📔🔔🌐Аллоҳнинг исмлари ва сифатлари.

#Асмоил_Ҳусна

71.АЛ-МУҚАДДИМ.

Олдинга сурувчи.
У зот хоҳлаган шахс ва нарсани хоҳлаган шахс ва нарсасидан олдинга суради.

Ушбу исм Қуръонда зикр қилинмаган. У имом Бухорий, Муслим ва Ибн Хузаймалар ривоят қилган ҳадисда келган.
Агар Аллоҳ таолони ал-Муқаддим десак, У Зот Ўзининг хоҳиш ирода ва ҳикматига мувофиқ олдинга суради, деган маънони англатади.

Масалан, баъзиларни баъзилардан олдин вафот эттиради. Ёки ҳикматига биноан мусибатга учратишда бир пайғамбарни бошқасидан, бир саҳобийни бошқа саҳобийдан, бир мўминни бошқасидан олдинга суради.
«Ҳар бир умматнинг ажали бор. Ажаллари келган вақтида бирор соатга орқага ҳам, олдинга ҳам сура олмаслар» (Аъроф, 34).

Демак сен ушбу исмнинг маъносини идрок қилиб, ҳаётинг Аллоҳ қўлида эканига ва ҳаётинг муддати олдинга ҳам, ортга ҳам сурилмаслигига қатъий равишда иймон келтирсанг, нафсинг шод, ўзинг шижоатли бўласан ва бирор инсон қаршисида хор бўлиб, бўйин эгмасдан азизу мукаррам бўлиб яшайсан.

📲ДЎСТЛАРИНГИЗГА ҲАМ УЛАШИНГ
👇👇👇👇👇👇👇👇

📝Telegram |🎞 YouTube  🕌