Ajoyib video ishlashibdi)
Ikki yil avval “Feed Up” ga ovqatlanish uchun kirgan edik, bir amaki nabiralari bilan kirib keldilar va nabiralarini “Doda, ruschani bilasizku, nega o’zbekchada ayttiz buyurtmani, tushunmagan bo’lsachi?!” - deganini eshitib qoldim. Shunda, u amaki “O’zbekistondami, nega menga ruscha gapiradi, o’zi ham o’zbek bo’lsa, o’zbek tilida javob berishi shart” - dedilar.
O’zim ham o’qituvchi bo’lganim uchun bu narsa menga yaxshigina ta’sir qilgan edi. 2021-yildan beri yosh bolachalarga dars berib kelsam, ota-onalar doim “Bolam rus guruhda o’qiydi, rus tilida tushuntiring darsni” - deyishadi. Va rus tilida dars o’tishni boshlayman, dars asosan baribir o’zbek tilida bo’ladi. Bir oydan so’ng umuman o’zbek tilini tushunmaydigan bola o’zbekchada gapiradigan, o’zbek tilida xatosiz yozadigan bo’ladi.☺️ Ularga ham tilimizni boshqa tillar kabi qadrli bo’lishiga hissa qo’shishlarini singdirishga harakat qilaman. Chunki, shu kichik bolachalarni ham aqllari yetadi va so’raydilar “Ustoz, nega biz boshqa davlatga borsak ularni tillarida gapirishga majburmiz, hech kim o’zbekcha bilmaydi, lekin bizni davlatimizga kelishsa ham biz ularni tillarida gapirishimiz kerak? Nega?”
O’zimiz tilimizni qadrsizlantirib qo’yishimiz emasmikan asosiy sabab?!
