Chust shahri

Чустда қиймати 49 миллион долларлик янги лойиҳанинг тамал тоши қўйилди

Бугун Чуст туманининг Чустнон-Дўсларобод МФЙ ҳудудида “Namangan sement” корхонасининг иккинчи ишлаб чиқариш линияси қурилиши тамал тоши қўйилди. Тадбирда вилоят ҳокими Хайрулло Бозоров, Чуст туман ҳокими Баҳодир Охунов иштирок этдилар.

2019 йилда қурилиши бошланган корхонанинг биринчи босқичи ишга туширилиб, ҳозирда йиллик 200 минг тонна цемент ишлаб чиқариб келинаётганди.

14 гектар майдонда барпо этилаётган, лойиҳа қиймати 49 миллион АҚШ доллари бўлган янги ишлаб чиқариш қувватларида йиллик 1 миллион 100 минг тонна цемент ишлаб чиқарилади. Лойиҳа корхонанинг 14 миллион доллар ўз маблағлари ҳамда 35 миллион долларлик “Ҳамкорбанк” кредити ҳисобига амалга оширилмоқда. Ишлаб чиқариш учун Хитойдан ускуналар олиб келинмоқда.

2021 йилнинг декабрь ойида ишга туширилиши режалаштирилган линияда 250 дан зиёд янги иш ўрни яратилади. Ишлаб чиқариладиган сифатли цемент, тўлалигича ички бозорга йўналтирилади.

@namvilhok

Bizga qo'shiling!↙️
@Chust_shahri

Ўзбекистонда коронавирус май ойида бутунлай тугаши прогноз қилинди
Сингапур Технология ва дизайн университети (SUTD) тадқиқотчилари мавжуд маълумотлар таҳлили асосида дунёда коронавирус тарқалиши билан боғлиқ вазиятлар якунланишига оид мониторинг натижаларини эълон қилди, деб хабар бермоқда «Дарё».
Унга кўра, Ўзбекистонда коронавирус тарқалиши билан боғлиқ вазият шу йилнинг май ойида якун топиши тахмин қилинмоқда.
SUTD инновациялар лабораторияси томонидан чоп этилган ҳисоботга кўра, Ўзбекистонда коронавирус эпидемияси 2 май куни 97 фоизга, 8 майда 99 фоизга тугайди. Унинг батамом 100 фоизга якунланиши эса 24 майга тўғри келиши прогноз қилинган.
Қайд этилишича, келтирилган мониторинг натижалари фақат танишиш мақсадида тақдим этилган бўлиб, хатолар бўлиши мумкин. Шу сабабли ҳар қандай ижобий прогнозлар ҳам эҳтиётлик билан қабул қилиниши лозим.

Doimo biz bilan bo'ling!↙️
@Chust_shahri

ЎЗБЕКИСТОНДА БИР ҚАТОР ЙЎНАЛИШЛАР ФАОЛИЯТИНИ ҚАЙТА БОШЛАШ УЧУН РУХСАТ БЕРИЛДИ

🦠 Инқирозга қарши курашиш республика комиссияси қарори билан эпидемия шароитида иқтисодиёт тармоқларининг барқарор ишлашини таъминлаш, аҳоли ўртасида ишсизлик ошиб кетишининг олдини олиш ҳамда бюджет тушумларини таъминлаш учун иқтисодиётнинг қатор йўналишлари фаолиятига рухсат берилмоқда:

🔹 қурилиш материаллари бозорлари, шу жумладан, қурилиш материалларининг чакана ва улгуржи савдоси фаолияти билан шуғулланувчи хўжалик юритувчи субъектларга (майдони 500 кв.м дан кам бўлмаган);

🔹 йирик ишлаб чиқарувчи субъектларнинг ўз маҳсулотларини сотишга мўлжалланган ҳудудлардаги тармоқ дўкон (магазин)ларига (санитар нормаси 10 кв.м га 1 нафар харидор тартиби асосида);

🔹 ҳунарманд ва усталарга – улар томонидан ясалган буюмларни бозор расталаридан ташқари алоҳида жойлашган жойда (дўкон) сотиш фаолиятига;

🔹 уруғ ва кўчат етиштириш ҳамда уларни сотиш фаолияти билан шуғулланадиган тадбиркорлик субъектларига (мулкчилик шаклидан қатъий назар);

🔹 тижорат банкларининг объектлардаги шаҳобчаларига (кассалари);

🔹 автомобилларга эҳтиёт қисмлар сотиш фаолияти билан шуғулланадиган тадбиркорлик субъектларига (мулкчилик шаклидан қатъий назар);

🔹 автомобиллар, қишлоқ хўжалиги ва қурилиш техникаларига сервис хизмат кўрсатувчи ташкилотларга – 1000 кв.м дан кам бўлмаган майдонга эга субъектлар, шунингдек, вулканизация хизматлари кўрсатувчи субъектларга;

🔹 кимёвий тозалаш билан шуғулланувчи тадбиркорлик субъектларига;

🔹 нотариал идоралар ва суғурта компанияларини фаолият юритишига;

🔹 тўхтаб қолган инвестиция лойиҳалари ва ижтимоий соҳа объектларини қуриш ишларини давом эттириш.

Doimo biz bilan bo'ling!↙️
@Chust_shahri