💧👍Таҳоратга оид фатволар | 44-қисм

ҒУСЛНИ ВОЖИБ ҚИЛУВЧИ АМАЛЛАР (2-қисм)

🔴 Киши уйқудан турганда сони ёки тўшагида намлик кўрди. Тушда эҳтилом бўлганини ҳам эслади. Агар ўша намлик маний ёки мазий эканини аниқ билса ёки маний ё мазий эканида шак қилса, унга ғусл вожиб бўлади. Агар шу намликни вадий эканини аниқ билса, ғусл вожиб бўлмайди. ("Фатовои Оламгирийя")

🔴 Қози Абу Али Насафий шундай деган: Ҳишом раҳимаҳуллоҳ ўзининг “Наводир”ида имом Муҳаммаднинг шундай деганини нақл қилади: Киши уйғонганда олати учида намлик кўрди. Аммо эҳтиломни эслай олмади. Агар уйқудан олдин олати таранг ҳолда бўлган бўлса, ғусл вожиб бўлмайди. Лекин унинг маний эканини аниқ билса, ғусл вожиб бўлади. Агар уйқуга ётишдан аввал олати бўшашган ҳолда бўлган бўлса, ғусл вожиб бўлади. Аллома Шамсул-аимма Ҳалвоний раҳимаҳуллоҳ: “Бу ёдда тутиш лозим бўлган масала, уни кўпчилик билмайди” дейдилар.

🔴 Тушида эҳтилом бўлганини ва маний чиқиш лаззатини ҳам эсласа-ю, уйғонганда намлик кўрмаса, бу одамга ғусл вожиб бўлмайди. Аёл киши ҳам худди шундай. ("Зоҳирур ривоя")

#таҳорат 👈 (барча қисмлар)

➡️ДЎСТЛАРИНГИЗГА ҲАМ УЛАШИНГ
👇👇👇👇👇👇👇👇

📝Telegram |🎞 YouTube  🕌