1 апрелдан яна электр ва табиий газ нархлари ошади, сифатчи?

Иқтисодиёт ва молия вазири Жамшид Қўчқоровнинг айтишича, келгуси йил 1 апрелдан бошлаб электр ва табиий газ тарифлари оширилади.

Жорий йил баҳорги электр ва табиий газ учун нархларнинг кескин оширилиши ва ижтимоий норма белгиланишини аҳолини сифатли, узлуксиз энергия билан таъминлаш билан изоҳлашганди.

Ҳатто мен ҳам бу нарсаларга ишониб, баҳор ойларидаги лимит белгиланиш ҳолати ва нархнинг ошишини ижобий баҳолаб буларни ҳимоя қилиб узуууун пост ҳам қолдиргандим.🤦‍♂

Лекин энди афсусдаман! Бу очофат ебтӯймасларни ҳимоя қилиб буларга ишонганим учун ўзимдан нафратланиб кетяпман. Чунки бу валламатлар, нарх ошади лекин энергетикадан муаммо бўлмайди деб катта ваъда беришганди.
Бироқ сифатли ва узлуксиз энергия ҳақидаги гаплар "катта лағмон" бўлиб чиқди. Яна айтаман уларнинг бу гапларига ишонганимдан ўзим ҳам афсусдаман.

Нарх ошса-да, сифат яхшиланмаганини кўрган истеъмолчиларни бу сафар ишонтира олишадими йўқми даргумон. Бироқ мен энергетика тизимидаги бунақа кадрлар ва бошқарув билан сифат яхшиланишига энди ишонмайман!

Чунки, электрда узилишлар тўхтамаяпти, газни аҳволи ҳаммага маълум!
Метан запрафкалардаги навбатларга-ку ўрганибам қолдик. Лекин, энди ундаги газ ҳавога чиқиб бир қанча одамларга зиён етказганини, ҳатто уларни тириклайин куйдириб кулга айлантирганини кўряпмиз. Афсуски! 😢

Қишнинг совуғида уйини иситаман деб, ис газидан вафот этаётганлар ҳақида эса ёзишга ҳам қўлим бормаяпти. ☹️