Blogʼs

?? Nima uchun 2-qadam muhim?

Biror ishni boshlayotganda “Muhimi birinchi qadam,boshlab olsang, uyogʻi bir gap boʻladi”, deb aytishadi.

Toʻgʻri, 1-qadam ham muhim, ammo birinchi qadamni qoʻya oladigan koʻp.

• Nima ish qilishingizdan qat'i nazar, natijasizlik, qoʻrquv va tashqi ta’sirlar boshlagan ishingizni oxirigacha yetmasligiga sabab boʻladi.

Ana shu vaziyatda toʻxtamasdan 2-qadamni ham qoʻya olish eng muhim vazifa hisoblanadi.

• Taslim boʻlmaslik sizni boshqalar erisha olmagan natijalarga erishishingizni ta’minlaydi. Bunga koʻplab muvaffaqiyatga erishgan insonlar isbotdir:

• Masalan, hamma bilgan Harry Poter kitobi nashir qilinib, bosmadan chiqqunicha 7 ta nashriyot qabul qilmagan.

• Yan Kum. 16 yoshida Ukrainadan AQSH ga ko‘chib borgan o‘smir 21 yoshida otasidan, 25 yoshidan onasidan ayriladi. Magazinda pol yuvish bilan birga mustaqil dasturlashni o‘rganadi. 2009-yil Whatsapp ilovasini yaratadi. Uni atigi 100 kishi yuklab oladi. Bundan juda xafa bo‘lgan Yan ilovani butunlay o‘chirib tashlamoqchi bo‘ladi, lekin ikkinchi qadamni tashlab ilovani yangilaydi. 2014-yilda esa Facebook Inc. Whatsappni 19 mlrd dollarga sotib oladi.

• Shunday ekan boshlagan ishingizni oxiriga yetkazadigan 2-qadamga doim kuch topa oladigan insonlardan boʻling!

Kun oxirida har doim o‘zingizga hisobot berishga o‘rganing, chunki bu hisobot ertaga kunni qanday rejalashtiringizga turtki bo‘ladi.
⠀
Biz ko‘p hisobotlar, har xil qog‘ozbozliklarni juda ham xohlayvermaymiz, lekin aynan shu hisobotlar insonni o‘zi haqida tashxis chiqarishi uchun asos bo‘ladi.
⠀
Hisobot uchun o‘zingizga qo‘yidagi savollarni asos qilib oling:
⠀
• Bugun nimalarni bajardim?
• Qaysini yaxshiroq bajara olar edim?
• Bugundan nimani o‘rganishim mumkin?
• Kelajakda nimani boshqacha qila olaman?
⠀
Bu narsa ham kundalik odatga kirgandagina natija beradi, shuning uchun o‘zingizga savol berishdan qo‘rqmang! Sizda hammasi yuqori darajada bo‘ladi, faqatgina siz o‘zingizga savol bera olishni o‘rganing va javoblarni kun sayin yaxshilab boring.

Oʻzgarish avvalo tan olish va oʻziga savol berishdan boshlanadi.

#post__

Podkast eshitasizmi?

Podkast — hech qanday kitob oʻqimasdan yoki nimanidir diqqat qaratib koʻrmasdan, shunchaki eshitish orqali sizga bilim beruvchi suxbat.

Podcastlar ijtimoiy tarmoqlardagi bekorchi kontentlarni oʻrniga analog boʻla oladi.

Reels ❌
Podcast ✅

Podcastda aniq mavzuning boʻlmasligi fikrlar xilma xilligini taminlaydi shu sababdan ham samimiy suhbat boʻladi.

Podcast huddi “gʻiybat”ga oʻxshaydi ammo foydali mavzudagi “gʻiybat”.

Hozirgi kunda oʻzbek YouTubeda ham podkast qiluvchilar koʻpayib qoldi, quyida oʻzim eshitadigan podcastlarni tavsiya qilaman.

Iqtibos Podcast, Lolazar, Nima gap, Futbol Plus


© Diyorbek


#shunchaki

Uinston Cherchillning hayotiy qoidalarida; “Agar ortingga ham bir muddat qaray olganingda edi, bir oz oldinroqni ham ko‘rgan bo‘lar eding” degan jumla bor.

Buni marketingda TAHLIL deymiz. Tahlil orqali oldingi oydagi xato va kamchiliklar qayta koʻrib chiqiladi va keyingi oy uchun shu xatolardan kelib chiqib yanada yaxshiroq rejalar tuziladi.

Bu xatolarni tahlil qilish sizning keyingi oydagi rejalaringizda nimalarga koʻproq e’tibor berishingiz kerakligini koʻrstadi va ushbu xatolarni tuzatish orqali yaxshiroq natijaga erishishingizni taminlaydi.

Agar oʻtgan oydagi xatolar tahlil qilinmasa keyingi oyda ham oʻsish boʻlmaydi.

Cherchil ham nazarimda “ortga bir muddat qara” deb xatolaringni anqila va kelajakda shularni takrorlama demoqchi boʻlgan.

Chunki bir marta xato qilishda muammo yoʻq, muammo bitta xato qayta takrorlashdadir.

#shunchaki

Dangasalikni yengishning 3 ta sinalgan usuli

Dangasalik va harakatsizlik 21-asrda dolzarb muammolardan biriga aylandi. Rejalar ko'p, lekin g'ayrat, shijoat yo'qmi? Unda tinglang...

• Biror narsadan boshlang.
Ha, eng qiyini – boshlash. Ammo birinchi qadamni tashlashingiz bilanoq sizda yangi g'oyalar tug'ilib, energiya paydo bo'la boshlaydi. Shuning uchun kichik bo'lsa-da harakatni boshlang.

• O'zingizni doimo rag'batlantiring.
Ishni tugatgandan so'ng albatta o'zingizga ma'qul keluvchi rag'batni belgilang. Bu ham ish jarayonini osonlashtiradi, balki natijaning 2 barobar zavqli bo'lishiga yordam beradi.

• O'z oldingizga maqsad qo'ying.
Orzu, niyat, istak... Hozir esa gap boshqa joyda. Maqsad qo'ying, ha, aynan maqsad! Chunki maqsadda "Nima bo'lishidan qat'iy nazar men buni amalga oshiraman" degan ichki ishonch hamda qat'iyat bo'ladi. Mana shunday energiyada boshlangan har bir ishingiz juda osonlik va yengillik bilan amalga oshadi. Chunki bu fikr bilan miyani har qanday qiyinchilikdan ham o'ta olishiga dasturlashtirdik.

Miyamizning "erinchoqligi" haqida esa keyingi postlarda gaplashamiz...

#shunchaki

Muammoda imkoniyat!

Ba’zi insonlar hayotdagi har qanday narsada muammoni ko‘rishadi va bu insonlar hayotda ko‘pincha qashshoqlikda kun kechirishadi.

- Mana senga oppoq qog‘oz, hammasini boshidan boshlaysan!

- Eee, yana boshidan boshlash kerak, yana o‘xshamay qolsa-chi?

- Mana senga qora qog‘oz unda, boshidan boshlashingga hojat yo‘q.

- Qog‘ozning hamma joyi to‘lib qolgan, qayeriga yozaman, endi foydasi yo‘q.

Boy insonlar esa muammoda imkoniyat ko‘rishadi.

- Oppoq qog‘oz? Juda ajoyib-ku, hammasini boshidan boshlashim uchun zo‘r imkoniyat, oldin qilgan xatolarimni qaytib qilmayman. Qani boshladik!

- Qora qog‘oz? U ham zo‘r-ku, men qora rangning ustidan istagancha och ranglarni ishlata olaman, unda san’at asarini yarataman, uni millionlab insonlarga taqdim qilaman.

Toki miyangizda har qanday muammodan imkoniyat yaratishni shakllantirmas ekansiz,boy bo‘lish haqidagi orzular sizda orzuligicha qolaveradi.

#shunchaki

#Tushuncha

Paygʻambarimiz odob dinning yarmi degan…

Rumiy esa odob — aqlning tashqi libosi deydi.

Men esa yarimta din bilan yirtiq kiyimda yuribmiz deb oʻylab qoldim…


Namoz 5 mahal farz, ammo odob 24 soat farzdir…

⚠️ISHONARLI GAPIRISHNING 5 USULI

1. Nutqingizni sekinlashtiring!
Aytayotgan gapimizni qanchalik muhim deb hisoblasak, uni shunchalik tezroq yetkazishga harakat qilamiz. Nutqning sekinligi ishonchliroq chiqadi, shuningdek, so‘zlayotgan odamning o‘zi ham xotirjamroq bo‘ladi.

2. Urg‘u bering!
Nutqingizdagi ayrim so‘zlarga urg‘u bering. Bu bir xillikdan qutulishga va tinglovchilar e’tiborida bo‘lishga yordam beradi.

3. Harakatlaning!
Nutq jarayonida harakat qilish, nutqingizga mos ishoralar qilish nutqingizga yanada joziba va ishonch bag‘ishlaydi.

4. “a-a-a-a” deyish o‘rniga sukut saqlang!
Notiq tinmay “parazit so‘zlar”ni takrorlayverishi yoki “a-a-a” deyaverishi hech kimga yoqmaydi. “a-a-a” deyish o‘rniga shunchaki sukut saqlashga harakat qiling.

5. Sukutlarni o‘z foydangizga ishlating!
Odatda uzoq sukut saqlash noqulaylik keltirib chiqaradi. Ammo suhbat paytida ataylab sukut saqlash va suhbatdoshning e’tibori jamlanganidan so‘ng muhim hisoblangan gapni aytish mumkin.

Shuncha gunoh qilsak ham, lekin har kuni rizqimizni beryapti Robbim…
balki shudir haqiqiy muhabbat…

Ideallik bu -- HALOKAT!

Ha, siz sarlavhani adashmasdan o‘qidingiz: ideallik bu -- halokat. Nima uchun bunday deysizmi?

👶 Inson farzandi dunyoga kelar ekan umri davomida bu hayotning turli sinovlarida sinaladi. Yiqiladi, qoqiladi, alaloqibat, yana oyoqqa turadi va kurashda davom etadi.

🔖 O‘zi bizning hayotdagi xaritamiz shunday tuzilgan. Agarda biz xato qilmaganimizda edi, gunoh qilmaganimizda edi biz allaqachon ideal insonga aylangan bo‘lar edik va bizda yashashdan mantiq qolmas edi.

😊 Shunday ekan toki bu hayotda yashar ekansiz, hech qachon ideallikka intilmang. O‘qing, izlaning, o‘rganing va tatbiq qiling. Chunki IDEALLIK cho‘qqisi sizni zeriktirib qo‘yishi mumkin!




#shunchaki

Koreys volontyorimiz,abed olib beryabdi😁
M-mazzami

Oʻzbekiston mard oʻgʻlonlari
Bahodir pahlavonlari
Tinchligimiz posbonlari
Bayramingiz muborak boʻlsin ❤️😇

#kayfiyat

Yigitlar koʻzi bilan qizlar qulogʻi bilan sevadi deyishadi. Hozir yigitlarni koʻzida koʻz oynak, qizlarni qulogʻida naushnik oʻrtada bechora sevgi sarson...:)

Jamiyatga toʻgʻri odamlar kerak.

Chunki haromdan qoʻrqmaydigan, poraxoʻr, ikkiyuzlamachi insonlar atrofda toʻlib yotibdi. Toʻgʻri odamni yetishtirish uchun esa bolalikdan fundamentni yaxshilab quyish kerak. Bizda:

— Sal shustriy boʻl!
— E muncha boʻshsan, shuniyam eplolmading!
— Shuncha soʻmini olsang, bilib oʻtiribdimi, baribir koʻrmaydi-ku!
— Palonchining pistonchi bolasi hatto seniyam “uxlatib” ketadi. Shunchayam boʻlolmiysanmi?

Yoʻq, bu soʻzlar xato. Bu gaplar, bu qingʻir yoʻldan yurishga undashlar bu dunyo uchun foyda berar. Lekin oxirat hayoti degan narsa ham bor-ku. Mayli shu dunyoda toʻgʻri, halol boʻp boyib ketmasin bolangiz, lekin toʻgʻri boʻp yashasin, shuning oʻzi yetadi.

Haqiqiy rostgoʻy odam jaaa xorlanib qolmas, menimcha. Ham farzandingizning oʻzi toʻgʻri boʻlsa, shubhalanmaysiz — nimadir qilib qo'ymadimi, kimlargadir qo'shilib qolmadimi, deb o'ylamaysiz. Muhimi oʻzi toʻgʻri bo'lsa, atrofidagi odamlar ham to'g'ri bo'ladi.

Demoqchi boʻlganim halollarni tarbiyalang! Shunda ular biz yashagan jamiyatda yashashga majbur boʻlmaydi.

#shunchaki

Dadil boʻling, 102 yil yashamaymiz axir!

Hech oʻylab koʻrganmisiz, nima uchun koʻpchilik insonlarda oʻziga nisbatan ishonch yoʻq? Chunki ular oʻzlari qabul qilgan qarorlarni, va'dalarni oʻzlari buzishadi. Balki bu holatni oʻzingizda ham kuzatgandirsiz. Masalan:

— Yangi yildan boshlab sport bilan shugʻullanaman deysiz, qilmaysiz;
— Ertadan bomdodga turaman deysiz, turmaysiz;
— Shu oyning birinchisidan boshlab namoz oʻqib boshlayman deysiz, lekin boshlay olmaysiz.

Endi qarang, kimdir sizga vaʼda berib, bajarmasa, unga keyinchalik ishonasizmi? Oʻzingizga-chi? Siz ham aslida shu inson kabisiz.

Oʻzingizga jur'at topib, qaror qabul qilib, bir ishni bajarolmaysiz. Ishonchsizlik boshlanadi. Ana shu ishonchsizlik boshqa qarorni berishga ham toʻsqinlik qiladi.

Tushuning, biz 102 yil yashamaymiz yoki kimdir kelib joyingizdan qaror qabul qilmaydi/bajarmaydi.

Shunday ekan, VAQTIDA qatʼiy qaror qabul qilish va qaroringizga sodiq boʻlishni oʻrganing!

Tashqaridan juda kuchli bo'lib ko'ringan paytlarimda sekin asta ichimda nimalar qulayotganini faqat o'zim bilaman...

"Inson ko‘proq narsa qila oladi va ancha yaxshi ham ishlay oladi. U faqat bitta xatoga yo‘l qo‘yadi - u ham bo‘lsa uning ixtiyorida ko‘p vaqt bor deb o‘ylashidir.” ©️

Hali vaqt bor degan tushuncha bizni loqaytroq, dangasaroq qilib qoʻyadi.

Balki oʻlim haqida koʻproq eslab turish bizni motivatsiyasiz ham biror natija uchun kuchliroq harakat qilishimizni taminlaydi.

Chunki qabrga kiradigan yosh chegarasi belgilanmagan.

Shu uchun ham “Oʻlmasdan avval oʻling” deb bekorga aytilmaydi shekilli…

Teskari formula!

Inson doim aksini qilishga shoshadi. Yosh bo‘lganda katta bo‘lishni xohlaydi, katta bo‘lgach esa qaniydi yosh bo‘lib qolsam edi deydi.

Pul topish uchun sog‘lig‘idan kechadi, keyin shu pullarni sog‘lig‘ini tiklash uchun sarflaydi.

Odamlar kelajak haqida shu darajada koʻp o‘ylaydiki, natijada bugungi kun umuman esidan chiqaradi.

Xuddiki abadiy yashash uchun dunyoga kelganday yashaydi, lekin hech qachon yashamagandek vafot etadi.

Kecha oʻtib boʻlgan ertaga esa hali kelmagan. Eng muhim kun bugungi kundir. Shunday ekan formuladan to‘g‘ri foydalaning!

#Yozishmalar

Salom
Doʻstim ....
Oxirgi uchrashuvimizda Bizdagi insonlarning sodaligi haqida gaplashganimizda sen hayratdan yoqa ushlading va sakrab joyingdan turib ketding bu reaksiya menga qiziq va gʻalati boʻlib tuyulmasada bizdagi sodda insonlar uchun behad gʻalati boʻlib tuyuladi chunki ular oʻzlrini juda aqli hamma narsani bilaman deb oʻylaydi soddaligi hayollariga ham kelmaydi. Ularga oʻrgatilayotgan va maydalab tushuntirilayotgan narsalarni hech bir rad etishlarsiz toʻgʻri deb hisoblaydi. Ikki tomonlama oʻylab koʻrmaydi ularga toʻgʻri deb oʻrgatilayotgan narsa notoʻgʻriligi haqida hech oʻylab ham koʻrmaydi. Hayotlari relisda ketayotgan poyezddek tekis yurib boraversa boʻlgani . Esingdami avvalgi xatimda "Inson oʻzini Idrok etmasa boshaqalarning kamchiligini muhokama qiladi" degandim shu fikr qanchalik haqiqat ekanini endi yana ham yaxshi anglayabman... Umuman inson kamchilikni boshqadan emas oʻzidan qidirish kerak ekan!
Yozishguncha xayr...