Botir Zaripov

#bugun
#seminar

Shu kuni “Buxoro Varnet” MCHJning konferensiyalar zalida “Oʻzbekiston Respublikasi Prezidenti tomonidan belgilab berilgan yangi tizim asosida aholining tomorqa va ijara yerlaridan samarali foydalanish orqali daromadlarini oshirish chora-tadbirlari” mavzusida seminar tashkil qilindi.

Uni viloyat hokimi Botir Zaripov kirish soʻzi bilan ochdi va seminarning ahamiyati haqida alohida toʻxtaldi.

Tadbirda aholi tomorqasi va ijaraga ajratilgan yer maydonlaridan samarali foydalanishni tashkil etish uchun instrumentlar, “Sayxunobod” tajribasi boʻyicha aholi tomorqasidan samarali foydalanishda mahalla bankirlari va yordamchi-agentlarning roli, aholi tomorqalarini suv bilan taʼminlash, tomchilatib sugʻorish tizimi orqali ekinlar yetishtirishni yoʻlga qoʻyishning afzalliklari, sabzavot, poliz va kartoshka ekinlaridan tomorqalarda 2-3-marta hosil olish boʻyicha agrotexnik tadbirlar kabi mavzu va yoʻnalishlarda taqdimotlar qilindi. Shuningdek, Prezidentimiz tomonidan ilgari surilgan yangi tizim – “Bir mahalla – bir mahsulot” tamoyilini joriy etish, shu orqali tomorqadan yanada samarali foydalanish, aholi daromadini oshirish masalalari atroflicha muhokama etildi.

Yakunda viloyat va tuman-shaharlar sektor rahbarlari, hokim oʻrinbosarlari va “mahalla yettilik”lari tomonidan aholining tomorqa va ijara yerlaridan samarali foydalanish orqali daromadlarini oshirish chora-tadbirlari yuzasidan belgilab berilgan yangi tizimni samarali joriy etilishini taʼminlash, sharoiti ogʻir tuman hamda ogʻir ahvoldagi 55 ta mahallada tomorqa va ijara yerlaridan samarali foydalanish orqali daromadlarini oshirish chora-tadbirlarini namunali tashkil qilish, “Bir mahalla – bir mahsulot” tamoyili asosida har bir mahallani aniq bir yoʻnalishga ixtisoslashtirish, shuningdek, xonadonlarni kooperatsiya usulida biriktirish va yetishtirilgan mahsulotni markazlashgan holda realizatsiya qilinishini yoʻlga qoʻyish, har bir mahallaning eksport salohiyatini yuksaltirish, bozorlardagi narx-navoni kamaytirish chora-tadbirlarini izchil amalga oshirish yuzasidan zarur vazifalar belgilandi.

Buxoro.uz | Facebook | Instagram | YouTube