☀️ Salom, «iQtidorly»lar! Ushbu hafta doimiy odatlarni hayotimizga ta'siri va ularni rivojlantirish haqida ba'zi bestseller kitoblardan namunalar orqali suhbatlashamiz. Sizning odatlaringiz kelajagingizni belgilaydi. Har bir muvaffaqiyatli inson – tadbirkor bo‘ladimi yoki sportchi – mustahkam odatlar shakllantirish orqali yuqori cho‘qqilarga chiqadi. Ko‘pchilik muvaffaqiyatni birdaniga keladigan yutuq deb o‘ylaydi, lekin aslida bu kundalik kichik harakatlarning natijasidir.

📖 Keling, kitoblarga yuzlanamiz!
1️⃣ "Boy ota, kambag‘al ota" – Moliyaviy intizom odati

Robert Kiyosaki boy insonlarni boshqalardan ajratib turadigan narsa – ularning moliyaviy odatlari ekanligini ta’kidlaydi. Aksariyat odamlar pul topib uni sarflaydi, boy insonlar esa tejash, sarmoya kiritish va moliyaviy bilimlarini oshirishga har kuni vaqt ajratadi.
Har oy daromadingizning kamida 10% ini jamg‘arib borish odatini yarating.

2️⃣ "Atomic Habits" – 1% qoidasi

Jeyms Klirning fikricha, har kuni atigi 1% yaxshilanish uzoq muddatda katta natijalar beradi. Katta va murakkab maqsadlar qo‘yish o‘rniga, doimiy ravishda kichik o‘zgarishlar qilish yaxshiroq.
Har kuni bitta mayda odat shakllantirishga harakat qiling – 10 daqiqa kitob o‘qish, ko‘proq suv ichish yoki 15 daqiqa erta uyg‘onish kabi.

3️⃣ "Surrounded by Idiots" – Odamlarni tushunish odati

Tomas Erikson muvaffaqiyat asosan turli shaxsiy tiplarga moslasha olish qobiliyatiga bog‘liq ekanligini ta’kidlaydi. Faol tinglash, to‘g‘ri savol berish va sabr qilish odatlari yaxshi insoniy munosabatlarni shakllantiradi.
Har kuni odamlarni yaxshiroq tushunishga harakat qiling, ularning qanday fikrlashi va muloqot uslubini kuzating.

4️⃣ "Secrets of manipulation" – Tanqidiy fikrlash odati

Bu kitob odamlarning qanday qilib ong ostimizga ta’sir qilishi mumkinligini ochib beradi. Eng yaxshi odatlardan biri – tanqidiy fikrlashni rivojlantirishdir. Har qanday ma’lumotni tekshirish, tahlil qilish va mustaqil xulosa chiqarish muhimdir.
Har qanday ma’lumotni qabul qilishdan oldin “Bu kimga foyda keltiradi? Bu faktmi yoki shaxsiy fikr?” degan savollarni bering.

✨ Sizning kelajagingiz – bugun shakllantirayotgan odatlaringizning natijasidir. Kichik harakatlar, doimiy ravishda takrorlansa, katta yutuqlarga olib keladi. Siz bugundan boshlab qaysi odatni shakllantirmoqchisiz? Fikrlaringizni izohlarda yozib qoldiring! 👇

"Biz avval odatlarimizni shakllantiramiz, keyin esa odatlarimiz bizni shakllantiradi." – Jon Dryuden

🌟 Telegram | Instagram | Linkedin