𝐄𝐕𝐄𝐑𝐆𝐋𝐎𝐖

Bilbao'dagi Guggenheim muzeyi haqida ilk bor Den Braunning "Ibtido" asaridan o‘qib bilgan edim. Kitobda tasvirlangan zamonaviy san’at markazi shu qadar sirli va hayratlanarli tuyuldiki, keyinchalik u haqda ko‘proq o‘rganishga qaror qildim. Bu muzey nafaqat ichidagi asarlar bilan, balki o‘zi ham haqiqiy san’at asari!

Bilbao'dagi Guggenheim muzeyi Solomon R. Guggenheim Foundation tomonidan tashkil etilgan bo‘lib, bu jamg‘arma dunyodagi eng nufuzli san’at muzeylarini boshqaradi. Ular orasida:

1. Solomon R. Guggenheim Museum – Nyu-York, AQSh (1937-yildan hozirgacha)
2. Peggy Guggenheim Collection – Venetsiya, Italiya (1951-yildan hozirgacha)
3. Guggenheim Museum Bilbao – Bilbao, Ispaniya (1997-yildan hozirgacha)
4. Guggenheim Abu Dhabi – hozirda qurilish jarayonida, BAA

1997-yilda ochilgan Guggenheim Bilbao – zamonaviy san’atning eng yorqin namunalaridan biri. Frenk Geri tomonidan loyihalashtirilgan bu inshoot futuristik dizayni bilan butun dunyo diqqatini tortdi. Titanium qoplamali, burama shakldagi bino quyosh nurlari ostida tovlanib, shahar manzarasiga o‘zgacha ruh bag‘ishlaydi.

O'zi buni ichida nima bor desangiz?
Guggenheim Bilbao muzeyi muntazam ravishda turli san'at tadbirlari va marosimlarini o'tkazib keladi. Vaqtinchalik ko'rgazmalar, san'at ustaxonalar, ma'ruzalar va boshqa madaniy tadbirlar muzey dasturining ajralmas qismidir. Masalan, 2025-yil 28-fevraldan 1-iyungacha "Budapeshtdan qog'ozdagi durdonalar" ko'rgazmasi o'tkaziladi, unda Leonardo da Vinchi, Albert Dyurer, Rembrandt va Fransisko Goya kabi buyuk rassomlarning taxminan 150 ta asari namoyish etiladi. Bundan tashqari 1. Richard Serraning The Matter of Time asari: Bu ulkan po'lat skulpturalar seriyasi muzeyning 130 metrli Arcelor zalida joylashgan bo'lib, tomoshabinlarga makon va vaqtni yangi usulda his qilish imkonini beradi. ​Balkim shuning uchun ham Den Braun shu joyni tanlagandir. 2. Jeff Koonsning Tulips va Puppy asarlari: Tulips — yorqin rangli zanglamaydigan po'latdan yasalgan lola gullari tasviri bo'lsa, Puppy — gullar bilan qoplangan ulkan it haykali bo'lib, muzey kirish qismida joylashgan. ​3. Louise Bourgeoisning Maman asari: Bu 9 metrlik ulkan o'rgimchak haykali muzey tashqarisida, Nervion daryosi bo'yida joylashgan. ​Muzeyda Picasso va da Vincining bir qancha asarlari doimiy saqlanadi.

Bilbao effekti - shahar infratuzilmasini yaxshilash va madaniy obyekt qurish orqali iqtisodiy va turistik o‘sishga erishish jarayonini anglatadi. Effect bevosita muzey bilan bog'liq.

List'laringizga + qilib qo'shib qo'ysangizlar bo'ladi. Ispaniyaga borganimizda kiramiz 😉