Hurfikr.uz

Қишлоқ қишлоқлигича қолди. Ўзгармади. Коррупсия монелик қилди.
Қишлоқда тил ўргатадиган курслар очиш ҳақида қарор чиққанд ва 50 милёндан субсидия ажратилганди.
Таниш-билишлар номига тил курсини очди, 50 милённи еди.Тамом. Номига очилган курслар ғойиб бўлди.Ҳеч қайси қишлоқда ҳеч қанақанги курс йўқ. Пул ҳазм бўпкетди. Буни текширадиган кимса йўқ.
Қани тил ўргатадиган курслар?
Ҳеч қанақанги курс йўқ.
Пуллар ўзлаштирилди.

Томчилаб суғориш қиламиз дейишди.
Субсидия ваъда қилинди.
Фермерлар 500 милёндан шубҳали фирмаларга пул ўтказди.
Қани томчилаб суғориш?
Йўқ томчилаб суғориш.
Пуллар еб юборилди.
Ишлар чала бўлди.
Фермер қарзга ботди.

Режани бажармаган, аммо кластер билаш шартномани бажарган фермерларни режани бажарасан деб мажбурланди.
Пахта қайда?
Ортиқча пахта кластерда бор.
Фермер кластердан (заводлан) пахта сотиб олди.
Ёзда сув тақчил эди.
Томчилаб суғарай деса, у ҳам чала.

Ўзбекистон коррупсия тўрига илинди.
Ким қутқаради.
Оддий халқми?
Ваколати йўқ, ҳам ўқимаган, тушунмайди.
Ўқиб бошни қотиргандан Расияга ишга кетган маъқул.
Шу даражада камбағалмизки, ўқитувчи Расияда кўча тозаловчидан кам ҳақ олади. Сабаби юртимиз коррупсия тўрига илинган.
Охири нима бўлади?
Охирини тасаввур қилолмайман.
Халқ онгида, қалбида ўзини  ўзгартириш ҳаракати сезилмайди.
Пули кўплар боласини араблаштириш билан оввора.
Тушунмайман.
Тушунтиринг.
Қалб ва онг ўйғонармикан.

Кўнгил, сен бунчалар нега
Кишанлар бирла дўстлашдинг.
На фарёдинг, на додинг бор,
Айт, сен нега мунча сустлашдинг?!

Ҳақорат дилни оғритмас....

Бу ишлар ичимни куйдиради, ёндиради. Бежиз ғамгин шеърлар ёзмайман, сабаби бор.

Чорасизлик чора бўлибдир...

Раҳимжон Раҳмат

https://t.me/Hurfikruznews

Ўзбекистон энергоресурсларнинг соф экспортёридан соф импортёрига айлантирилди

Айланиб қолди эмас, жаноб вазир. Сиз, сиздан аввалги устозингизнинг мақсадли ҳаракатлари, мақсадли ҳаракатсизлиги шу жойга олиб келди.

Марсликлар келиб Ўзбекистонни Россияга қарам қилиб бергани йўқ. 8 йилдан бери Ўзбекистон энергетикасида қанақа қийшиқ ва зараркунанда қарорлар ва лойиҳалар юз берган бўлса, устида сизлар тургансизлар.

Давлат шундай қарамлик юз бермаслиги учун қанча маблағ керак бўлса, бюджетдан, қарздан, одамлар чўнтагидан олиб берди ва бермоқда.

Лекин газ қазиб олишни оширишга ажратилган миллиардлаб долларларнинг натижаси қани? Триллионлаб субсидияларнинг натижаси қани? 4 млрд.долларлик GTL завод нега ишламаяпти?

Энди 8 йиллик онгли равишда яратилган оқибатларни гўёки ёпиш учун бизга минтақа учун бомбага айланадиган АЭС таклиф этаяпсизми?
Яъни шимоллик оғаларингиз фойдасига яратган қарамликни янада оширмоқчисиз, михлаб қўймоқчисиз? Шундайми?

Иқрорномангиз тарихда қолади, унутилмайди, эслатилади.

P.S. bakiroo нинг ушбу пости ортиқча изоҳ талаб қилмайди (no comment). Тўғри савол.

https://t.me/Hurfikruznews

Марказий Осиё давлатлари Хитой ва Россия ўртасидаги кескин рақобат майдонига айланди. Шу билан бирга, минтақанинг глобал аҳамияти сўнгги пайтларда доимий равишда ошиб бормоқда, бу Ўрта йўлак бўйлаб транспорт ҳажмининг тез ўсишидан далолат беради.

Россия минтақадаги гегемонлик даъволарини қадимий алоқаларга асослаб, асосан ЕОИИ орқали ишлайди. ХХР фойдали иқтисодий лойиҳаларни таклиф қилиш орқали ҳаракат қилишни афзал кўради, бу эса маҳаллий элитага Хитой фойдасига танлов қилиш имконини беради.

Ғарб, хусусан, Европа Иттифоқи ҳам минтақавий интеграцияни ривожлантириш ва Марказий Осиё давлатларининг суверенитетини мустаҳкамлашни қўллаб-қувватлаб, ушбу ўйинда иштирок этишга ҳаракат қилмоқда.

Минтақамиз муҳим геосиёсий чорраҳада турибди ва келажакда ўз мустақиллигимизни таъминлаш учун ҳамда минтақани обрўсини янада ошириш учун ҳар бир қадамни пухта ўйлаб босишимиз керак.

https://t.me/Hurfikruznews

Шу вақтгача бирор танишингиз кредит олаётган пайтда унга кафил бўлиб бериб, пушаймон бўлдингизми?

Улар кредитини ўз вақтида ёпмагани учун, қарзлар мажбуран сизнинг ҳисобингиздан ечиб олиндими?

Агар жавобингиз “ҳа” бўлса, демак сиз ёлғиз эмассиз.

Чунки жуда кўпчилик орадан қанчадир вақт ўтибгина кафилликнинг асл моҳиятини тушуниб ва уни бекор қилишга уринади.

Хўш, бунинг имкони борми?

Жавоб оддий – фақат банк ва қарз олувчининг розилиги билан буни уддаласа бўлади.

Агар сиз кафилликни бекор қилишни истасангиз, банк ва қарздор (кредит олган танишингиз) билан келишиб олишингиз керак.

Бироқ, кўпинча банк ёки қарздор бунга рози бўлмайди, чунки кафиллик хавфсизлик чораси деб ҳисобланадида.

Тушунганингиздек, кафилликдан бир томонлама фақат ўз хохишингизга кўрагина воз кечишингизга йўл қўйилмайди.

Масалан, шартнома тузилганидан кейин ишингиздан айрилсангиз, касал бўлиб қолсангиз, қарздор билан жанжаллашиб қолсангиз ҳам кафиллик ўз кучида қолаверади.

Кафиллик қачон бекор қилиниши мумкин:

-қарздор олдидаги мажбурият тўлиқ бажарилганлигида;

-мажбурият кафилнинг розилигисиз ўзгартирилганда (фоиз ставкаси ёки кредит миқдори оширилса);

-кафиллик шартномасининг амал қилиш муддати тугаганда;

-банк кафилнинг розилигисиз қарзни бошқа шахсга ўтказганда.

Яна бир йўли кафилни алмаштиришни сўраб банкка мурожаат қилиш, агар томонлар келишса кафилни бошқа шундай шахсга алмаштириш мумкин.

https://t.me/Hurfikruznews