Muslima_ayol_kundaligi

Бойларга ҳасад билан қадалган назаримни бечораларга қараш билан даволар эдим...

👉Бир қиз шундай ҳикоя қилади:

«Ёшлигимда кўчада юрсам, одамлар миниб юрган янги, қимматбаҳо машиналардан кўзимни узолмай қолардим. Баланд-баланд уйлар, виллалар ҳақида ўйлаб, бу уйлар, машиналарнинг эгаларига ўхшаб бой-бадавлат бўлишни орзу қилардим. Кийим-кечак, соат дўконларининг ёнидан кета олмай қолардим. Бунга онам сабабчи бўлган, деб ўйлайман, чунки онам кўпинча мени ўзи билан бирга бозорларга, дўконларга, дугоналари билан учрашувларга олиб борарди, улар билан фақат янги модалар, тақинчоқлар, хуллас, дунё матоҳлари ҳақида соатлаб гаплашиб ўтирарди. Мен эса ҳамма гапни эшитиб, маҳлиё бўлиб ўтирардим.
Бир куни ҳаётимда катта бурилиш юз берди. Ҳайит байрами куни эрта тонгда отам билан ҳайит намозига чиқдик. Ўзи чиқмоқчи эмасдим, чунки онам менга ўзим хоҳлаган кўйлакни олиб бермагани учун бутун дунёдан хафа эдим. Йўлда машинада кетаётган эдик, отам шарбатлар, ширинликлар сотиб ўтирган бир аёлни кўрсатиб, шундай деди: «Анави аёлни кўряпсанми? Етимлари борга ўхшайди. Бугун байрам. Унинг эса кўнглига байрам сиғмаяпти. Болаларининг қорнини тўйдириш учун шундай кунда ҳам кўчада ўтирибди. Бошқа ҳеч қандай чораси қолмаган аёлгина байрам куни кўчада ўтириб, нарса сотиши мумкин. Биз бўлса чиройли кийимларда, атирларни сепиб олиб, ўз машинамизда намозга кетяпмиз. Сени қара-ю…»
Мен кўчадаги фақир одамларни худди умримда биринчи марта кўраётгандек, анграйиб қолдим. Тўғрироғи, уларга биринчи марта аҳамият бериб қарашим эди. Олдинлари уларни кўрмаган ҳам эканман, тавба. Чунки кўзларим фақат бойларга қадалган эди. Шу кундан бошлаб кўчадаги бою камбағалга баравар қарайдиган бўлдим. Олдимдан дабдабали машина ўтса, уни кўриб, ўзимни бечора ҳис қилардим, лекин унинг ортидан эски кийимлардаги қора ишчиларни кўрсам, ўзимни бой ҳис қилардим. Шундай қилиб, бойларга ҳасад билан қадалган назаримни бечораларга қараш билан даволар эдим. Кунлар ўтиб, қўли калта одамларга кўпроқ эътибор берадиган бўлдим. Натижада уйга маҳзун ҳолда эмас, Аллоҳнинг неъматларига, марҳаматига шукр келтириб қайтадиган бўлдим».

📚Абдуллоҳ Абдулмуътий Ҳуда Саъид Баҳлулнинг "Қулоғим сенда, қизим!" китобидан.

®@BintuSodiq

Yaqinlaringizga ulashib reaksiya qoldirishni unutmang 🥰

@Muslima_ayol_kundaligi1

📿Истиғфор қандай айтилади?

🔖Ўқилиши: «Астағфируллооҳ».
✅Маъноси: «Аллоҳдан (гуноҳларимни) кечиришини сўрайман!»

🔖Ўқилиши: «Ғуфроонака».
✅Маъноси: «Ё Аллоҳ, гуноҳларимни кечир!»

🔖Ўқилиши: «Астағфируллооҳа ва атуубу илайҳ».
✅Маъноси: «Аллоҳдан кечирим сўрайман, Унга тавба қиламан!»

🔖Ўқилиши: «Астағфируллооҳаллазий лаа илааҳа иллаа ҳувал ҳайюл қойюм, ва атуубу илайх».
✅Маъноси: «Ундан Ўзга илоҳ йўқ, доим тирик, ҳар нарсага гувоҳ бўлувчи Аллоҳга истиғфор айтаман, тавба қиламан!»

🔖Ўқилиши: «Субҳаанака ва биҳамдика астағфирука ва атуубу илайк».
✅Маъноси: «Ё Аллоҳ! Сен ҳар қандай нуқсондан Поксан, ҳамду санога фақат Ўзинг лойиқсан. Сенга истиғфор айтаман, тавба қиламан!»

🔖Ўқилиши: «Субҳаанакаллооҳумма ва биҳамдика ашҳаду аллаа илааҳа иллаа анта астағфирука ва атуубу илайк».
✅Маъноси: «Ё Аллоҳ! Сен (барча айб-нуқсонлардан) Поксан. Сенга ҳамд айтаман, Сендан бошқа илоҳ йўқлигига гувоҳлик бераман, Сенга истиғфор айтаман, тавба қиламан!»

🔖Ўқилиши: «Аллооҳумма мағфиротука авсау мин зунуубий ва роҳматука аржаа ъиндий мин ъамалий».
✅Маъноси: «Ё Аллоҳ! Сенинг мағфиратинг гуноҳларимдан кенг, менинг наздимда раҳматинг амалимдан умидлироқдир».

📚«Истиғфорнинг 40 хосияти»

👉🏻 ИЛМНИ ЯҚИНЛАРГА
ЮБОРИБ СИЗ ХАМ САВОБ
ОЛИНГ!!

®@Kunlik_Duolarim

Yaqinlaringizga ulashib reaksiya qoldirishni unutmang 🥰

@Muslima_ayol_kundaligi1

Бир кишининг яккаю ягона ўғли бор экан. У балоғат ёшига етибди. Бир кун отасидан қандай касб танлаш ҳақида маслаҳат сўрабди:
- Бирор касбни танлашинг ўзингга боғлиқ, - дебди ота.
- Энг яхши касб ўғрилик бўлса керак,-дебди ўғил.
- Майли, кўшнимизнинг қўчқорини ўғирлаб кўр-чи, - дебди ота.

Ўғил қўшнисининг қўчқорини ўғирлаб келибди. Отаси ўзини хурсанд кўрсатиб:
- Яша, ўғлим, зўр иш қилдинг. Энди иккимиз маза қилиб уйдан чиқмай шу қўйни еймиз.
Ота-ўғил бир ҳафта маза қилишибди. Кўйни батамом еб бўлишгач, ўзларини тарозига тортишибди. Ота ўн кило семирибди, ўғил эса ўн килога озибди. Ўғил ҳайрон бўлиб отасига боқибди. Ота кулиб:
- Эй нодон, сен ўғирлаган қўйнинг пулини ўша куни кўшнига бериб кўйганман. Шунинг учун, хотиржам семирдим. Сен бўлса бир ҳафта азоб ичида яшадинг! Шу сабаб оздинг. Ўзингга ҳалол касб танла, шунда у дунёйинг хам, бу дунёйинг ҳам обод бўлади, - дебди.

P.S.: Ҳаром буюрмайди дегани шу бўлса керак-да! Ҳар биримиз фарзандимизга ёшлигидан ҳалолликни ўргатмас эканмиз, бутун умр порахўр амалдорлардан нолиб ўтиб кетаверамиз!

©@adolat_kuychisi

Yaqinlaringizga ulashib reaksiya qoldirishni unutmang 🥰

@Muslima_ayol_kundaligi1

ФАРИШТАНИНГ ДУОСИ...
(ўқинг фақат йиғламанг).

Уни касалхонага оғир ахволда олиб келишди. Кучли зарбалардан ички аъзолари ҳам ёрилиб кетган эди. Тезкор гуруҳ чақирилмагунга қадар бу ишни ким қилганини шифокорлар била олмади. Боланинг тепасида иззиллаб йиғлаётган она кўксига муштлар, аммо ниманидир яшираётгани кўзларидан маълум эди. Терговчи, бола бечора катта одамнинг тепкиси туфайли шу аҳволга тушганини аниқлаганида, у сунъий нафас аппаратига уланган бўлиб жони қил устида эди. Шундагина аёл , эрининг ишлари юришмай, аламини ичкиликдан олаётганини айтиб, кўзида ёш билан илтижо қилди:
- Ичиб келганларида ошхонада эдим. Одилжон йўлакда ўйнаётган экан. Ёш болада, дадасининг қай ахволда келганини билмай музқаймоққа пул сўрабди... Кўрганимда шу иш бўлмасди.
Афсус, унинг аҳволи ёмонлашди. Қўлларидан келган чораларни кўриб, етказилган жароҳатлар ҳаёт билан зид эканидан иложсиз қолган шифокорлар онаизорни унинг олдига киргизишди. Кома холатида ётган болакай юз-қўллаларини ўпиб йиғлаётган онасининг овозидан ўзига келиб кўзларини очди. Оғзига тиркалган сунъий нафас олиш аппаратини олиб ташлаб гапиришга чоғланди:
- Ойижон мен музқаймоққа эмас, дори учун пул сўраган эдим. Юрагингиз санчаётганини айтган эдингиз. Шунга....
У оғир нафас ола бошлади. Аммо шошиб қолган докторларни тўхтатиб, гапларини айтиб олмоқчи эканини ишора билан тушунтирди.
- Ойижон, йиғламанг! Дадам энди ичмайди.
- Эй, ичмай ўлсин! Сени шу аҳволга солгандан кўра оёқлари синса бўлмасмиди?
-Ойижон қарғаманг! Оёқлари синса, юра олмайдиларку.
У эшикка умидвор термулди. Агар ҳозир отаси кириб келса, бағрига отилиб, маҳкам қучоқлашга тайёр эди. Икки соат аввал кўзи қонга тўлиб, ваҳшийларча дўппослаган малъунни эмас , бир вақтлар елкасида кўтариб, у билан ўйнаган, дўконга етаклаб чиқиб машиначалар олиб берган меҳрибонини сўнги бор кўргиси келди. Умиди сўнгач, бир чеккада турган терговчини ёнига чақирди.
- Милиса тоға, илтимос, дадамни қамаманг. Улар жуда яхши инсон. Мана кўрасиз, яна аввалгидай яхши дада бўлади. Чунки мен фариштага айланиб, уни ҳар доим дуо қилиб тураман.
Турли жиноятларни кўравериб кўзи пишиб кетган тажрибали орган ходими ўзини тўхтата олмади. Кўзларидан шашқатор ёш қуйилиб, болага ваъда бергачгина унинг жони узилди...
Аммо, қонун, ҳар қандай ваъдадан устувор эди. Оиласи ва бошқа болалари борлиги инобатга олиниб, енгилроқ жазо тайинланди. Ота бу гуноҳни кўтара олмай, қамоқдаёқ жонига бир неча марта қасд қилди, ўла олмади. Панжара ортидаги хўжайинлар эса, махкум атайин шу гуноҳ билан яшаш учун уни жазоламадилар....
Мижжаларига қалқиган ёш билан воқеани ҳикоя қилиб берган онаизорга юзландим:
- Эрингиз қамоқдан чиқибди. Энди ичмай қўйдими?
У чуқур хўрсинди. Қўлида беш ёшлардаги ширингина ўғлининг жилмайиб турган суратини кўрсатар экан овози титраб жавоб қайтарди...
-Ха, инсоф берди. Аммо, катталарнинг ақли кириши учун, шундай фаришталарнинг кўпайиши шартмикан? У дадасининг тушига кирганида ҳам фақат дуо қилaди

®@Duo_yodlash

Yaqinlaringizga ulashib reaksiya qoldirishni unutmang 🥰

@Muslima_ayol_kundaligi1

Калтак ва тарбия

Аксариятимиз бола тарбиясида ота-онамиздан ўрганганларимизга таянамиз. Аммо таассуфки, юз йилдан кўпроқ вақтдан бери бу жамиятда нотўғри “тарбия” ҳукмрон. Оммавий маданиятнинг энг оғриқли нуқтаси ҳам шунда дейиш мумкин. Бобоси жанг майдонларида толиққан, отаси қишлоқда туғилиб-ўсиб ўқишга имкони бўлмаган бугуннинг катталари ҳаёт ташвишларига шу қадар берилганларки, ҳатто, ҳовучлари орасида болаларини йўқотаётганларини англамайдилар ҳам.

Калтак жаннатдан қувилганми?

“Калтак жаннатдан чиққан” ибораси шарқ дунёси кишиларининг онгига шу қадар сингиб кетганки, ота-оналар бу жумлани илоҳий сўзларни талаффуз этгандек ишлатадилар. “Калтак жаннатдан чиққан” деган ёлғонни ким кашф қилиб, ҳаётга татбиқ қилгани ноаниқ, аммо ким бўлса ҳам ёлғонига гўзал тўн кийдирибди. Диний атама билан бирга қўллаб, калтак сўзига одамларнинг тилини шунчалик ўргатиб юборишибдики, баъзи оилаларда тарбия деганда бола шўрлик калтакни тушунадиган бўлиб қолган. Лекин ўйлаб кўрилса, Пайғамбаримиз соллаллоҳу алайҳи васаллам “жаннатдан чиққан” усулни ҳеч қўлламаганлар. Расулуллоҳ ҳеч қачон болани урмаганлар, ҳатто баланд овозда, таҳдидли танбеҳ бермаганлар. Шунинг учун калтак жаннатдан чиққан эмас, чиққан бўлса ҳам у жаннатдан қувилган десак тўғрироқ бўлади!

Муҳтарам ота-она! Зинҳор болангизни урманг, калтакламанг! Боласини калтаклаб “тарбия”лаган бир қанча ота-оналар бугун меҳрга зор, изтироб ва надоматда яшаяптилар. Боласини уриб-сўкиб, гўдакнинг мунғайган юзига қарашга юраги бетламай бошқа хонага кириб йиғлаган ота-оналарни ҳам кўп бора кўрганмиз.

Болани калтаклаш — чорасизлик Чорасизлик эса илмсизликдандир. Болангизнинг ўйинқароқлиги, шўхлиги билан қандай курашиш кераклигини билмасангиз, илмсизлигингиз аламини болангиздан олишга ҳаққингиз йўқ! Калтак болани ё сурбет қилади, ёки ёлғончи қилади. Урсанг эти, сўксанг бети қотар, деган гап бежиз эмас.

®@konspektor

Yaqinlaringizga ulashib reaksiya qoldirishni unutmang 🥰

@Muslima_ayol_kundaligi1

IKKI PIYOLA SUV......

Qadim zamonda boyligi bilan maqtanuvchi hukmdor bo‘lgan edi. U qayerga bormasin, xazinasidan bir qism olib, uni boshqalarga  ko‘z-ko‘z qilar edi.  Bir kuni u eng ishongan olim do‘stiga shunday savol berdi:
– Sen olimlar ichra mashhur va donosan. Men sening fikringni bilmoqchiman. Mening hukmdorligim va davlatim haqida nima deya olasan?
Olim javob berishning yo‘lini topdi va hukmdorga  shunday dedi:
– Faraz qilaylik, siz bepoyon va jazirama cho‘lning qoq o‘rtasida turibsiz. Shu payt tomog‘ingiz qaqrab, nihoyatda chanqadingiz. Ammo yashab qolish uchun yarim davlatingiz evaziga sizga bir piyola suv uzatildi. Siz bunga rozi bo‘larmidingiz?
– Albatta, rozi bo‘lardim.
– Ancha vaqt o‘tdi. Chanqoq kuchaydi. Qolgan davlatingiz evaziga sizga yana bir piyola suv taklif qilindi. Siz bunga ham  rozi bo‘larmidingiz?
Hukmdor bir oz o‘ylandi va noiloj:
– O‘lmay qolish uchun men davlatimning qolganini ham berishga majburman, –dedi.
Shunda olim miyig‘ida kulib:
– Demak, g‘ururlanishga hojat yo‘q, hukmdor. Sizdagi boylikning bahosi bor yo‘g‘i ikki piyola suv ekan, - dedi.

© @Rumiy_AforizmlariUz


Yaqinlaringizga ulashib reaksiya qoldirishni unutmang 🥰

@Muslima_ayol_kundaligi1