Bekobod Hayoti 24 — Бекобод хаёти 24

Кеча Оқ уйдаги "можаро"лардан кейин катта эҳтимол билан Трампнинг позициялари ўзгариши мумкин. Чунки унинг "босими" иш бермади. Тадбиркор Трамп катта сиёсатда бизнесменча "менталитет" билан ҳаракат қилиб кўрди. Аммо Зеленский тужжор ё артист эмас, у аллақачон жангчига айланган...

Трампнинг очиқчасига Кремлга ён босаётгани кечаги учрашувда аниқ кўринди, буни дунё билди. Энди у ўз тадбиркорлик табиатидан келиб чиқиб вазиятни қайта баҳолаши ҳам мумкин.

Масалан, шартлар масаласида. Дейлик, у Украина ерости маданларига эгалик ҳақида кўп гапирди. Кремль эса унга ўша тур ва ҳажмдаги бойликларни Россиядан қазиб олишни таклиф қилди. Бу нимани кўрсатади? Демак,  Россия ҳеч қачон АҚШга ишонмаган ва бундан кейин ҳам ишонмайди.

Маъданлар масаласида Кремлнинг хавотири шунда эдики, АҚШ Украинага маъдан баҳона кирса,  чиқиб кетиши қийин ва у кейин тўғридан-тўғри Америка билан жанг қилиши керак бўлади. Умуман олганда, Трампнинг глобал сиёсатдаги концептлари ҳам жуда шубҳали.

Масалан, у Россия-Украина урушида Кремлга ён босиб Путинни ўзига оғдирмоқчи ва катта эҳтимол билан замонавий дунёда тобора қудратга энаётган Хитойдан ажратмоқчидек. Аммо бу мумкинми?! 

Тарихий, геосиёсий нуқтаи назардан қараганда, бу қийин масала. Худди сиам эгизакларидек бир бирига маънан ёпишиб бораётган Ёвроосиёдаги бу икки қудрат океаннинг нарги бурчидаги бошқа бир қудратга қараганда бир-бирига барибир яқин, ишончли кўринади. Қолаверса, икки давлат бошқарувида ҳам авторитаризм доминант унсур. Ва яна улар иккисини ҳам глобал дунё саҳнасига олиб чиққан сиёсий эътиқод - айни коммунистик партиядир...

Шундай экан Россия-Хитой муносабатларини "бузиш", Хитойни шу йўл билан яккалаб, унинг жаҳонда шаклланаётган империячилик қутқусини ўчириб қўйиш шунчаки хато қараш.

Вақт ўтиши билан Трамп буни тушунади, тушунмаса, тушунтиришади. АҚШнинг Украина масаласи бўйича сиёсати эса шундан кейингина ўзгариши мумкин.

platforma.uz

🌙 БУГУН РАМАЗОННИНГ БИРИНЧИ КЕЧАСИ НИМАЛАР СОДИР БЎЛАДИ?

🌸Жаннат зийнатланади🌸

Рамазоннинг биринчи куни келганида Аллоҳ таоло Ризвон (жаннат эшикларини қўриқловчи фаришта)га: “Уммати Муҳаммаддан рўза тутиб, кечалари қоим бўладиганлар учун жаннатни зийнатлагин!” деб айтади.

Аллоҳнинг яна бир фариштаси борки, унинг бир қаноти ёқутдан, иккинчиси эса зумраддандир. У ҳар кеча: “Тавба қилувчи борми?” деб нидо қилади (Имом Заҳабий раҳимаҳуллоҳ. Тарихул Ислом).

Дўзах эшиклари ёпилади

Абу Ҳурайра розияллоҳу анҳудан ривоят қилинади. Расулуллоҳ соллаллоҳу алайҳи васаллам: “Рамазоннинг биринчи кечаси бўлганда шайтонлар ва бебош жинлар кишанланади, дўзах эшиклари беркитилади, улардан бирортаси ҳам очиқ қўйилмайди ва жаннат эшиклари очилади, улардан бирортаси ҳам ёпилмайди. Ҳар кеча бир жарчи: “Эй яхшилик талабгори, келгин! Эй ёмонлик талабгори, тўхтагин!”, дейди”, деганлар (Имом Термизий, Насоий ва Ибн Ҳиббон ривояти).

Аллоҳнинг раҳмати ёғилади

Манбаларда, “Рамазон ойининг биринчи кечасида Аллоҳ таоло бандаларига раҳмат назари билан боқади, кимга Аллоҳ раҳмат назари билан боқса, уни ҳеч қачон азобламайди”, дейилади.

Афсуски, кўпчилик бу кунни бозорда “ҳали уни, ҳали буни сотиб олишим керак” деган бекорчи ўй-ҳаёллар билан ўтказиб юборади.

Демак, банда рамазоннинг илк кунларидан бошлаб уни ғанимат билмоғи лозим экан.

Бугун шом намозидан кейин Рамазоннинг илк кечаси кириб келади...

Даврон НУРМУҲАММАД

http://t.me/bekobodislomobod

ДОНИШМАНДЛАР ТАВСИЯ ҚИЛГАН ЕТТИ СИР

1️⃣ Донишмандларнинг айтишларича, сир сақланиши лозим бўлган биринчи нарса –узоқни кўзланган режалар. Бу режалар амалга ошмагунча уларни ҳеч кимга айтманг. Бизнинг ҳар бир ғоямиз
ўзимизга қарши ҳам ишлатилиши мумкин.

2️⃣ Донишмандлар сир сақлашни тавсия этган иккинчи нарса бу қилган хайр-саховатимиз ҳақида гапирмасликдир. Саховат ноёб нарса бўлиб, уни кўз қорачиғидек асраш даркор. Қилган яхши амалингиз билан мақтанманг. Кибр хайрли амалингиз ортидан келган яхшиликни
тортиб олади.

3️⃣ Донишмандлар бировларга ошкор қилмасликни тавсия этган учинчи нарса бу ўз дидингиз ҳақида гапиришдир. Дуч келган кишига қандай овқатларни ёқтиришингизу нималарни емаслигингиз, қанча ухлашингиз, жинсий хоҳишларингиз ҳақида гапираверманг.

4️⃣ Айтмаслик керак бўлган тўртинчи нарса бу мардлик, жасоратдир. Кимдир ташқи томондан синовларга дучор бўлади, кимдир эса ички томондан. Ташқи синовларни ҳамма кўради ва бу синовларни енгган инсонлар мукофот олишади, лекин ички синовларни ҳеч ким кўрмайди ва бу синовларга дош берганларни мукофотламайди.

5️⃣ Ўзгаларга айтмаслик лозим бўлган бешинчи нарса диний билимдир. Диний билим турли даражада бўлиб, бу борада мукаммалликка эришган инсонгина бу билимини бошқалар билан баҳам кўриши мумкин. Эндигина диний билимларни эгаллай бошлаганларнинг асосий хатоси шундаки, улар дарҳол бу билимларини
бошқалар билан ўртоқлашгиси келади ва бу бошқаларга яхшилик келтириш ўрнига
уларни адаштиради ва ҳаттоки чўчитиши ҳам мумкин.

6️⃣ Бошқалар билан ўртоқлашиш лозим бўлмаган олтинчи нарса оилавий низолар ва умуман, шахсий ҳаётдир. Ёдда тутинг:
оилангиздаги муаммолар ҳақида
қанчалик кам гапирсангиз, оилангиз шунчалик мустаҳкам бўлади.

7️⃣ Бошқаларга айтилмайдиган еттинчи нарса эса кимлардандир эшитилган ғийбат ва иғволардир. Кўчада юрганингизда пойабзалингиз ифлос бўлиши мумкин. Уйга келиб ёки бировнинг олдига бориб кимдандир эшитган ёмон сўзларни бошқа одамга айтиш худди уйга келиб, ифлос пойабзалини ечмаган одам
кабидир.

@bekobodhayoti_24

⚡️⚡️⚡️

Жарима баллари имтиҳон марказига эмас, суғуртага боғланиши зарур!

Ўзи бутун дунёда жарима балларининг маъно мазмуни ҳам шу: Ҳайдовчининг қанчалик хатарли эканини аниқлаш, хатар қанча юқори бўлса у етказадиган эҳтимолий зарар миқдори ҳам шунча юқори бўлади, тартибли, қоидасевар ҳайдовчининг эҳтимолий зарар миқдори эса табиийки кам бўлади.

Энди тасаввур қилинг, ҳозирги Ўзбекистонда йўл транспорт ҳодисасида мавжуд мажбурий суғурта тизими инсонга етказилган зарарнинг энг юқори қиймати 26 млн.сўм билан баҳолайди. Ўйлаб кўринг, бир миллиардлик TAHOE йўл қоидасини бузиб ва доимий равишда намойишкорона бузиб, бирон кун бирон инсонга зарар етказса, молиявий жавобгарлик 26 млн.сўмгача ва бунинг учун йилига 56 минг сўм тўлаб қўйса кифоя. Абсурд шуки, қишлоқда 50 йиллик стажга эга, бирон қоида бузмаган оқсоқолнинг жумага чиқишга миниладиган 20 йиллик Матизи учун суғурта мукофоти ҳам 56 минг сўм.

Айнан суғурта, жамият учун ҳам, алоҳида индивид учун ҳам энг самарали иқтисодий калтак. Буни масалан, америкадаги Трак ёки такси ҳайдаётган ватандошларимиздан сўрасангиз, чиройли қилиб тушунтиради. Қандоқ қилиб қоидасеварга айланиб қолганини айтиб беришади.

Шунинг учун, автомобилларни мажбурий суғурта тизими бир томондан автомобиль қийматига ва ҳайдовчи стажига, иккинчи томондан айнан жарима баллари тизими билан бевосита боғланилиши керак. Ва бунда инсон олдидаги, яъни инсонга етказилган зарар бўйича жавобгарлик каррасига, айтайлик жарима балларига нисбатан пропорционал оширилиши зарур. Айтайлик, 12 балл жарима балли йиққан, қора Tahoe минган эррайим қоидабузарнинг суғуртаси камида 3 йил бир неча ўн карра қимматга тушиши лозим.

Журналист Шокиржонов ёзганидек, "Бизнинг одамлар йўл қоидаси ёки мошина ҳайдашни билмагани учунмас, қонун қоидаларга "қўйиб" қўйгани учун қоида бузади". Қўшимча қилиб айтаманки, нафақат бизнинг одамлар, бутун дунёда одамлар ўзи шунақа, биз шундай табиат билан яралган мавжудотмиз. Одамларнинг бундай қийшиқ табиатини самарали суғурта тизими жойига қайтаради, маданиятли қилиб, тийиб туради, қанақадир чўнтаклар учун имтиҳон топширтириб пул ишлаш эмас.

@bekobodhayoti_24