Бухоро вилояти судлари | Расмий канал

Суд ва ёшлар учрашуви!

Бухоро вилоят судида Бухоро давлат университетининг “Юриспруденция” факултети талабалри билан “Ёшларнинг ҳуқуқий онги ва маданиятини юксалтириш, онгида адолат ва қонун устуворлиги ғояларини сингдириш” мавзусида “Суд ва ёшлар учрашуви” ташкил этилди.

Учрашувни Бухоро вилоят суди раиси У.Рўзиев олиб борди.

Мулоқот давомида суд ҳокимиятининг чинакам мустақиллигини, фуқаролар ҳуқуқ ва эркинликларининг ишончли ҳимоясини таъминлаш ҳамда одил судловга эришиш даражасини ошириш, суд-ҳуқуқ тизимини ислоҳ қилиш соҳасида давлат сиёсатининг асосий устувор йўналишлари ҳақида айтиб ўтилди.

Юксак касб эгалари билан юзма-юз учрашув ёшларнинг юридик касбни танлашга адашмаганлигига ишонч уйғотиб, уларнинг ўз касбига муносабатини янада теран ҳис этишга хизмат қилади.

Тадбирда иштирок этган талабалар суд тизимидаги бўш иш ўринлари, ходимлар учун яратилган шароитлар, ижтимоий кафолатлар, ишга қабул қилиш тартиби ҳамда номзодларга қўйиладиган талаблар ҳақида атрофлича маълумотга эга бўлдилар

Тадбир мазмунли ва савол-жавобларга бой бўлди.

Сайт I Telegram I Facebook

Жиноят ишлари бўйича Олот туман суди ташаббуси билан Олот туман "Арабхона" МФЙ биносида Ўзбекистон Республикаси Президентининг 2024 йил 10 июндаги “Тезкор-қидирув ҳамда тергов фаолиятида шахснинг ҳуқуқ ва эркинликларини ишончли ҳимоя қилиш кафолатларини янада кучайтириш чора-тадбирлари тўғрисида”ги ПФ-89-сон Фармони ижросини самарали ташкил қилиш ҳамда тергов судьяси институтини жорий этилиши доирасида амалга оширилган ишлар, тергов судьяларининг вазифалари ва асосий йўналишлари билан боғлиқ масалаларга бағишланган семинар ўтказилди.

Семинарда жиноят ишлари бўйича Олот туман суди тергов судьяси, Олот туман ички ишлар бўлимининг раҳбарияти, суриштирув ва тергов ходимлари, профилактика инспекторлари ва маъмурий баённома расмийлаштириш ваколатига эга бўлган масъуллар, маҳалла фаоллари ҳамда фуқаролар иштирок этишди.

Дастлаб, сўнги йилларда суд-ҳуқуқ тизимида амалга оширилаётган ислоҳотлар аҳамияти ҳақида фикр-мулоҳазалар билдирилди. Суд ва ҳуқуқни муҳофаза қилувчи органлар фаолиятида шахснинг ҳуқуқ ва эркинликлари ҳимоясининг кафолатларини кучайтириш, шунингдек, аҳолининг ҳуқуқни муҳофаза қилиш тизимига бўлган ишончини мустаҳкамлашга қаратилган кенг кўламли ишлар хусусан, 2025 йил 1 январдан жиноят ишлари бўйича туман, шаҳар судларида тергов судяси лавозими жорий этилиши тизимда очиқ ва ошкоралик, холисликни таъминлашга хизмат қилиши эътироф этилди.

Учрашув давомида профилактика инспекторлари фаолияти давомида ҳамда иш ҳужжатларини расмийлаштиришда юзага келаётган муаммо ва камчиликлар эшитилиб, келгусида амалга оширилиши лозим бўлган устувор вазифалар хусусида келишиб олинди.

Сайт I Telegram I Facebook

Бухоро вилоят суди ташаббуси билан “Бухоро вилоятида меҳнатга оид муносабатларни тартибга солиш, бунда меҳнат низоларига сабаб бўлаётган ҳолатлар, ушбу низоларни адолатли ҳал қилиш ва келгусида олдини олишга қаратилган аниқ чора-тадбирларни белгилаш масалалари”га бағишланган амалий семинар ташкил этилди.

Семинарда Касаба уюшмалари Федерацияси вилоят Кенгаши, Бухоро вилоят прокуратураси, адлия бошқармаси, ички ишлар бошқармаси ва бошқа бир қатор давлат органлари вакиллари ҳамда вилоятда фаолият кўрсатаётган корхона, ташкилот ва муассасалар ҳуқуқшунослари, ходимлар бўлими мутахассислари, тадбиркорлик субъектлари ва фуқаролар қатнашди.

Бухоро вилояти фуқаролик ишлари бўйича туманлараро судлари томонидан 2024 йил давомида меҳнат муносабатларига доир жами 829 та фуқаролик ишлари кўрилган бўлиб, ишлар сони 2023 йилга нисбатан (615 та) 214 та ёки 25,8 фоизга ошган. Ишларнинг 583 таси бўйича даъволар қаноатлантирилган, 105 таси рад этилган, 105 та аризалар кўрмасдан қолдирилиб, 36 таси юзасидан иш юритиш тугатилган.

Кўрилган ишларнинг 478 таси иш ҳақи ундириш, 194 таси ишга тиклаш, 20 таси меҳнат таътили бериш, 15 таси иш ҳақи ва унга тенглаштирилган тўловларни кечиктирганлик учун компенсация ундириш, 6 таси ишга қабул қилишни ғайриқонуний равишда рад этиш ва қолгани бошқа тоифадаги меҳнат низоларини ташкил этган.

Ишга тиклаш ҳақидаги даъволар бўйича кўрилган 194 та ишларнинг 115 таси ёки қарийб 60,0 фоизи юзасидан иш берувчиларнинг буйруқлари ғайриқонуний деб топилиб, ходимлар ишга тикланган.

Ишга тиклаш низолари нисбатан кўпайган соҳалар (жавобгар субъектлар) кесимида таҳлил қилинганда, 2024 йилда банк тизимида 27 та, Мактабгача ва мактаб таълими вазирлигининг қуйи бўғинларида 25 та, Ички ишлар вазирлиги ва унга тегишли ташкилотларда 23 та, Соғлиқни сақлаш вазирлиги ва унга тегишли ташкилотларда 21 та, Иқтисодиёт ва молия вазирлиги тизимидаги ташкилотларда 11 та, Маҳаллий давлат ҳокимияти органларида 7 та ҳамда бошқа давлат идоралари ва органларида 45 та ишлар кўрилганлиги аниқланган.

Жами меҳнат низолари юзасидан иш берувчилардан ходимлар фойдасига 4.928.447.516 сўм миқдорида иш ҳақи ва унга тенглаштирилган тўловлар ҳамда 593.500.000 сўм миқдорида маънавий зарар учун компенсация ундириш белгиланган.

Семинарда мазкур статистик маълумотлар вилоятимизда бундай низолар сони ошганлиги, ушбу тоифадаги қонунчиликни қўллашда, ходимларни ишдан бўшатиш, бошқа ишга ўтказиш ва шунга ўхшаш меҳнат муносабатларини расмийлаштиришда муайян қонунбузилиш ҳолатларига йўл қўйилаётганлиги эътироф этилиб, айнан шунинг учун бугунги фаоллар йиғилишининг кун тартибига қўйилган масала ғоят долзарб ва халқимиз учун катта аҳамиятга эга эканлиги қайд этилди.

Семинарда барча масалалар атрофлича муҳокама қилинди, фикр-мулоҳазалар ва таклифлар тингланди, ўзаро мулоқот тарзидаги тадбир савол-жавобларга бой ўтди.

Сайт I Telegram I Facebook