini ishlab chiqish, maktablarda oʻquvchilarning sport musobaqalaridagi ishtiroki, maktab sport klublarining faoliyati, oʻquvchilarning sport bilan qamrab olinganlik darajasini aniqlash yuzasidan reyting tizimini joriy etish, sport turlari boʻyicha yaxshi natijalarga erishgan oʻquvchilardan iborat jamoalarni shakllantirgan holda xalqaro musobaqalarda ishtirok etishini taʼminlash kabi dolzarb masalalar tahlil qilindi.

Yigʻilishda viloyatning tuman studiyalaridan ishtirok etgan masʼullar, jismoniy tarbiya fani oʻqituvchilari Prezidentimiz qarorlari ijrosini uyushqoqlik bilan tashkil etish borasida oʻz fikr mulohazalarini bildirishdi.

Web-Sayt | Telegram | Facebook | Instagram | Youtube