Buxoro viloyati Ekologiya boshqarmasi

Bugun Buxoro viloyati Ekologiya boshqarmasi boshlig‘i Qorako‘l tumanida “Yashil makon” umummilliy loyihasi doirasida amalga oshirilgan va rejalashtirilayotgan ishlar holatini o‘rgandi.

U Yangi O‘zbekiston massivida bo‘lib, u yerda yaqinda qurilgan chiqindi yig‘ish shoxobchasi faoliyati bilan tanishdi. Shuningdek, ushbu hududda “Mening bog‘im” loyihasi asosida barpo etilgan bog‘ni ko‘zdan kechirdi.

Shundan so‘ng, Jamol Nosirov hamda tegishli mas’ullar Qorako‘l tumani Do‘rmon mahallasida joylashgan davlat o‘rmon xo‘jaligida bo‘ldilar. U yerda viloyat iqlim sharoitiga mos bo‘lgan chidamli o‘simlik turlarini tanlab ko‘paytirish bo‘yicha takliflar muhokama qilindi.

Buxoro viloyati Ekologiya boshqarmasi matbuot xizmati

Daraxt kesgan fuqaroga 18 375 000 so’m jarima qo’llanildi

Ekologik qonun buzilishlarini oldini olish maqsadida inspektorlar tomonidan viloyat hududi bo’ylab tungi va kunduzgi nazorat reyd tadbirlari olib borilmoqda.

Ammo shunga qaramasdan G’ijduvon tumani "Qaraxoni" MFYda fuqaro J.T. o’zi istiqomat qiladigan mahalla hududidan 5 tup manzarali terak daraxtini oʻzboshimchalik bilan kesib tashlaganligi tuman inspektorlari tomonidan reyd tadbiri davomida aniqlandi.

Holat yuzasidan huquqbuzar fuqaroga nisbatan Oʻzbekiston Respublikasi MJtKning 79-moddasi 1-qismi bilan 9 375 000 soʻm jarima hamda tabiatga yetkazilgan zarar 9 000 000 so’m hisoblandi.

Buxoro viloyati Ekologiya boshqarmasi matbuot xizmati

Siz ekologiyaga oid qonunlarni bilasizmi?"ko‘rik-tanlovining viloyat bosqichi o'tkazildi

Avval xabar berganimizdek, respublikamiz bo'ylab "Siz ekologiyaga oid qonunlarni bilasizmi?" respublika ko‘rik-tanlovini  bo‘lib o‘tmoqda.

Buxoro shahrida joylashgan  Yoshlar markazida “Siz ekologiyaga oid qonunlarni bilasizmi?” respublika ko‘rik-tanlovining viloyat bosqichi bo‘lib o‘tdi.

Unda tuman va shahar bosqichlarida g'olib bo'lgan 13 ta jamoalar ishtirok etib, ekologiya sohasi bo‘yicha bilimlarini sinovdan o‘tkazishdi.

Tadbirda Buxoro viloyati Ekologiya, atrof-muhitni muhofaza qilish va iqlim o'zgarishi boshqarmasi vakillari ham hakamlik qilib, ishtirokchilarning bilimlarini xolisona baholandi.

📊Natijalar:

🥇1-o‘rin –Buxoro shahar Prezident maktabi

🥈2-o‘rin –G’ijduvon tumani 24-umumta'lim maktabi

🥉3-o‘rin –Buxoro shahar 17-umumta'lim maktabi


🏆G‘oliblar Buxoro viloyati Ekologiya, atrof-muhitni muhofaza qilish va iqlim o'zgarishi boshqarmasi boshlig'ining diplom va esdalik sovg'alari bilan taqdirlanishdi.

Buxoro viloyati Ekologiya boshqarmasi matbuot xizmati

Rasmiy munosabat

Ijtimoiy tarmoqlarda Buxoro shahar Ibrohim Moʻminov koʻchasi 37 uy oldida daraxtlarning betonlanganligi yuzasidan murojaat tarqaldi.

Ushbu murojaat Buxoro viloyati Ekologiya boshqarmasi xodimlari tomonidan oʻrganildi.

Obodonlashtirish boshqarmasi ishchi xodimlari tomonidan daraxt beton qoplamalaridan ozod etildi.

Buxoro viloyati Ekologiya boshqarmasi matbuot xizmati

Davlat ekologik ekspertizasi markazi DM Buxoro viloyati filiali xodimlari, Jondor” tumanidagi “Nurafshon” mahalla fuqarolar yigini raisi boshchiligida faollar va jamoatchilik vakillari, Buxoro viloyat Ekologiya boshqarmasi xodimlari, “Shodmonbek Umedjon Sanjar” MCHJ vakillari hamda aholi ishtirokida jamoatchilik eshituvi tashkillashtirildi.

Buxoro viloyati, “Jondor” tumani “Nurafshon” MFY hududida “Shodmonbek Umedjon Sanjar” MCHJ tomonidan qurilayotgan “Un tortish korxonasi” binosi uchun ishlab chiqilgan atrof-muhitga ta’siri to‘g‘risidagi ariza loyihasi ko‘rib chiqildi.

Shuningdek, jamoatchilik eshituvi qatnashchilari "Shodmonbek Umedjon Sanjar" MCHJ ning hozirgi kundagi qurilish ishlari bilan yaqindan tanishtirildi va aholi uchun qulaylik yaratish maqsadida qurilayotganligi aytib o'tildi. Ushbu loyiha jamoatchilik nazorati bilan birgalikda amalga oshirilishi aholi vakillari bilan kelishib olindi va shu hududda istiqomat qiluvchi 15 – 20 ga yaqin aholini ish bilan taminlashi kelishib olindi.