"Choliqushi".
Asarda Farida degan bosh qahramon qizni "choliqushi" deb chaqirishardi. Sababi, u yoshligidan juda sho'x va choliqushi kabi daraxtdan - daraxtga sakrab o'ynar, boshqalarning jig'iga tegardi.
Farida nishonlisi (unashtirilgan kishisi) ning xiyonati sababli o'z yurtidan bosh olib ketadi va Zaynilar qishlog'i nomli sharoiti og'ir joyda bir muddat qo'nim topib, u yerda muallimalik qiladi.
Keyinchalik esa, taqdir uning boshiga nelarni solmaydi... Ehee... Hali 18 ga to'lib ulgurmagan qizaloq 40 yoshli insonlardanda ko'proq hayot tashvishlari bilan sinaladi. Ha, hayot uni ancha erta yetiltirgandi.
Yozuvchi Faridani shunaqangi hurliqo, o'ziga xos qilib tasvirlaydi-ki, bu qiz tushmagur hatto meni chinakamiga oshiq ayladi. Choliqushimga yaqinlashgan erkaklar haqida hikoya qilinarkan, ulardan shu darajada nafratlanib, Faridani butub borlig'im bilan rashk qildim-ki, asti qo'yaverasiz.
Asarning yakuni ham mahorat bilan yoritiladi. Kamron va Farida baxtli bo'ladi.
Tamom.
