Yangi Yil – Farzandlar Uchun Quvonch Va Umid Bayrami

Yangi yil – bu nafaqat yangi boshlanishlar, balki bolalar qalbini quvontiradigan orzu-umidlar bayramidir. Ayniqsa, bolalar ushbu bayramni intiqlik bilan kutadilar, chunki ularning tasavvurlarida yangi yil mehr-oqibat, g‘amxo‘rlik va quvonch bilan bog‘liq.

Mamlakatimiz bo‘ylab yangi yil arafasida bolalar uchun maxsus tadbirlar o‘tkazilmoqda. Bu tadbirlar har bir bolaning yuzida tabassum, qalbida esa yangi umidlarni uyg‘otmoqda. Bayram shukuhi ularning qalbini yoritib, hayotga bo‘lgan ishonchini mustahkamlaydi.

Shu kunlarda “Hududgaz Namangan” gaz ta’minoti filiali va kasaba uyushmasi qo‘mitasi tomonidan tashkil etilgan tadbir ana shunday ezgu maqsadlarni ko‘zladi. Namangan viloyatida gaz sohasida mehnat qilayotgan xodimlarning farzandlariga bayram sovg‘alari topshirildi. Ushbu sovg‘alar bolalarga nafaqat quvonch ulashdi, balki ularning bayram taassurotlarini yanada unutilmas qildi.

“Hududgaz Namangan” gaz ta’minoti filiali matbuot xizmati

💬Facebook | 👉Telegram |▶️ YouTube | 📷Instagram | 🌐 hududgaz.uz