Ҳамидулло Мукаррамов: "Мен 3 ва 4-тур баҳсларини интиқлик билан кутяпман"

Хабарингиз бор 1-февраль куни
Ўзбекистон Суперлигасининг 2025 йилги янги мавсумига қуръа ташланди.

Қуръа натижаларига кўра,  жамоамиз мавсумни ўз майдонида "Динамо" га қарши ўйин билан бошлайдиган бўлди.

Қуръа юзасидан "Навбаҳор” ПФК фан-клуби  мухлислари  етакчиларидан бири бўлган Ҳамидулло Мукаррамов қуйидаги фикрларини билдирди:

Ассалому алайкум!  Мен жамоамиз янги мавсумни илк турида "Андижон" ёки “Нефтчи” билан ўйнашини ҳоҳлаган эдим. "Навбаҳор” жамоамиз янги мавсумни ўз майдонида "Динамо" га қарши ўйин билан бошлайдиган бўлди.

Мен рақиб бўлишини истаган жамоалар билан учинчи ва тўртинчи турларда ўйнар эканмиз.

Таъкидлаганингиздек фан-клуб аъзолари янги мавсумга ўзгача тайёргарлик қилишмоқда.
Фурсатдан фойдаланиб ашаддий, фидойи ва садоқатли мухлисларимизни  янги  мавсумда севимли жамоамиз “Навбаҳор”ни муносиб тарзда қўллаб-қувватлаш учун "Навбаҳор” фан-клубига аъзо бўлишга таклиф этаман,
Илоҳим бошланётган мавсум жамоамиз учун омадли келсин -  деди Ҳамидулло Мукаррамов.

"Навбаҳор-лочинлар" канали.