Kenja Botir
Forward from: Kenja Botir
Mudofaa vazirini samalyotga qo‘ymagan o‘zbek!
Bugun Kiyevda Zelenskiy bilan uchrashgan Kanada bosh vaziri Jastin Trudoning yonidagi kishi mudofaa vaziri Bill Blair boʻladi. U kishiga bir marta duch kelganman. Bundan besh yil oldin Porter Aviakompaniyasida ishlagan paytimda Blairni reysiga chek-in qilishni rad etib, uyiga qaytib ketishga majbur qilganman. Voqea shunday boʻlgandi.
Kechqurun yoʻlchilarni chek-in qilish (roʻyxatdan oʻtkazish)da ishlayotgan edim. Kechki soat sakkizlarda janob Blair kelib, chek-in qilish uchun menga haydovchilik guvohnomasini berdi. Soʻnggi reys bilan Ottavaga uchishi kerak ekan. Hujjatini qoʻlimga olib, qarasam - amal qilish muddati oʻtib ketibdi.
Hujjatning amal qilish muddati bir kun oldin tugagan boʻlsa ham, haqiqiy emas deb sanaladi. Buni janob Blairga aytib, kimligini tasdiqlaydigan boshqa hujjati bor-yoʻqligini soʻradim. U yoq-bu yogʻini qarab, "yoʻq ekan" dedi.
Unga "afsuski, amal qilish muddati oʻtgan hujjat bilan sizni chek-in qilolmayman" dedim. Shunda, u kishi Kanada parlamenti aʼzosi ekanligi haqidagi guvohnomasini berdi. Afsuski, bunday hujjatda shaxsning tugʻilgan kuni va turar-joyi koʻrsatilmaganligi sababli uni qabul qilolmasligimni tushuntirdim.
Bill Blair "ertaga Ottavada parlamentda muhim yigʻilishga qatnashishim kerak, shu reysda ketishim zarur" dedi. Men chiptasini ertalabki ilk reysga tekinga almashtirib berishim mumkinligini aytdim. Lekin, "baribir kech boʻladi, iltimos yordam bering" dedi.
Men uni chek-in qilib, chiptasini berganim bilan, uchoqqa minish paytida xodimimiz hujjati eskirib qolganini bilib qolsa - baribir qaytarib yuborishini, natijada menga gap tegishini tushuntirdim. Axiyri, smena boshligʻimizning oldiga borib, vaziyatni tushuntirdik.
Boshligʻimiz ham men aytgan gapni takrorlagandan keyin, deputat janob Bill Blair tarvuzi qoʻltigʻidan tushib, qaytib ketdi. U paytlar men u kishi Toronto shahar politsiya boshligʻi lavozimida ishlaganini bilardim.
Bugun janob Bill Blairni televizorda koʻrganimdan keyin, u haqda batafsilroq bilgi olish uchun internetni tekshirdim. U 2015-yilgacha Toronto militsiyasi boshligʻi, undan keyin esa Kanada parlamenti deputati oʻlaroq, vazir lavozimlarida ishlagan ekan! Qanaqa vazir deysizmi?
Chegara Xizmatlari va Uyushgan Jinoyatchilikni Ozaytirish vaziri, Jamoat Xavfsizligi va Favqulodda Vaziyatlar vaziri. 2023-yildan beri Kanada mudofaa vaziri ekan! Ancha yillar oldin maxfiy aygʻoqchi (agent) oʻlaroq ishlagan ekan.
Shunday odamni reysidan olib qolganimda, indamasdan, "xoʻp" deb, ketavergan edi. Yaqinda Donald Tramp aytganidek, "Kanadaliklar juda muloyim boʻlishadi". Ana shunaqa gaplar.
Bahtiyor Shahnazar. Kanada.
https://t.me/Kenja_Botirjon
Bugun Kiyevda Zelenskiy bilan uchrashgan Kanada bosh vaziri Jastin Trudoning yonidagi kishi mudofaa vaziri Bill Blair boʻladi. U kishiga bir marta duch kelganman. Bundan besh yil oldin Porter Aviakompaniyasida ishlagan paytimda Blairni reysiga chek-in qilishni rad etib, uyiga qaytib ketishga majbur qilganman. Voqea shunday boʻlgandi.
Kechqurun yoʻlchilarni chek-in qilish (roʻyxatdan oʻtkazish)da ishlayotgan edim. Kechki soat sakkizlarda janob Blair kelib, chek-in qilish uchun menga haydovchilik guvohnomasini berdi. Soʻnggi reys bilan Ottavaga uchishi kerak ekan. Hujjatini qoʻlimga olib, qarasam - amal qilish muddati oʻtib ketibdi.
Hujjatning amal qilish muddati bir kun oldin tugagan boʻlsa ham, haqiqiy emas deb sanaladi. Buni janob Blairga aytib, kimligini tasdiqlaydigan boshqa hujjati bor-yoʻqligini soʻradim. U yoq-bu yogʻini qarab, "yoʻq ekan" dedi.
Unga "afsuski, amal qilish muddati oʻtgan hujjat bilan sizni chek-in qilolmayman" dedim. Shunda, u kishi Kanada parlamenti aʼzosi ekanligi haqidagi guvohnomasini berdi. Afsuski, bunday hujjatda shaxsning tugʻilgan kuni va turar-joyi koʻrsatilmaganligi sababli uni qabul qilolmasligimni tushuntirdim.
Bill Blair "ertaga Ottavada parlamentda muhim yigʻilishga qatnashishim kerak, shu reysda ketishim zarur" dedi. Men chiptasini ertalabki ilk reysga tekinga almashtirib berishim mumkinligini aytdim. Lekin, "baribir kech boʻladi, iltimos yordam bering" dedi.
Men uni chek-in qilib, chiptasini berganim bilan, uchoqqa minish paytida xodimimiz hujjati eskirib qolganini bilib qolsa - baribir qaytarib yuborishini, natijada menga gap tegishini tushuntirdim. Axiyri, smena boshligʻimizning oldiga borib, vaziyatni tushuntirdik.
Boshligʻimiz ham men aytgan gapni takrorlagandan keyin, deputat janob Bill Blair tarvuzi qoʻltigʻidan tushib, qaytib ketdi. U paytlar men u kishi Toronto shahar politsiya boshligʻi lavozimida ishlaganini bilardim.
Bugun janob Bill Blairni televizorda koʻrganimdan keyin, u haqda batafsilroq bilgi olish uchun internetni tekshirdim. U 2015-yilgacha Toronto militsiyasi boshligʻi, undan keyin esa Kanada parlamenti deputati oʻlaroq, vazir lavozimlarida ishlagan ekan! Qanaqa vazir deysizmi?
Chegara Xizmatlari va Uyushgan Jinoyatchilikni Ozaytirish vaziri, Jamoat Xavfsizligi va Favqulodda Vaziyatlar vaziri. 2023-yildan beri Kanada mudofaa vaziri ekan! Ancha yillar oldin maxfiy aygʻoqchi (agent) oʻlaroq ishlagan ekan.
Shunday odamni reysidan olib qolganimda, indamasdan, "xoʻp" deb, ketavergan edi. Yaqinda Donald Tramp aytganidek, "Kanadaliklar juda muloyim boʻlishadi". Ana shunaqa gaplar.
Bahtiyor Shahnazar. Kanada.
https://t.me/Kenja_Botirjon