Raddiya: “Mehr daftari jamg‘armasi”dan avtomashina uchun mablag‘ ajratilmaganBugun
Gazeta.uz sayti va boshqa telegram kanallarida qator viloyatlar hokimliklari, jumladan, Surxondaryo viloyati hokimligi tomonidan
“Mehr daftari jamg‘armasi” mablag‘lari hisobidan avtomobil xarid qilinganligi to‘g‘risida xabarlar e’lon qilindi. Ushbu xabar yuzasidan quyidagilarni ma’lum qilamiz.
Surxondaryo viloyati hokimining 2022-yil 7-iyundagi
94-8-0-F/22-sonli farmoyishiga asosan
viloyat budjetining zaxira jamg‘armasi mablag‘lari hisobidan “Lasetti” (Jentra) avtomobili xarid qilish uchun mablag‘ ajratilgan.Shundan so‘ng, Surxondaryo viloyati hokimligi va “Uzavto motors” AJ nomidan tijorat vakilligini amalga oshiruvchi “Surxondaryo avtotexxizmat” MChJ o‘rtasida
“Xarid.uz” platformasi orqali 2022-yil 8-iyun kuni tuzilgan 3-113-2022-09230UA-sonli shartnomaga asosan
156 356 000 so‘m (bir yuz ellik olti million uch yuz ellik olti ming) so‘m mablag‘ 2022-yil 9-iyun kuni 2638100804-sonli to‘lov topshiriqnomasiga asosan “Uzavto motors” AJ hisob raqamiga o‘tkazib berilgan.
Surxondaryo viloyati hokimligi tomonidan
avtomobil xarid qilish uchun sarflangan mablag‘lar viloyat budjetining zaxira jamg‘armasi hisobidan ajratilgan bo‘lib, viloyat hokimligiga bog‘liq bo‘lmagani holda, serverdagi xatolik tufayli avtomobil xaridi manbasi “Mehr daftari” jamg‘armasi deb ko‘rsatilmoqda. Bu esa sayt va kanallarda yuqoridagi kabi materiallarning e’lon qilinishiga sabab bo‘lmoqda.
Yana bir bora "
Xarid.uz" platformasidagi xatolik viloyat hokimligiga bog‘liq emasligini bildirgan holda viloyat hokimining avtomashina xaridi uchun viloyat budjeti zaxirasidan mablag‘ ajratish to‘g‘risidagi farmoyishi va boshqa hujjatllarni ilova qilamiz.
Telegram | Facebook | Instagram | @surxondaryo_pressa' rel='nofollow'>YouTube |
Web-site | Twitter