Ammor Ibn Yosir masjidi

#Рамазонга_тайёргарлик
Жаннат эшиклари очилади
عَنْ أَبِي هُرَيْرَةَ رَضِيَ اللَّهُ عَنْهُ: أَنَّ رَسُولَ الله ﷺ قَالَ:
"إِذَا جَاءَ رَمَضَانُ، فُتِحَتْ أَبْوَابُ الْجَنَّةِ، وَغُلِّقَتْ أَبْوَابُ جَهَنَّمَ، وَسُلْسِلَتِ الشَّيَاطِينُ".


Абу Ҳурайра розияллоҳу анҳудан ривоят қилинади:
Расулуллоҳ соллаллоҳу алайҳи ва саллам:
— Қачонки Рамазон ойи кирса, жаннат эшиклари очилиб, жаҳаннам эшиклари беркилади ва шайтонлар занжирбанд қилинади, — дедилар.

(Бухорий ва Муслим ривояти)


Ушбу ҳадисда Рамазон ойининг фазилати ва унинг алоҳида баракаси ҳақида сўз бормоқда. Расулуллоҳ соллаллоҳу алайҳи ва саллам Рамазон кириши билан учта воқеа рўй беришини хабар бердилар:

1. Жаннат эшикларининг очилиши рамазон ойидаги барча ибодатлар, тавбалар ва яхши амаллар қабул бўлиш эҳтимоли юқорилигини англатади. Бу ойда қилинган ҳар бир савобли иш орқали жаннатга йўл очилади.


2. Жаҳаннам эшикларининг ёпилиши рамазон ойида Аллоҳнинг раҳмати ва мағфирати зоҳир бўлишини, гуноҳларнинг кечирилиши учун имконият эшиги очилишини англатади.


3. Шайтонлар занжирбанд қилиншидан икки маъно назарда тутилади:

Биринчиси, рамазонда мусулмонлар кўпроқ ибодатга, Қуръон тиловатига, рўза тутишга ва тақво йўлига киришади, шунинг учун шайтоннинг васвасаси камаяди.

Иккинчиси, Аллоҳ таоло бу ойда шайтонларнинг таъсирини пасайтиради, улар инсонларни васваса қилишда қийинчиликка дуч келишишади.

✅ Рамазон ойи – гуноҳлардан покланиш ва жаннатга эришиш учун катта имкониятдир.
✅ Бу ойда шайтонлар таъсирининг заифлаши билан инсон ўз нафсига қарши мустаҳкам тура олиш имкониятига эга бўлади..
✅ Жаннат эшиклари очиқлиги инсоннинг кўпроқ савобли амалларга интилишини англатади.
✅ Жаҳаннам эшиклари ёпиқ экан, гуноҳлардан қайтиб, тавба қилишнинг энг яхши вақтидир.

Bayyina.uz | Taqviym.uz
Ижтимоий тармоқларда бизни кузатинг!
Telegram | Instagram | YouTube

.Кимда ким ҚУРОН укиб билса аммо ҚУРОН КИТОБИ олишга имконияти булмаса ва САҲАРЛИК ЁКИ ИФТОРЛИКГА ОЗИҚ-ОВҚАТИ БЎЛМАСА ёки шароити йўқ оилаларни билса бехижолат бизга мурожаат қилинглар.
                     +(998) 94.248-90-00
                     +(998) 94.127-96-90
                     +(998) 94.321-00-54
                     +(998) 99.577-09-83
                     +(998) 99.701-09-83
                     +(998) 93.457-50-20
                     +(998) 94.020-25-22
                    +(998)  50.779-33-22
Рамазон ойида озиқ-овқатлар еки КУРОН КИТОБИ етказиб берилади.
Илтимос шуни тарқатиб юборинглар
Зеро Расулуллоҳ соллаллоҳу алайҳи васаллам "Ким бир яхшиликка бировни йўллаб қўйса, унга ўша ишни қилганлик ажри берилади" деганлар

Жаннат аҳлининг амали
عَنْ أَبِي هُرَيْرَةَ رَضِيَ اللَّهُ عَنْهُ: أَنَّ أَعْرَابِيًّا جَاءَ إِلَى النَّبِيِّ ﷺ فَقَالَ: يَا رَسُولَ اللَّهِ، دُلَّنِي عَلَى عَمَلٍ إِذَا عَمِلْتُهُ دَخَلْتُ الْجَنَّةَ؟ قَالَ: "تَعْبُدُ اللَّهَ وَلَا تُشْرِكُ بِهِ شَيْئًا، وَتُقِيمُ الصَّلَاةَ الْمَكْتُوبَةَ، وَتُؤَدِّي الزَّكَاةَ الْمَفْرُوضَةَ، وَتَصُومُ رَمَضَانَ". فَقَالَ الْأَعْرَابِيُّ: وَالَّذِي نَفْسِي بِيَدِهِ، لَا أَزِيدُ عَلَى هَذَا وَلَا أَنْقُصُ. فَلَمَّا وَلَّى، قَالَ النَّبِيُّ ﷺ: "مَنْ سَرَّهُ أَنْ يَنْظُرَ إِلَى رَجُلٍ مِنْ أَهْلِ الْجَنَّةِ، فَلْيَنْظُرْ إِلَى هَذَا".


Абу Ҳурайра розияллоҳу анҳудан ривоят қилинади:
Бир аъробий Пайғамбар соллаллоҳу алайҳи ва саллам ҳузурларига келиб:
— Мени бир амалга йўллангки, уни қилсам, жаннатга кирайин, — деди.
Расулуллоҳ соллаллоҳу алайҳи ва саллам:
— Аллоҳга бирор нарсани шерик қилмасдан Унга ибодат қил, фарз қилинган намозни тўлиқ ўқи, фарз қилинган закотни бер ва Рамазон ойида рўза тут, — дедилар.
Аъробий айтди:
— Жоним қўлида бўлган Зотга қасамки, мен бунга бирор нарсани қўшмайман ҳам, камайтирмайман ҳам.
У ортига бурилиб кетганида, Пайғамбар алайҳиссалом:
— Кимни жаннат аҳлидан бўлган бир кишига қараш хурсанд қиладиган бўлса, шу одамга қарасин, — дедилар.

(Бухорий ва Муслим ривояти)

Ушбу ҳадисда жаннатга элтувчи энг асосий амаллар ҳақида маълумот берилмоқда. Аъробий Пайғамбаримиз соллаллоҳу алайҳи ва салламдан жаннатга олиб борувчи амални сўраганда, унга Ислом динининг устунларидан тўрттасини баён қилдилар:
Аллоҳга ширк келтирмасдан Унга ибодат қилиш – яъни Аллоҳдан бошқани илоҳ деб билмаслик, Унга ҳеч қандай шерик қўшмаслик. Бу –Исломнинг энг асосий тамойилидир.
Фарз намозларни адо этиш. Намоз Ислом динининг устуни бўлиб, уни тарк этиш катта гуноҳлардан ҳисобланади.
Закот бериш – моли нисобга етган ҳар бир мусулмоннинг закот бериши кераклиги. Бу жамиятда адолат ва ижтимоий барқарорликни таъминлайди.
Рамазон ойида рўза тутиш. Рўза – инсонни тақвога олиб борувчи, нафсини тарбия қилувчи муҳим ибодатдир.

✅Исломнинг асосий устунлари сифатида талқин этилган амалларни сидқидилдан бажарган инсон жаннатга лойиқ бўлади.
✅Фарз амаллар мусулмон учун жуда муҳим, уларни тарк этиш катта гуноҳдир.
✅ Расулуллоҳ соллаллоҳу алайҳи ва саллам жаннат аҳлидан бўлган кишини башорат қилиб, унга ишонч ва хушхабар бердилар.
✅Ҳар бир мусулмон жаннатга элтувчи амалларга маҳкам ёпишиши лозим.

Bayyina.uz | Taqviym.uz
Ижтимоий тармоқларда бизни кузатинг!
Telegram | Instagram | YouTube