Diyorbek |Unsorted

Bugun Rajab oyining Meʼroj kechasidir.

Avvalambor ushbu kecha haqida tushuncha olsak.

Isro – Payg'ambarimiz Muhammad sallallohu alayhi vasallamning Makkadan Quddusga, yaʼni masjidi Xaromdan masjidi Aqsoga qilgan tunggi sayrlari.
Meʼroj – masjidi Aqsodan osmonga ko'tarilishlari.
Isro va Meʼroj insonning aqli yetmaydigan ilohiy bir hodisadir. Buni qalam anglata olmas. Bunda zamon va makon chegarasi oʻrtada yoʻq bo'lgandir. Bu Payg'ambarimizning (sallallohu alayhi vasallam) ilohiy inoyatga erishishidir.

Shubhasiz Isro va Meʼroj Alloh Rasulining buyuk mo'jizasidir. Islomiy oylardan boʻlmish Rajab oyining 27- kuni Rasuli Akram (sollallohu alayhi vasallam) ikki yoʻlchilik qilganlar. Birinchisi yer yoʻlchiligi, ikkinchisi esa samo yoʻlchiligi.

Meʼroj kechasi Payg'ambarimizga (sollallohu alayhi vasallam) uch narsa berildi:

1. Baqara surasining oxirgi oyati — Amanar Rosulu.
2. Ummatidan Allohga sherik qoʻshmaganlarning jannatga kirish xushhabari.
3. Meʼroj hadyasi sifatida besh vaqt namoz farz bo'ldi.

Meʼroj kechasida oʻqiladigan duo

Bu qadrli kechada oʻqiladigan aniq bir duo yoʻq. Inson qaysi duoni oʻqisa in sha Alloh qabul bo'ladi. Bu kechada Allohni ulugʻlovchi ushbu tasbehlarni oʻqish afzaldir.

سُبْحَانَ اللّهِ وَلْحَمْدُ لِلْهِ وَلاَ إِلَهَ إِلَّا اللّه وَاللّه اَكْبَرُ وَلاَ حَوْلَ وَلاَ قُوَّةَ اِلاَ بِاللَّهِ الْعَلِيَّ الْعَظِيْمِ

" Subhanallohi valhamdu lillahi va la ilaha illallohu vallohu akbar va la havla va la quvvata illa billahil ʼAliyyil Aziym"

"Alloh nuqsonlardan pokdir. Hamd unga hos va undan oʻzga iloh yo'q. Alloh buyuk. Kuch va quvvat oliy va buyuk Allohdandir".

لاَ إِلَهَ إِلاَّ أَنتَ سُبْحَانَكَ إِنَّي كُنتُ مِنَ الظَّاِلمِينَ

" La ilaha illa anta subhanaka inniy kuntu minazzolimin".

"Sendan boshqa iloh yo'qdir. Sen poksan, men nafsimga zulm etganlardan boʻldim".

Meʼroj kechasi namozi

Meʼroj kechasi hufton namozidan so'ng ikki rakatdan jami oʻn ikki rakat xojat namozi oʻqiladi. Bu namozning har bir rakatida Fotiha surasidan soʻng oʻn marta Ixlos surasi, namoz tugagach esa toʻrt marta Fotiha surasi va yuz marta ushbu tasbeh oʻqiladi:

سُبْحَانَ اللّهِ وَلْحَمْدُ لِلْهِ وَلاَ إِلَهَ إِلَّا اللّه وَاللّه اَكْبَرُ وَلاَ حَوْلَ وَلاَ قُوَّةَ إِلَّا بِاللّهِ الْعَلِيَّ الْعَظِيْمِ

" Subhanallohi valhamdu lillahi va la ilaha illallohu vallohu akbar va la havla va la quvvata illa billahil ʼAliyyil Aziym".

" Alloh nuqsonlardan pokdir. Hamd unga hos. Undan oʻzga iloh yo'q. Alloh buyuk. Kuch va quvvat oliy va buyuk Allohdandir".

Ushbu tasbehdan soʻng 100 marta istigʻfor, 100 marta salovot oʻqilib Allohdan oʻz istaklari soʻraladi.

Meʼroj kechasidan keyingi kun, yaʼni Rajab oyining 27 kuni roʻza tutish afzaldir. U kun peshin va asr namozlari oralig'ida toʻrt rakat namoz o'qiladi. Namozning har rakatida Fotiha surasidan soʻng besh marta Oyat-al Kursiy, besh marta Kafirun, besh marta Ixlos, Falaq va Nos suralari oʻqiladi.

Do'stlaringizga ham eslating..

Insayt

Kimgadir telegramdan xabar yozmoqchi bo'lsangiz, bitta blokda batafsil yozish kerak. Buni huddi qog'oz xat yozishga o'xshatsa bo'ladi. Sizda bitta qog'oz bor xolos, uni bo'lib-bo'lib bittadan gaplarni alohida yuborishingiz ham vaqtni oladi ham resurs isrof bo'ladi. Sizni chat qilib o'tirishga vaqtingiz bo'lsa, suhbatdoshingizniki bo'lmasligi mumkin. Egoistlik qilish kerak emas.

Xat yozish yoki muroajaat qilish ko'nikmasini ommaviy rivojlantirishmiz kerak. Men ham.