Men xodimlarga motivatsiyani pul bilan berishni yaxshi ko‘raman.Chunki pul berilsa hamma o‘ziga kerakli motivatsiyani tashqaridan topib oladi.
O‘ziga avtomobil oladi, keyin uy, ota-onasini hajga yuboradi vhkzlar.
Bu bilan so‘rab kelgan odamga oylikni oshirish kerak demoqchimasman.
Oddiygina, bu biznes va undagi munosabatlar tranzaksiyaga asoslangan tamom.
"Biz bir oilamiz" kabi cho‘pchak gaplarni xodimlarga aytishdan foyda yo‘q.
Lekin ba’zida qancha oylik oshirsangiz ham, ko‘rinmas muammolar tufayli, xodim xuddi kam oylik olayotgan tuyiladi.
Bunday muammolardan eng kattasi, xodimlardagi moliyaviy savodxonlik yetishmasligi.
Esingizda bo‘lsa muammoga psixologik va mantiqiy yondashish kerak degandim va buni
lift misolida ko‘rsatib bergandim.
Agar xodimlar oyligi kam his qilishiga mantiqiy yechim bersak unda oylikni oshirishga to‘g‘ri keladi.
Psixologik yechim bersak, moliyaviy savodxonlik bo‘yicha hammaga kurs olib berish mumkin.
Yaqinda kompaniyamizdagi xodimlarni ko‘p kofe ichishini bilib qoldim.
Ofisda ishlaydigan 20 ta xodimdan 10 tasi kuniga 2 mahal kofe icharkan.
O‘rtacha kofe narxi 30 ming so‘m bo‘lsa umumiy hisobda 10 ta xodim 600 ming so‘m sarflar ekan.
Oyiga 20 kun ishlashsa, 12 mln so‘m.
Aytishingiz mumkin "Kofe ichish bu shaxsiy ishi va nimaga buni kompaniya o‘ylashi kerak?" deb. Lekin 7-8 mln oylik oladigan odam oyiga 1 mln kofe uchun sarflashi xuddi oyligi kamdek ko‘rishiga olib kelishi mumkin.
Menejerimga zudlik bilan ofisga eng zo‘r kofe moshinadan sotib olishini aytdim.
8,5-10 mln oralig‘ida amerikanodan tortib cappuccino gacha qilib beradigan kofe moshina sotib oldik.
Endi o‘sha 1 million har bir xodimni cho‘ntagida qoldi.
Mana nima uchun muammo bo‘lsa darrovda mantiqiy yondashish emas, avval psixologik yondashish kerak.
#ishdanxulosalar
@maqsadli_mijoz
