Germaniyada O'zbeklar

Germaniyadagi bolalar bog‘chalari malakali kadrlar yetishmasligidan aziyat chekmoqda

Nemis Bertelsman fondi tahlilchilari tomonidan chiqarilgan xulosa yoqimli bo‘lmasa-da, hayratlanarli ham emas: mamlakat bolalar bog‘chalarida tarbiyachi pedagoglar yetishmovchiligi jiddiy darajada. Hatto hozirning o‘zidayoq tarbiyachilar shu qadar kamki, ba’zida ushbu ish uchun zarur bo‘lgan ta’limga ega bo‘lmagan xodimlarni ham ishga olishga to‘g‘ri kelmoqda. “Maktabgacha ta’lim tizimini monitoring qilish” deb nomlangan hisobot Germaniya Federal statistika boshqarmasi ma’lumotlari asosida tayyorlangan.

Ushbu hisob-kitoblarga ko‘ra, yetti yil avval Germaniyadagi bolalar bog‘chalarining 40 foizdan ziyodi yuqori malakali mutaxassislar bilan ta’minlangan edi: pedagoglarning taxminan 80 foizi zarur malakaga ega bo‘lgan. Biroq 2023-yilga kelib, Germaniyaning 16 federal yerdan 13 tasida bunday mutaxassislar soni uchdan bir qismgacha kamaydi. Bu tendensiya ayniqsa Berlinda keskin kuzatilmoqda: u yerda tayyorlangan kadrlar soni 18 foizga qisqargan.

Maxsus mutaxassislar yetishmovchiligi maktabgacha ta’lim sifatiga salbiy ta’sir ko‘rsatmoqda. Bu vaziyatda eng qiyin ahvolda bo‘lganlar – nemis tilini ona tili sifatida bilmaydigan oilalardan chiqqan bolalar. Yaxshi tayyorgarlikka ega xodimlar esa kam malakaga ega bo‘lgan hamkasblariga yordam berishiga to‘g‘ri kelmoqda – boshqacha aytganda, ularning ish hajmi yana-da oshib ketmoqda. Gissen shahridagi Yustus Libix universiteti tomonidan e’lon qilingan bolalar bog‘chalari vaziyati bo‘yicha tadqiqotga ko‘ra, Germaniyadagi tarbiyachilarning aksariyati ish yuklamasi va zo‘riqishdan shikoyat qilmoqda.

Batafsil ma’lumot DW materialida.

®️@dwrussian

👉 https://t.me/SPAkanal