O'zbekistondagi eng katta yo'lchilar auditoriyasiga ega bo'lgan guruhda "Markaziy sinov laboratoriyasi" Davlat muassasasi bilan bog'liq bir qancha savollar tug'ulyabdi.

Markaziy sinov laboratoriyasi Avtomobil yo'llari qo'mitas raisining 2023-yil 23-noyabrdagi 133-sonli qaroriga asosan "Agrokimyo laboratoriyasi" unitar korxonasi negizida tashkil topgan.
Yuridik manzili Toshkent shahri, Mirobod tumani, Lokomotiv ko'chasi 10.
Markaziy sinov laboratoriyasi faoliyatining asosiy yoʻnalishlari quyidagilar:
-avtomobil yo'llarini qurish, rekonstruksiya qilish va ta'mirlash ob'ektlarida bajarilayotgan ishlar va qoʻllanilayotgan materiallar sifatining belgilangan talablarga muvofiqligini aniqlash boʻyicha o'lchov va sinov amaliyotlarini o'tkazish;
-yoʻl qurilish materiallarining sifat koʻrsatkichlarini ushbu turdagi materiallar uchun belgilangan sifat darajasiga javob berishini sinovdan o'tkazish;
-avtomobil yo'llari boʻylaridagi manzarali daraxt va buta koʻchatlari boʻyicha agrotexnik tadbirlarni amalga oshirish uchun ilmiy tavsiyalar berish;
-laboratoriyadagi o'lchash asboblari, sinov uskunalari va jihozlarning doimo soz holatda boʻlishini ta'minlash.
Yana bu muassasa haqida ma'lumot olish uchun Avtomobil yo'llari qo'mitasining veb saytiga kirib ko'rdim lekin saytda ma'lumotlar topilmadi.
Muassasaga tegishli ko'chma laboratoriyada ko'rsatilgan uzroadlab.uz saytida ham ma'lumotlar yo'q(saytdagi ma'lumotlarga ko'z tashlasangiz muassaga tegishli ekaniga ham ishonish qiyin). Avtomobil yo'llari qo'mitasining telegramdagi rasmiy sahifasida muassasa dirketori U.Nuraliyevning "Показатели гумусного состояния целинных и орашаемых серо-бурых почв Хорезмского вилоята Узбекистана"(bu mavzuning sohamizga qanday foydasi borligini tushunmadim) mavzusida maqolasi e'lon qilingan haqidagi xabarni ko'rishimizgina mumkin.
Xo'sh bu sirli muassasaga bildirilayotgan savollar va e'tirozlar o'rinlimi yo'qmi?

@avtomobilyullari