Bolalar ombudsmani rasmiy telegram-kanali

⚡️Ijtimoiy tarmoqlarda tarqalgan "kichik yoshdagi qiz onasi tomonidan kaltaklanishi" to’g‘risidagi xabar yuzasidan

❗️Bolaga nisbatan mazkur zo‘ravonlik holati Bolalar ombudsmani tomonidan o‘rganilmoqda.

✅Bolalar ombudsmani so‘roviga ko‘ra, Ichki ishlar organlari tomonidan aniqlanishicha, joriy yilning 23-dekabr kuni Toshkent viloyati Bo‘stonliq tuman tibbiyot birlashmasiga voyaga yetmagan Y.M. (2020-yilda tug‘ilgan qiz) tanasidagi turli jarohatlar bilan qabul qilingan.

🔎 Holat yuzasidan o‘tkazilgan tergovga qadar tekshiruv natijasida E.Y (1977-yilda tug‘ilgan ayol) 4 yoshli qizini qattiq kaltaklab, tan jaroxati yetkazganligi aniqlandi.
Xususan, tibbiyot xulosasiga ko‘ra, bolada bosh miya yopiq jaroxati, bosh miya lat yeyishi og‘ir darajasi va bosh sohasidagi boshqa og’ir jarohatlar qayd etilgan.

🚨Bugun, 2024-yil 27-dekabr kuni holat yuzasidan Toshkent viloyati Chirchiq shahar IIB tomonidan E.Y ga nisbatan JKning 126-1-moddasi 7-qismi “b” bandi (Oilaviy maishiy zo’ravonlik) bilan jinoyat ishi qo‘zg‘atildi.

🎤Ma’lumot uchun: endilikda JKning 126-1-moddasi (oilaviy maishiy zo’ravonlik) jinoyati bo’yicha jabrlanuvchilar doirasiga bolalar ham kiradi.

🔴 Hozirda dastlabki tergov harakatlari olib borilmoqda.
Holat yuzasidan qo‘shimcha ma’lumot beriladi.

Telegram|Facebook|Instagram

📥Bolalar ombudsmani kotibiyatiga Surxondaryo viloyati, Termiz shahrida istiqomat qiluvchi fuqaro I.Q (erkak) ning murojaati kelib tushdi.

❗️O‘z murojaatida I.Q oilaviy kelishmovchiliklar sababli turmush o‘rtog‘i F.T bilan birga yashamayotganligini, hozirda turmush o‘rtog‘i tomonidan voyaga yetmagan farzandi Z.D ga (2009 yilda tug‘ilgan, qiz bola) nisbatan bir necha marotaba jismoniy zo‘ravonlik qilinib, tan jarohati yetkazilganligini bildirgan.
Aniqlanishicha, ona avval ham qiziga tan jarohati yetkazganligi uchun ma’muriy javobgarlikka tortilgan.
Ammo bunga qaramay zo‘ravonlik yana davom etayotganligi bildirib, ota farzandining huquqlarini himoya qilishni va turmush o‘rtog‘i F.T ga nisbatan qonuniy chora ko‘rishni so‘ragan.

✅Mazkur holat Bolalar ombudsmani so‘rovi asosida Surxondaryo viloyati prokuraturasi tomonidan o‘rganilib, Termiz shahar IIB tomonidan o‘tkazilgan tergovga qadar tekshiruv natijasida (sud tibbiyot ekspertizasi hulosasi asosida) ayol voyaga yetmagan farzandini urib, tan jarohati yetkazganligi aniqlandi.

🗓Joriy yilning 19 dekabr kuni ayolga Jinoyat Kodeksining 126 - modda 1-bandi bilan jinoyat ishi qo‘zg‘atilib, hozirda dastlabki tergov harakatlari olib borilmoqda.

Bolalar ombudmani holat yuzasidan o‘z kuzatuvini davom ettiradi.
Bu borada qo‘shimcha ma’lumot beriladi.✅

Telegram|Facebook|Instagram

🎨Bugun Milliy gvardiya va Bolalar psixologiyasi markazi tomonidan 22-sonli Mehribonlik uyi tarbiyalanuvchilari uchun o‘tkazilgan "Kasblar yarmarkasi" bayramona tadbirida ham ishtirok etdik.

🤔Yangi yil shukuhida o‘tgan bu tadbirda mehribonlik uyi tarbiyalanuvchilari o‘z qo‘llari bilan yaratgan ijod namunalari, bayramga bag‘ishlangan suratlar tanlovi o‘tkazildi.

✅Tadbir davomida nafaqat bayram tomoshalari, balki har bir bolajon uchun o‘z iqtidorini namoyon qilishi orqali jamoa bo‘lib ishlash ko‘nikmalarini rivojlantirishga qaratilgan master-klasslar ham o‘tkazildi.

🔼Shu bilan birga, bolajonlar ishtirokidagi sahna ko‘rinishlari ham namoyish etilib, unda turli raqslar va ko‘ngilochar shoular ham barchamizni nihoyatda xushnud qildi.

Telegram|Facebook|Instagram

🎄Bugun Toshkent shahar prokuraturasida ijtimoiy zaif va migratsiyadan qaytgan fuqarolarimiz oilalari farzandlari uchun bayram tadbiri uyushtirildi.

🇺🇿Dastavval Shahar prokurori E.Yuldashev bolalarni kirib kelayotgan Yangi yil bayrami bilan qutlab, o‘z samimiy tilaklarini bildirdi.

✅Bolalar ombudsmani ham o‘z so’zida bola manfaatlari hamisha davlat va qonun himoyasida ekanligi, bolalarning xavfsiz, farovon xayotini ta’minlash har birimizning asosiy vazifamiz ekanligini ta’kidladi va barcha bolalarni Yangi yil bilan samimiy tabrikladi.

🎁Tadbir dasturi doirasida bolalarga bayram sovg‘alari (shirinliklar va issiq kiyimlar to‘plami) taqdim etilib, qorbobo va qorqiz ishtirokida bayramona ko‘tarinki kayfiyat ulashildi.

🌲Bayram bolalarni poytaxt markazida o‘rnatilgan archa va madaniy ko‘ngilochar maskanlardagi tomoshalarga olib borish bilan davom etdi.

Bugungi bayramona uchrashuvga kelgan bolajonlarni yuzidagi tabassum va ko‘zidagi quvonchni ko‘rish o‘zgacha quvonarlidir.✅

Telegram|Facebook|Instagram

📌 Yodingizda bo‘lsa, Inson huquqlari bo‘yicha Milliy markaz va Bolalar ombudsmani tomonidan "Inson huquqlari bolalar nigohida" nomli ko'rik-tanlovi o‘tkazilganligi to‘g‘risida xabar bergandik.

📸 Mazkur tanlovda mukofotlangan bolajonlar iste'dodi namunalari bilan tanishishingiz mumkin.

#monitoring #ayollar_koloniyasi #Bolalar_ombudsmani

🏢 Bugun Zangiota tumanidagi jazoni ijro etish ayollar koloniyasiga navbatdagi monitoring tashrifini amalga oshirdik.

🖇️ Monitoring davomida voyaga yetmagan qizlarni bu yerda saqlanishi sharoitlari, xususan, ta’lim olish, kasbga o‘rgatish va tarbiyaviy jarayoni qonunchilikda o‘rnatilgan talablarga rioya etib tashkil etilganini atroflicha ko‘zdan kechirdik.

📝 Monitoringda voyaga yetmagan qizlarning har biri bilan individual suhbat o‘tkazib, ularning ehtiyojlari va fikrini o‘rgandik, jazo o‘tashga oid hujjatlar bilan tanishdik hamda yaqinlar bilan uchrashuvlar uchun yaratilgan sharoitlarni tekshirdik.

📍Shuningdek, koloniyada tashkil etilgan Bolalar uyida saqlanayotgan go‘daklar uchun tibbiy xizmat ko‘rsatish, ovqatlanish, yotoq, sanitariya-gigiyena sharoitlari minimal standartlarga rioya etgan holda tashkil etilganligi darajasi o‘rganildi.

Jumladan, 3 yoshga to‘lmagan bolasi bor mahkumalar bilan o‘tkazilgan jamoaviy va individual suhbatlar orqali ularning ehtiyojlari va mavjud muammolarga oid fikrini eshitdik ☑️.

📌 Xususan, mazkur mahkumalarning aksariyati yosh bolasi uch yoshga to‘lgunga qadar hukm ijrosini kechiktirish, 3 yoshga to‘lmagan bolalarni saqlash sharoitlarini yaxshilash bilan bog‘liq masalalarda ko‘mak so‘radilar.

📦 Aytish kerakki, Zangiota tumanidagi ayollar koloniyasida ham Bolalar ombudsmani qutisi o‘rnatilgan bo‘lib, voyaga yetmagan qizlar har qanday mazmundagi murojaatlarini to‘g‘ridan-to‘g‘ri Bolalar ombudsmaniga yo‘llashlari mumkin.

🔍 O‘rganish jarayonida aniqlangan kamchiliklar hamda koloniyadagi shart-sharoitlarni yaxshilash yuzasidan mas’ullarga zaruriy tavsiya va ko‘rsatmalar berildi.

Shuningdek, monitoring natijasi yuzasidan Bolalar ombudsmani tegishli ta’sir hujjatlari kiritilishi ta’minlanadi✅.

Telegram|Facebook|Instagram