Хикоялар Хадислар Ривоятлар Хикматлар

🔘 Қуръон ёдлашни истайсизми ?! ❤️
🔘 Қуръон ёдлашни истайсизми ?! 🩷

Номаҳрамлар бир-бирингизга гап отманг, агар Аллоҳнинг розилиги керак бўлса. Аллоҳга тақво қилинг. Ҳеч битта номаҳрам Аллоҳнинг раҳматини бой беришимизга арзимайди.

Аллоҳ ҳар икки дунёда ҳам тақводорлар билан бирга бўлади дейилган ояти карималарда.

Нега номаҳрамлар заруратсиз оппа-осон гаплашиб кетаверасизлара?! Яратувчи Роббингизнинг шаъриатини менсимайсизларми, қўрқмайсизларми ғазабидан...

Гуноҳларни кичкина санаш бизнинг ҳалокатимиз бўлади. Чунки йиғилиб-йиғилиб катталашиб кетади. Йиғилиб катталашиб кетганидан бехабарлигингиз учун тавба қилиш ҳам ҳаёлингизга келмайди, натижада ҳисобингизни оғирлаштирасиз, бундан нима фойда топасиз?!

Тафаккур қилинг!!!

©️Muzdalifa

@HikoyaNew

“Саҳиҳул Бухорий”нинг ёзилишига туртки бўлган иккита сабаб

1. Иброҳим ибн Маъқил Насафий ёзади: “Имом Бухорий деди: “Устозимиз Исъҳоқ ибн Роҳавайҳ мажлисида бир киши: “Набий соллаллоҳу алайҳи васалламнинг суннатлари бўйича бир мухтасар китоб жам қилинглар”, деди. Шундан кейин қалбимда бу китобни ёзишга истак пайдо бўлди”;

2. Муҳаммад ибн Сулаймон ибн Форис айтади: “Имом Бухорийдан қуйидагиларни эшитганман: “Тушимда Набий соллаллоҳу алайҳи васалламни кўрдим. Мен у зотнинг ёнларида турибман. Қўлимда катта елпиғич бор. У билан Расулуллоҳ соллаллоҳу алайҳи васаллам атрофидаги пашшаларни ҳайдаётган эканман. Бу ҳақда баъзи таъбирчилардан сўрадим, улар: “Сен у зотдан ёлғонни ҳайдайсан”, деб таъвил қилишди. Ушбу тушдан сўнг кўнглимда саҳиҳ ҳадисларни жамлашга нисбатан завқ-шавқ пайдо бўлди.

Мазкур икки сабаб орасида ҳеч қандай қарама-қаршилик йўқ. Ушбу икки воқеа ҳам китобнинг ёзилишига сабаб бўла олади.

Др. Шайх Саййид Раҳматуллоҳ Термизий

@HikoyaNew

​​Жума куни тўрт нарса ёдингизда бўлсин!

1️⃣ - Аллоҳнинг энг суюкли бандаси, Пайғамбар аълайҳиссаломга салавот айтишни унутманг!
(Аллоҳумма солли ва саллим аълаа Саййидина Муҳаммад).

2️⃣ - Шундай сура борки, сизни нурга буркайди. У - Каҳф сураси. Ўқиб қўйишни унутманг. Бу суннат амал!

3️⃣ - Бу кунда бир вақт борки, дуо қилишингиз учун сизга мунтазир. Уни зое қилманг! Ўзингизга қўшиб, мусулмонларнинг ҳаққига ҳам дуо қилишни унутманг!

4️⃣ - Шунақа дўстларингиз борки, сизнинг унга билдирмасдан дуо қилишингизни кутади. Қалбдан қилинган дуоларингизда уларни унутманг!

Расулуллоҳ соллаллоҳу аълайҳи ва саллам шундай деганлар:

“Ким жума куни Каҳф сурасини ўқиса келаси жумагача ундан нур таралиб туради”.

(Байҳақий “Сунанул кубро”да (5996) ривоят қилган)

Абу Саъид розиаллоҳу анҳудан ривоят қилинади:
«Набий соллаллоҳу аълайҳи васаллам: «Ким Қаҳф сурасини жума куни қироат қилса, унга икки жума орасича нур зиё сочади», – дедилар».
Бошқа нусхада:
«У билан Байтул Атийқ орасича нур зиё сочади», – дейилган.
Ҳоким ва Байҳақий ривоят қилишган.
Ибн Умар розиаллоҳу анҳудан ривоят қилинади:
«Расулуллоҳ соллаллоҳу аълайҳи васаллам: «Ким жума куни Каҳф сурасини ўқиса, қиёмат куни унинг қадами остидан нур чиқиб, осмону фалакни ёритади ва унинг икки жума орасидаги гуноҳлари кечирилади», – дедилар».
Абу Бакр ибн Мардуяҳ ривоят қилган.
Имом Шофеъий роҳматуллоҳи алайҳ: «Жума куни Каҳф сурасини қироат қилиш суннат», – деганлар.

«Жума ҳақидаги оят ва ҳадислар» китобидан

Каҳф сурасининг фазилати тўғрисида Набий алайҳиссалом бундай деганлар: “Ким Каҳф сураси бошидан ўн оят ёдласа, дажжол (ёмонлиги, фитнаси)дан сақланади”

Имом Муслим, Абу Довуд, Термизий, Насаий, Аҳмад ривоятлари.

Дажжол Қиёматга яқин чиқиб, илоҳликни даъво қилади, одамларни йўлдан оздиришга ҳаракат қилади. Агар унга ишонсалар, уларга осмондаги Ойни ваъда қилиб, кофир бўлишга ундайди. Шундай қўрқинчли ва таҳликали кунда Каҳф сурасини ўқиб, уқиб юрган мўминлар Дажжолнинг фитнаю ёмонликларидан йироқда бўладилар.

Расулуллоҳ (соллаллоҳу алайҳи васаллам): «Ким Каҳф сурасини жума куни ўқиса, унинг учун ўзи ва икки жума ўртасини ёритувчи нур порлайди», – деганлар

Имом Ҳоким «Мустадрак»да ривоят қилганлар. Санади саҳиҳ.

Саҳл ибн Муоз ибн Анас жуҳанийдан, у киши отасидан ривоят қилади: «Расулуллоҳ (соллаллоҳу алайҳи васаллам): «Ким Каҳф сурасининг аввали ва охирини ўқиса, оёғидан бошигача нурга кўмилади (нурли бўлади). Ким уни тўлиқ ўқиса, унинг учун осмон билан Ер масофасича нур пайдо бўлади (порлайди)

Имом Аҳмад ва Табароний ривоятлари

Бугун муборак жума, Каҳф сурасини ўқинг ва зикр қилинган ҳамда қилинмаган фазилатларга эга бўлинг

@HikoyaNew

​​
Мактабдаги хотираларим

Мактабимизда буфет бўлар эди. Ўша тарафдан ажойиб ҳидлар келардида ўзиям...
   Чўнтагимизда беш-ўн тийин пулимиз бўлса, катта танаффус бўлди дегунча ўша ёққа югурардик.
Кўржик, язик, икрали нон 5 тийин эди. Майизли булочка 10тийин. 
Трубочка 15 тийин.
Иссиқ овқат учун 20 тийин керак бўларди. Бунча пул менда камдан-кам бўлар эди. Шунинг учун кўпинча, кўржик ёки усти шакарли, тил шаклидаги язик олар эдим.
   Буфетимизда иккита аёл галма-гал ишлар эдилар. Бири, қўполлиги учун ҳамма ёмон кўрадиган Шарофат опа (исм ўзгартирилди), иккинчиси жуда мулойим, болаларга меҳрибон, кичкинагина фариштасифат, татар аёли - Ҳадия опа эди. Бу аёл бизнинг қўшнимиз Карим аканинг аёли эди. Икковларини ҳам Аллоҳ раҳматига олган бўлсин.
   Патнисда тахланган язиклар ҳар хил бўлар эди. Орасида қийшиқ ёки чети куйганлари ҳам бўлар эди. Шарофат опадан оладиган бўлсам, негадир, язикларнинг орасидан энг ёмонини танлаб олиб берар эди. Индолмасдим...
   Ҳадия опа эса, навбатда болалар кўп бўлишига қарамасдан, эринмай, язикларнинг орасидан энг яхшисини танлаб, жилмайиб берар эдилар. Ҳаммага ҳам шундай қилар эдилар.
   Бир куни онамга шуни айтдим.
---Ҳадияпа жа яхши хотин-а, ойи?
---Ҳа яхши аёл. Нега унақа деяпсан?
---Нарса олсам доим энг яхшисини танлаб оберадилар. Шарофатапа бўса энг ёмонини танлаб берадилар.
   Онам бир пас ўйлаб туриб шундай дедилар:
---Бир кунда патнисдаги ўша язикларнинг ҳаммаси сотиб бўлинадими?
---Ҳа, тўртинчи соатдан кейин борсам биттаям қолмаган бўлади.
--- Қара, Шарофатапа ҳар бир болага патнисдаги язикларнинг энг ёмонидан бошлаб сотиб тугатади. Ҳадия опа ҳар бир болага энг яхшисидан бериб тугатади. Ўша қийшиқ язик ҳам қоб кетмайди. Тўғрими? Иккови ҳам бор язикларнинг ҳаммасини сотишади. Лекин, биттаси ёмон хотин деб танилади. Ҳамма уни ёмон кўради. Иккинчиси эса, «яхши хотин» бўлиб танилади. Ҳамма уни яхши кўради. Энди ўзинг хулоса қил, болам....
   Онам раҳматлининг мана шу гаплари менга зўр дарс бўлган. Биров билан олди-берди қилаётганимда доим шу қоидани эслайман. Дўконимда иккита бир хил маҳсулотнинг энг яхшисини кўрсатишга ҳаракат қиламан. Иккинчиси ҳам қоб кетмайди. Бир одамга иккита нарсадан яхшироғини берган бўламан. Иккинчисига эса, қўлимдаги борини берган бўламан.
   Айниқса, пул олди-бердисида шундай қилсангиз, ҳаммага ёқади. Дейлик, 200минг сўм бировга беришингиз керак. Сизда ҳар хил миқдордаги қоғоз пуллар бор. 500сўмликдан то 50минг сўмликкача. Мижоз кўриб турибди. Сиз унга пулларингизнинг орасидан энг йиригини, уларниям орасидан ҳолати энг янги бўлганини беришга одат қилинг. Рўпарангиздаги инсонда бу ишингиз билан жуда яхши таассурот қолдирасиз. Эски пулларнинг ҳам жойи чиқади, албатта. Ишлатилмай қоб кетмайди.
Шу қоидага бир амал қилиб кўринг-а!
Шоолим Шомансур

@HikoyaNew

#Савол

ИШ КИЙИМ БИЛАН НАМОЗ ЎҚИШ

Кўпинча ишхонада намоз ўқийман. Кийимим чанг бўлади. Савол шундаки, пок кийимда қазо қилиб ўқиган афзалми ёки чанг, мой кийимда вақтидами?

ЖАВОБ:

Бисмиллаҳир Роҳманир Роҳим. Тўғри, имкон бўлганда тоза-покиза кийимлар билан намоз ўқишга тарғиб қилинади. Фиқҳ китобларимизда иш кийими билан намоз ўқиш макруҳ, деган гаплар ҳам бор. Лекин тоза кийим бўлмаганда, иш кийими билан бўлсада намозни вақтида ўқилади. Чунки намозни тарк қилиш катта гуноҳдир. Катта гуноҳга тушмаслик учун кир кийим билан бўлсада, фарзни бажариш шарт бўлади. Бунинг устига чанг, ҳар хил техник мойлар, бензин, солярка каби нарсалар нажосат ҳисобланмайди. Зарурат бўлган шундай кийимларда ҳам намоз ўқилади. Буни баҳона қилиб намозни тарк қилинмайди. Валлоҳу аълам.

Ўзбекистон мусулмонлари идораси. Фатво ҳайъати.

@HikoyaNew

Бақара ва Оли Имрон сурасидаги гўзал дуолар

Бақара сураси:

«Эй Роббимиз, биздан қабул эт, албатта, Сенинг Ўзинг эшитувчи, билувчи Зотсан». 127-оят

«Роббимиз, икковимизни Ўзинг мусулмон бўлганлардан қил ва зурриётларимиздан ҳам Ўзингга мусулмон уммат қил, бизга ибодатларимизни кўрсат, тавбамизни қабул эт. Албатта, Сенинг Ўзинг тавбаларни кўплаб қабул этувчи, раҳимли Зотсан». 128-оят

«Роббимиз, бизга бу дунёда ҳам яхшиликни, охиратда ҳам яхшиликни бергин ва бизни дўзах олови азобидан сақлагин». 201-оят

«Роббимиз, бизга сабр тўккин, собитқадам қилгин ва кофир қавмларга қарши нусрат бергин». 250-оят

«Эй Роббимиз, агар унутсак ёки хато қилсак, (иқобга) тутмагин. Эй Роббимиз, биздан олдингиларга юкланганларга ўхшаш оғирликни бизга юкламагин. Эй Роббимиз, бизга тоқатимиз етмайдиган нарсани юкламагин. Бизни авф эт, мағфират қил ва раҳм эт. Сен хожамизсан. Бас, кофир қавмларга бизни ғолиб қил». 286-оят

Оли Имрон сураси:

 «Эй Роббимиз, бизни ҳидоят қилганингдан сўнг қалбларимизни оғдирмагин ва бизга Ўз ҳузурингдан раҳмат ато қилгин. Албатта, Сенинг ўзинг кўплаб ато қилувчисан». 8-оят

«Эй Роббимиз, албатта, Сен одамларни келишига шубҳа йўқ кунда йиғувчисан. Албатта, Аллоҳ ваъдага хилоф қилмас». 9-оят

«Роббимиз, албатта, биз иймон келтирдик, бизнинг гуноҳларимизни мағфират қилгин ва дўзах азобидан сақлагин». 16-оят

«Эй барча мулкнинг эгаси Роббим! Хоҳлаган кишингга мулк берурсан ва хоҳлаган кишингдан мулкни тортиб олурсан, хоҳлаган кишингни азиз қилурсан, хоҳлаган кишингни хор қилурсан. Барча яхшилик сенинг қўлингда. Албатта, Сен ҳар бир нарсага қодирсан. Кечани кундузга киритурсан ва кундузни кечага киритурсан, ўликдан тирикни чиқарурсан ва тирикдан ўликни чиқарурсан ҳамда хоҳлаган кишингга беҳисоб ризқ берурсан». 26-27-оятлар

«Эй, Роббимиз! Сен туширган нарсага иймон келтирдик ва Пайғамбарга эргашдик. Бас, бизни гувоҳлик берувчилар қаторига ёзгин». 53-оят

«Эй Роббимиз! Бизнинг гуноҳларимиз ва ишимиздаги исрофимизни Ўзинг кечиргин, собитқадам қилгин ва кофир қавмлар устидан бизга нусрат бергин». 147-оят

«Роббимиз, буни бекорга яратганинг йўқ, Ўзинг поксан, бизни ўт азобидан сақлагин». 191-оят

«Роббимиз, албатта, Сен кимни дўзахга киритсанг, батаҳқиқ, уни шарманда қилибсан. Ва золимларга ёрдам берувчилар йўқ». 192-оят

«Роббимиз, биз нидо қилувчининг «Роббингизга иймон келтиринг» деб нидо қилаётганини эшитдик ва иймон келтирдик. Роббимиз, бизнинг гуноҳларимизни кечиргин ва ёмонликларимизни ўчиргин ҳамда яхшилар билан бирга ўлдиргин». 193-оят

«Роббимиз, бизга Пайғамбарларингга ваъда қилган нарсаларингни бергин ва бизни қиёмат куни шарманда қилмагин. Албатта, Сен ваъдага хилоф қилмассан». 194-оят.

@HikoyaNew