#Аразчим

Заҳар сочиб туради,
Қовоқ солиб юради,
Гапни ёмон буради,
Аразчим бу ўзимни.

Севишимни билади,
Ёки атай илади,
Нима қилса қилади,
Қизғанчиғим ўзимни.

Юракка кириб олиб,
«Севаман»да деволиб,
Қизғаниб шундай ёниб,
Аразчим бу ўзимни.

Ҳамроҳ бўлади доим,
Ўзи ширин мулойим,
Инсоф берсин илойим,
Қизғанчиғим ўзимни.

Рашк бирам ёқади,
Зарда қилиб қоқади,
Тили боли оқади,
Аразчим бу ўзимни.

«Севаман»деса  юрак,
Қалтираб кетса керак,
Ундан бошқа не керак,
Қизғанчиғим ўзимни.

Исминг дилга қададим,
Сенга борим атадим,
Севаман деб мақтадим,
Аразчим бу ўзимни.

Қизғанчиғим ўзимни.

✍ Солиҳабегим
Дилафруз Шаҳрихоний