🦋𝑸𝒂𝒍𝒃𝒊 _ 𝑶𝒓𝒐𝒎💞

🦋

Аз Афлотун пурсиданд, ҳайратовартарин рафтори инсон чист?

Посух дод:
Инсон аз даврони кӯдаки орзуи тез калон шуданро мекунад, аммо замоне ки калон шуд дилтанги даврони кӯдаки мешавад.

Аввал барои ҷамъи молу сарват саломатиашро аз даст медиҳад, сипас барои барқарор кардани саломатӣ пулашро харҷ мекунад.

Тавре зиндагӣ мекунад, ки гӯё ҳаргиз нахоҳад мурд, баъд тавре мемирад, ки гӯё ҳаргиз зиндагӣ накарда аст.


Чуноне ки мефармоянд:

Гуфт: Афлотуни доно вақти мурдан як сухан,
Ҳайфи доно мурдану сад ҳайфи нодон зистан.

🦋

#Саволи_мантиқӣ_🦋

Зане дар бозор тухм мефурӯхт. Харидори якум аз ӯ нисфи тухмҳо ва боз 1 дона тухм, харидори дуюм нисфи шумораи аз харидори якум боқимондаи тухмҳо ва боз 1 тухми дигар харид. Харидори сеюм ҳам омада аз зан нисфи шумораи тухмҳои аз харидори дуюм боқимондаро харид. Дар охир 1 дона тухм боқӣ монду бас. Фурӯшанда дар аввал чанд дона тухм дошт?

Ҷавобҳои худро дар коментария нависед..

🦋

#Саволи_мантиқӣ_🦋

Ин чӣ бошад, ки ду каллаву ду даст ва шаш пой дорад, вале дар роҳгардӣ фақат чор пой?

Марҳамат ҷавобҳои худро дар коментария нависед..

🦋

🦋

Писараки сиёҳпӯсте бозор рафт ва пеши марди бодбаракфурӯш қарор гирифта, бодбаракҳоро тамошо кард. Бодбаракфурӯш барои ҷалби таваҷҷӯҳи бача як бодбараки сурхрангро сар дод, то дар осмон парвоз кунад ва ба ин восита эътибори дигар бачаҳоро ҳам ба худ нигаронад. Баъд як бодбараки кабуд ва ҳамин тавр як бодбараки зард ва баъд аз он як бодбараки сафедро бо навбат раҳо кард. Бодбаракҳои сабукбол ба осмон рафтанду авҷ гирифтанд ва нопадид шуданд.
Писараки сиёҳпӯст ҳанӯз саргарми тамошо буд ва ба як бодбараки сиёҳ бодиққат нигоҳ кард. Пас аз андак ба бодбаракфурӯш наздик шуду бо дудилагӣ пурсид:
– Бубахшед амак! Агар бодбараки сиёҳро ҳам раҳо мекардед, оё то само парвоз мекард?
Марди бодбаракфурӯш лабханде карду нахеро, ки бодбараки сиёҳро нигоҳ дошта буд, сар дод ва бодбарак ҷониби боло авҷ гирифт. Мард пас аз лаҳзае гуфт:
– Писарам, он чизе, ки сабаби бол кушодани бодбарак мешавад, ранги он нест, балки чизест, ки дар даруни худи бодбарак қарор дорад.

Зиндагӣ ҳам ҳамин тавр аст ва чизе, ки боиси рушди одамҳо мешавад, рангу зоҳири онҳо нест. Яъне муҳим на сурат аст, балки сирати одамҳост, ки мартаба ва мавқеи онҳоро муайян мекунад. Одам ҳар қадар дониши мустаҳкам дошта бошад, ба ӯ мавқеи волотару шоистатаре насиб мекунад.

🦋

🦋

ҶАВОНИ КАМБАҒАЛЕ, КИ ПРОФЕССОРИ ҲАРВАРД ШУД

Доктор Муҳаммад Ҳонӣ гуфтааст:
“Дар мошин нишаста будам, як ҷавони тахминан 16-сола ба ман наздик шуд ва «Оинаи пешро тоза кунам?» - гуфта пурсид. "Хуб", — гуфтам. Ҷавон оинаро табъи дилам тоза кард ва ман ба ӯ 20 доллар додам. Ҷавон пулро дида, аз ман пурсид:
— Шумо аз Амрико бармегардед?
Ба маънои тасдиқ сар ҷунбондам.
— Бар ивази ҳамин долларе, ки ба ман медиҳед, метавонед дар бораи донишгоҳҳои онҳо нақл кунед? - гуфт ӯ.
Ҷавон хушмуомила буд ва хеле равон сухан мегуфт. Ӯро ба мошин даъват кардам. Дар бораи синну солаш пурсидам. Гуфт, ки 16 сол дорад ва синфи 11-ро хатм кардааст. Ман аз ин ҳайрон шудам. Зеро одатан синфи ёздаҳумро дар синни 18-солагӣ хатм мекунанд. Ҷавон гуфт, ки дар мактаб аъло хонда, ду сол пеш хатм кардааст.
— Пас чаро дар ин ҷо кор мекунӣ? — кунҷковона пурсидам. Гуфт, ки падараш дар дусолагиаш вафот карда, модараш дар хонаи касе ошпаз аст ва ӯ ҳамроҳи хоҳараш дар ин ҷо кор мекунад.
— Аз устодон шунидам, ки дар донишгоҳҳои Амрико барои беҳтарин донишҷӯёне, ки натиҷаҳои баландро ба даст меоранд, стипендия медиҳанд, - гуфт ӯ.
— Оё касе ҳаст, ки ба ту ёрӣ расонад?
— Не, - ҷавоб дод ӯ.
— Рафтем, ҳамроҳ таом мехӯрем, — гуфтам ва ҷониби ошхона равон шудам.
Ҷавон гуфт, ки тирезаи қафои мошинро ҳам тоза карда, баъд медарояд. Ӯ дар ошхона таоми худро нахӯрда, ба халтаи полиэтиленӣ андохт. Баъд фаҳмидам, ки ӯ мехоҳад ғизоро ба модару хоҳараш барад. Пай бурдам, ки ҷавон забони англисиро мукаммал медонад ва корашро аз таҳти дил, моҳирона иҷро мекунад.
Ман ҳуҷҷатҳояшро пурсидам ва ваъда додам, ки барои дохил шудани ӯ ба донишгоҳ ба қадри имкон ёрӣ медиҳам. Пас аз ним сол барои ба донишгоҳ қабул шудани ӯ муяссар гардидем. Вақте ки ба ӯ занг зада донишҷӯ шуданашро гуфтам, аз ҷониби дигари гӯшии телефон садои гиряи шодӣ ба гӯшам расид.
Пас аз ду сол маҷаллаи "Ню-Йорк Таймс" номи ӯро ҳамчун ҷавонтарин мутахассиси технологияҳои замонавӣ эълон кард. Аз муваффақияти ӯ ман ва оилаам хеле шод шудем. Мо намедонистем, ки ҳамсарам барои модару хоҳараш раводид (виза) гирифтааст. Вақте ки ҷавон модару хоҳарашро дар ҳузури худ, дар Амрико дид, на ҳарф зада метавонисту на гиря карда. Рӯзе ӯ ҳамроҳи аҳли оилааш ба хонаи мо меҳмонӣ омаданд. Ногаҳон ӯро дар берун дидам, ки мошинамро мешӯяд.
Ҷониби ӯ рафтам ва аз дасташ дошта пурсидам, ки чаро ин корро мекунад. Ӯ ҷавоб дод:
— Пештар дар чӣ гуна ҳол будани худро ва накӯиҳои Шуморо ҳеҷ гоҳ фаромӯш намекунам,😢 - гуфт ӯ.

Дертар ин ҷавони фаластинӣ, ки Фарид Абдул Алӣ ном дошт, яке аз боистеъдодтарин профессор, устодони Донишгоҳи машҳури Ҳарварди Амрико шуд.

🦋