Adolat SDP | Xorazm viloyati

Депутат сайловчилари ҳолидан хабар олди
Халқ депутатлари Содиқжон Содиқовни тез-тез сайловчилари орасида кўриш мумкин. Сайловчиларни кўпдан ўйлантириб, қийнаб келаётган муаммоларнинг аксарияти депутатнинг аралашуви билан ижобий ҳал этилмоқда. Баъзилари депутатлик сўровлари орқали бартараф этишга киришилган.
Депутатнинг бу галги хизмат сафари Ҳайит айёми муносабати билан Хонқа туманидаги “Ширинлар” маҳалласида яшовчи, кам таъминланган, боқувчисини йўқотган, касалманд аъзолари бор хонадонларда бўлиб, уларга моддий ва маънавий ёрдам беришга қаратилди.
Суҳбатош кекса нуронийлар депутат томонидан кўрсатилган эътибор ва ғамхўрликдан, Давлатимиз томонидан яратилаётган имкониятлар ва қаратилаётган ва эътибордан, инсон қадри улуғланган юртда яшаётанликларидан шукроналар келтиришди.
Бир сўз билан айтганда, депутатларимизнинг бу каби саховат амаллари ижтимоий ҳимоя ва меҳрга мухтож ҳамюртларимизнинг ҳаётга бўлган завқини оширишга хизмат қилиши шубҳасиздир.
Замира АБДУЛЛАЕВА,
“Адолат” СДП
Хоразм вилоят Кенгаши матбуот котиби.

Хоразмда аҳолини коррупцияга қарши курашиш фаоллигини ошириш қизғин паллага кирди
Бугун 1 апрел куни “Адолат” СДП томонидан “Коррупцияга курашиш ойлиги”га старт берилгани муносабати билан хоразмлик адолатчилар ҳам изчиллик ва ҳамжиҳатликда тарғибот-ташвиқот тадбирлар, давра суҳбатилар ўтказишни жаддаллаштиришди.
Хусусан, партиянинг Шовот туман Кенгаши томонидан тумандаги “Гулистон” МФЙда “Аҳолини коррупцияга қарши курашиш фаоллигини ошириш – қонун устуворлиги гарови” мавзусида давра суҳбати савол-жавоблар, фикр ва мулоҳазалар асосида қизғин кечди.
Тадбирда маҳалла еттилиги вакиллари, маҳалла ва партия фаоллари иштирок этишди.
Партия фаоллари “Адолат” СДП ушбу ташаббуси орқали коррупция иллатига қарши курашишни бутун жамиятимиз миқёсида кучайтиришни мақсад қилиб олгани тўғрисида атрофлича маълумотлар бердилар.
Бу каби давра суҳбатилар Урганч шаҳар “Тоза боғ” , “Жалоладдин Мангуберди” маҳалларида, Хива туман “Н.Кубро”, “Галдимиён”, Қўшкўпир туманидаги “Ифтиҳор” ва “Адолат” маҳалларида ва бошқа маҳаллаларда фаоллик билан ташкил этилди.
Воҳада партия ташаббуси билан “Коррупцияга қарши курашиш ойлиги” мавзусига доир савол-жавоблар,фикр ва мулоҳазалар, таклиф ва тавсиялар, тарғибот-ташвиқот тадбирлари қизғин тус олмоқда.
Замира АБДУЛЛАЕВА,
“Адолат” СДП
Хоразм вилоят Кенгаши матбуот котиби.

Миллий қадриятларимиз эътироф этилди
Шовот туманидаги “Ал Хоразмий номидаги Халқаро физика – математика мактаб – интернат” да “Адолат” СДП Шовот туман Кенгаши ҳамда туман Оила ва хотин- қизлар бўлими билан ҳамкорликда туманда фаолият олиб бораётган маҳаллалар орасида “Аёл- қадриятлар давомчиси” мавзусида маъросим ва урф – одатлар тақдимотига бағишланган кўрик-танловнинг туман босқичи ўтказилди.
Кўрик-танловга партия фаоллари, депутатлари, МФЙдан фаол хотин-қизлар иштирок этишди.
Танлов учта шартдан иборат бўлиб, ҳар бир соҳадан фаол, исқтидорли аёллар беллашдилар. Жамоалар томонидан аёл қадри, миллий маросим, урф-одатларимиз турли ижодий йўналишлар орқали кенг ёритиб берилди.
Танлов шартларини бажарилишини ҳакамлар ҳайъати аъзолари адолатли баҳолаб боришди.
Феруза Юсупова, ҳакамлар ҳайъати раиси, “Адолат” СДП Шовот туман Кенгаши депутати:
– Беллашувда ғолиб жамоаларни аниқлаш жуда қийин кечди. Бир-биридан зукко, бир-биридан чаққон иштирокчилар хотин-қизларимизни жамиятдаги тутган ўрни, уларга берган таърифи, миллий қадрятларимизга бўлган ҳурмати тўғрисидаги саҳна кўринишлари, шеър ва қўшиқларидан Ўзбекистонимизнинг келажаги порлоқ эканига яна бир бор амин бўлдик.
Танловнинг якуний натижаларига кўра, ғолиблар эълон қилиниб, иштирокчилар ҳамкор ташкилотларнинг фахрий ёрлиқ ва эсдалик совғалари билан тақдирландилар.


Замира АБДУЛЛАЕВА,
“Адолат” СДП
Хоразм вилоят Кенгаши матбуот котиби.

Депутат А.Сагиров кўмаги билан беморда жарроҳлик амалиёти ўтказиладиган бўлди
Урганч шаҳар 3-сон оилавий поликлиникада Халқ депутатлари “Адолат” СДП Хоразм вилоят Кенгаши депутати Анвар Сагировнинг “Мустақиллик” маҳалласида яшовчи сайловчилари билан учрашуви ташкил этилди.
Учрашув давомида депутат баён этилган мурожаатлар билан яқиндан танишди, мурожаатларнинг айримлари жойнинг ўзида ҳал этилди, айримлари депутатлик сўровлари орқали ижроси таъминланадиган бўлди.
Хусусан, 1956 йилда туғилган Шерзод Хусаинов кўп йиллардан буён юрак-қон томири касаллиги билан азият чекиб келаётгани, доваланиш учун моддий қийинчиликлар бўлаётгани, шифокорларнинг қўйган ташхисига кўра жарроҳлик амалиёти ўтказиш зарурлиги, бунинг учун эса катта миқдордаги пул маблағи кераклиги тўғрисида гапирди. Депутат А.Сагиров беморнинг ташхис хулосалари билан яқиндан танишди ва жойнинг ўзида беморга ҳомийлар ёрдами билан 15 млн миқдордаги пул маблағини ўтказиб берди. Беморда жарроҳлик амалиёти ўтказилиши режалаштирилди.
Шунингдек, боқувчисини йўқотган, уч фарзанднинг онаси Садоқат Эшниязованинг, бир нафар боласи саратон касаллиги билан оғринаётгани ҳамда 19 яшар фарзандининг тадбиркорлик қилиши учун амалий ёрдам сўраб қилган мурожаати, А.Баходирхон кўчаси 216 уйнинг 2-қаватидаги 22 хонадонда яшовчи Хударган Жуманиёзовнинг тадбиркорлар томонидан тадбиркорлик қилиш учун 1-қаватдаги хонадонни айрим деворларини олиб ташлаётгани тўғрисидаги баёни ҳам эътиборга олинди.
Маҳалла аҳолисининг кўп қаватли уйлар олдидаги дов-дарахтлар, гуллар сувсизликдан қуриб бораётган тўғрисидаги ва бошқа мурожаатларнинг барчаси депутатнинг диққат марказидан жой олди ва ўрганиш ва муаммоларни бартараф этиш ишларини бошлаб юборди.
Муаммолар ортида инсон тақдири мужассам эканини чуқур англаб етган депутатларимиз томонидан амалга оширилаётган бу каби чора-тадбирлар фуқароларнинг яшаш шароитини янада яхшилашга хизмат қилиши билан аҳамиятлидир.

Замира АБДУЛЛАЕВА,
“Адолат” СДП
Хоразм вилоят Кенгаши матбуот котиби.