BASTOMIY.UZ

АССАЛАМУ АЛАЙКУМ ВА РОҲМАТУЛЛОҲИ ВА БОРАКАТУҲУ!

Аллоҳим!
Муборак ЖУМА кунида баракотлар бер, йўлимизни яхшилик томон бур! Эй ҳақ ва равшан йўлга ҳидоят қилувчи Зот! Яхшиликларни қабул этишдан бизни маҳрум қилма!

КУНЛАРНИНГ САЙЙИДИ, МИСКИНЛАР ҲАЖИ БЎЛГАН ЖУМА БАРЧАГА МУБОРАК БЎЛСИН! АЛЛОҲ ТАОЛО ҚИЛГАН БАРЧА ДУОЛАРИМИЗНИ ИЖОБАТ ҚИЛСИН!

ЖУМА АЙЁМИНГИЗ МУБОРАК БЎЛСИН!

Яқинларингиз ва дўстларингизга улашинг.

https://t.me/Bastomiy_uz

#Тафаккур

Таомланиш одоби!

Ҳамма нарсанинг одоби бўлганидек, таом емоқнинг ҳам ўзига яраша одоби бор. Ана шу одобни ўрганиб, унга амал қилиш ғоят фойдали амалдир.
Таом ейиш шартлари:
Таоми ҳалол бўлмоғи керак. Чунки дуо ва ибодатларнинг қабул бўлишига ҳалол луқма сабаб бўлади;
Ризқни Аллоҳ таолодан деб билиш;
Аллоҳ таоло тақсимотига рози бўлиш;
Модомики, еган таомининг қуввати баданида бор экан гуноҳ иш қилмаслик.
Таом ейиш одоблари:
Таом ейишдан олдин икки қўлини бўғимигача уч марта ювиш;
Таомни “Бисмиллаҳир-роҳманир-роҳим” ни айтиб бошлаш;
Таомни ўнг қўли билан ейиш. Пайғамбаримиз Муҳаммад алайҳиссалом айтадилар: “Ҳар бирингиз ўнг қўли билан енг ва ўнг қўл билан ичинг ва ўнг қўл билан беринг. Чунки шайтон чап қўл билан ейди, чап қўл билан ичади ва чап қўл билан беради;
Таом ейишни туз билан бошлаб, туз билан тугатмоқ;
Нонни икки қўл билан синдирмоқ. Чунки нон улуғ неъматдир.
Қўл билан ейиладиган таомни уч бармоқ, яьни, бош бармоқ, кўрсаткич бармоқ ва ўрта бармоқ билан емоқ;
Таомни ўз олдидан емоқ;
Таом еган идишни яламоқ;
Таом егандан сўнг “Алҳамдулиллаҳ” демоқ. Расулуллоҳ алайҳиссалом таомдан сўнг ушбу дуони айтардилар: “Бизларни таомлантирган ва сув билан қондирган ҳамда бизларни мусулмонлар жумласидан қилган Аллоҳ таолога ҳамду санолар бўлсин”;
Таомдан сўнг иккала қўлини бўғимигача уч марта ювмоқ;
Шериклари билан таом емоқ. Расулуллоҳ алайҳиссалом: “Жамь бўлингизлар таомларингизга-ки, Аллоҳ таоло ушбу таомга барака беради”, деб марҳамат қилганлар;
Таомнинг охиригача шериклари билан бирга еб турмоқ;
Луқмани кичик олмоқ;
Товоқнинг четидан олмоқ;
Шуни айтиш керакки, овқатланаётганда бош ва бошқа аьзоларни қашиламоқ, оғзида луқма билан гаплашмоқ, ёнидаги шеригининг овқатланишига қарамоқ, таомни иссиқ ҳолда емоқ, таомни айбламоқ, таомни пуфламоқ, таом юриб кетаётиб емоқ, тик туриб таом емоқ номақбул амаллардан.

Хулоса қилиб айтганда, дуо ва ибодатларнинг қабул бўлиши, комил ва оқил фарзандларнинг дунёга келиши луқмаи ҳалолга боғлиқдир…

https://t.me/Bastomiy_uz

#Тафаккур
Шундай инсонлар борки, суҳбатини соғинасан...


Улар гап-сўзларига зеб бермайдилар.
Бирор мавзу ҳақида гап кетса, ҳолатни ўз ҳолича баён этишади.
Самимийлиги ҳам шундан бўлса керак.
Суҳбатлашиб зерикмайсан.
Сенда кўрган яхши фазилатни ҳам, сенга билинмаган хатойингни ҳам беркитмай, айта оладилар.
Биладиларки, хатосини айтсам, уни тўғрилайди деб ўйлашса керак ва ҳудди шундай бўлади ҳам.
Улар сабаб хатойингни англаб, тўғрилашга киришасан.
Уларни кўрсанг, хурсанд бўласан, табассум қиласан.
Тушунмаган масаланг бўлса, то тушунгунингча тушунтирадилар.
Асло эринмайдилар.
Ўз ҳаётларидаги ранг-баранг воқеа-ходисалардан чиқарган хулосалари ила сен бирла фикр-мулоҳаза қиладилар, тафаккурларига қойил демай, иложинг йўқ.
Ўзларини-ку, майли, сени ҳам илм олишга қизиқтириб, китоб мутолааси ила машғул бўлишинг тарафдори бўлишади. Ҳамиша яхшиликка далолат қилишади.
Ўйлаган нарсасини айтишади-ю, қўйишади.
Товланишни, тусланишни билишмайди.
Эҳтиёжингни Ўз Эгасига айтаётган пайтингда, У сенга уларни рўпаро қилиб, ҳожатинг сабабчилари қилиб қўяди. Шундай ёрдам берадиларки, ҳатто, ўйламаган ишларинг содир бўлади.
Уларни яхши кўрмай бўлмас...
Йўқ! Уларни ёрдам берганлари учун яхши кўрмайсан.
Уларни самимиятлари учун қадрлайсан, ҳурмат қиласан. Уларга нисбатан муҳаббатинг чексизлигини англайсан.
Улар яхши кўришга энг муносиблардир.

©Умар Хайём


👇👇👇👇👇

https://t.me/Bastomiy_uz

Тик турган ҳолатда пойабзал кийиш

(Пайғамбар алайҳиссалом) «Киши тик турган ҳолатда ковушини кийишидан қайтардилар ва: «Мен ўшандай одамда давоси бўлмайдиган касаллик пайдо бўлишидан қўрқаман», - дедилар. Расулуллоҳнинг ўзлари бундаги сабабни баён қилиб бердилар. Демак, танангнинг сенда ҳаққи бор, агар сен танангга тоқатидан ташқари нарсани юкласанг, унда бир касаллик пайдо бўлиши мумкин, демак сен унга зулм қилган бўласан. Чунки тана иккита оёқ устида турадиган қилинди. Агар сен тик туриб ковуш кийсанг, иложсиз битта оёғингни (ковуш кийиш учун) кўтарасан. Бу ҳолда баданинг битта оёққа бор юкини ташлашига тўғри келади. Томирларинг изтиробга тушади. Томирлар изтиробга тушса бирон-бир касаллик пайдо бўлишидан қочиб бўлмайди, яъни томирлар изтиробга тушса касаллик пайдо бўлиш хавфи кучаяди. Чунки томирлар қон ва ҳаво юрадиган йўллардир. Агар изтироб вақтида, яъни қийналган вақтида томирлар торайса, қон босими кўтарилса ва томирлардаги ўша ҳаволар қўзғалиб қолса, бир умр қутулмайдиган касалликка чалиниш мумкин. Агар томирлар бўғилиб, уларда сиқилиш пайдо бўлса, баъзида қон томирдан чиқиб кетиши мумкин. Натижада қон қотиши кузатилади. Қон қотиб қолса оқмай қўяди ва қон бузилади. Баъзида томирлардаги бод-ҳаво қисилади. Натижада сокин турган танадаги ҳаволар қўзғалиб қолади. Бу ҳам катта муаммоларни келтириб чиқариши мумкин. Аллоҳ таоло нафс борасида бандаларига қуйидагиларни тавсия қилиб бундай деган: «Ва ўз қўлларингиз (бахиллигингиз) билан ўзларингизни ҳалокатга ташламангиз!» (Бақара сураси 195-оят). Бошқа оятда бундай марҳамат қилган: «Шунингдек, ўзларингизни (бир-бирингизни ноҳақ) ўлдирмангиз! Албатта, Аллох сизларга раҳм-шафқатлидир» (Нисо сураси, 29-оят). Кейинги ояти каримада эса қаттиқ танбеҳ берилган: «Кимда-ким шу (қотиллик)ни адоват ва зулм юзасидан қилса, албатта, Биз уни дўзахда куйдирамиз. Бу (эса) Аллоҳга осондир» (Нисо сураси, 30-оят). Бу қандай хам ёмон қўрқитув, таҳдид эканлигига назар сол! Киши ўзига зулм қилмоғи худди бошқа бандаларга зулм қилиши кабидир. Санаб ўтилган ишлар майда-чуйдалар бўлиб, кўпчилик бундай енгил-елпи нарсалардан нафсга катта зарар келишидан бехабардир. Аллоҳ таоло буни махфий қилганлиги учун улар парда ортида туради; биз сенга уларнинг пардасини кўтариб равшан қилиб берамиз, сени (кўзингни) тўсмаймиз. Парда бошқа нарса, ўраниб олиш эса бошқа бир нарсадир. Бундан ташқари бошқа бир гап ҳам бор - жину шайтонлар инсоннинг авратига қараб масхара қилиб куладилар. Бишр ибн Холид ал-Басрийни Саъид ибн Маслама ибн Ҳишом ибн Абдулмаликдан, у ал-Аъмашдан, у Зайд ал -Аммийдан, у Анас ибн Моликдан (розияллоху анху), у зот Расулуллоҳ (соллаллоҳу алайҳи ва саллам)дан хабар қилган ҳадисда Расулуллоҳ (соллаллоҳу алайҳи ва саллам) бундай дедилар: «Одам боласининг аврати билан жиннинг кўзлари ўртасида бир парда бор. Қачонки киши кийимини ечадиган бўлса, «бисмиллоҳ» десин». Шунингдек, таҳоратхонада тўсатдан жин инсонга бир нарса отиб қолиш (ёмон назар қилиш) эҳтимоли ҳам бор. Шунинг учун ҳам Расулуллоҳ (соллаллоҳу алайҳи ва саллам) таҳорат ушатиладиган жойда инсон чизиқ чизиб ўзининг атрофини девор қилиб олмасдан ғусл қилишидан қайтарганлар. Чунки бу чизиқ инсон учун ҳимоя девори ўрнида бўлади. Жин шунда қўққисдан чизиқдан ўтиб кета олмайди ва унга зиён етказа олмайди. Бизга Кутайба Ибн Лаҳийъадан, у Уқайлдан, у Ибн Шиҳобдан ривоят қилган ҳадисда Расулуллоҳ (соллаллоҳу алайҳи ва саллам): «Агар бирортангиз таҳорат қилинадиган ерда ғусл қиладиган бўлса ва ўзини ўраб оладиган бирор нарса топмаса, ўзининг атрофига бир чизиқ чизиб олсин-да ўша чизиқнинг ичида ғусл қилсин», - деганлари зикр қилинган.

📚«Қайтарилган амаллар» китобидан.

https://t.me/Bastomiy_uz

#Биласизми

Қуръони Каримда зикри келган пайғамбарлар

Қуръони Каримда исмлари зикр қилинган пайғамбарлар қуйидагилар:

1. Одам алайҳиссалом.

2. Идрис алайҳиссалом.

3. Нуҳ алайҳиссалом.

4. Ҳуд алайҳиссалом.

5. Солиҳ алайҳиссалом.

6. Иброҳим алайҳиссалом.

7. Лут алайҳиссалом.

8. Исмоил алайҳиссалом.

9. Исҳоқ алайҳиссалом.

10. Яъқуб алайҳиссалом.

11. Юсуф алайҳиссалом.

12. Айюб алайҳиссалом.

13. Шуайб алайҳиссалом.

14. Мусо алайҳиссалом.

15. Ҳорун алайҳиссалом.

16. Юнус алайҳиссалом.

17. Довуд алайҳиссалом.

18. Сулаймон алайҳиссалом.

19. Илёс алайҳиссалом.

20. Ал-Ясаъ алайҳиссалом.

21. Закариё алайҳиссалом.

22. Яҳё алайҳиссалом.

23. Зулкифл алайҳиссалом.

24. Ийсо алайҳиссалом.

25. Муҳаммад алайҳссалом.

Қуръони Каримда номлари зикр қилинмаган пайғамбарлар ҳақидаги энг ишончли маълумот Ибн Мурдавайҳи Абу Зарр ал-Рифорий розияллоҳу анҳудан қилган ривоятда келган. У киши айтадилар:

«Эй Аллоҳнинг Расули, пайгғамбарлар қанча?» деб сўрадим. У зот соллаллоҳу алайҳи васаллам:

«Бир юз йигирма тўрт мингта», дедилар.

«Эй Аллоҳнинг Расули, улардан қанчаси расуллар?» дедим.

«Уч юз ўн учтаси, кўпчилик» дедилар.

«Ҳадис ва Ҳаёт. 20-жуз. Анбиёлар қиссаси» китобидан

https://t.me/Bastomiy_uz