Zayd Qamar

@zayd_qamar

Channel's geo and language: Uzbekistan, Uzbek

Category: Religion

ҳозир эса, ягона дардим – ошиқ бўлишдир…

Related channels

Channel's geo and language

Uzbekistan, Uzbek

Zayd Qamar

9 Feb, 21:34

your every glance feels like a silent poem.

349 0 8

ер бўлсанг, устидан гул униб чиқадиган тупроқ бўл, қақраб ётган саҳро эмас.

ёмғир бўлсанг, қурғоқчиликдан сўлганларга об-ҳаёт бўл, фалокат келтирувчи сел тошқини эмас.

ниҳол бўлсанг, атрофга гўзаллик туҳфа этадиган гул бўл, оёқларга санчиладиган тикан эмас.

қуёш бўлсанг, совқотган таналарни илитгувчи офтоб бўл, борлиқни куйдиргувчи жазирама эмас.

инсонлик-да насиб қисматдир. унутмаки, ким бўлиб туғилганимиз эмас, ким бўлиб яшаганимиз аслида кимлигимизни белгилайди.

368 1 5

Zayd Qamar

8 Feb, 16:11

қалб агар яшамаса,
кўз кўришни найласин.
қалб агар ҳис этмаса,
қулоқ эшитишни найласин.
қалб агар севмаса,
қўл тутишни найласин!

• Шамс Табризий

461 0 10

Zayd Qamar

7 Feb, 21:38

«ўзингга кел!» дейдилар.
аслида, қочишга уринаётганим ўзим-ку!..

616 1 15

Zayd Qamar

6 Feb, 21:03

ишқ уч нуқтадир. ҳар нуқта яширин бир оҳдир. севаман деб хайқира олмасликдир. томоғда тиқилган икки жуфт сўздир. тилинг лол, кўнглинг малол бўлган ондир. кўзлардан сузилмаган икки томчи кўзёшдир. ҳис этилган, аммо ёзилмаган туйғудир. калималарнинг кифоятсиз қолган вақтидир. уч нуқта тугамагандир, тугамайдигандир… ©

667 1 14

Zayd Qamar

6 Feb, 13:08

жаҳонни йўқликка сотмоқ эрур ишқ,
борингни ўзингдан отмоқ эрур ишқ.
қўлдаги шакарни узатиб ётга,
оғуни кўз юмиб ютмоқ урур ишқ.

бало ёмғирлари ёғса самодан,
бошни томчиларга тутмоқ эрур ишқ.
бу алам денгиздир,оловдан денгиз,
ўшал оловларга ботмоқ эрур ишқ.

• Ашрафўғли Румий

760 0 12

Zayd Qamar

5 Feb, 16:45

вулқонга ўхшайман. ташқаридан сокин қоядек кўринсам-да, ичимда ҳар лаҳза отилиб чиқиши мумкин бўлган олов бор...

736 0 11

Zayd Qamar

5 Feb, 10:09

ўзни англатмоққа уринмай ҳар чанд,
тилим калимага келмайди, бироқ
аҳволимни ашъор этолмасликдан,
шунчаки, жимгина қолган яхшироқ.

• Зайд Қамар

823 0 12

Zayd Qamar

4 Feb, 17:12

сен кўнглингдан ўтказган киши сени кўнглидан ўтказади. руҳлар тили ишончлидир.

• Шамс Табризий

984 0 30

Zayd Qamar

3 Feb, 21:02

жаннат истаб айлаганларни ибодат қилмағил
кавсар-у тўби-ю қаср-у ҳур-у ризвондин жудо.
барчадин айру Навоийға қилиб васлинг насиб,
қилмағил, ё Раб, ани мундин, муни андин жудо.

• Алишер Навоий

960 0 7

Zayd Qamar

3 Feb, 10:57

умрим етмас тавбага, ё Раб нетаман?
нафсим ўчоғида зардоб ютаман.
«чарчадингми, эй бандам, авф этдим сени.
соғиндим, кел» - десанг, ҳозир кетаман…

• Гулноз Шариф

1.1k 0 27

Zayd Qamar

2 Feb, 17:01

"депрессия" деганда кўз олдига қоронғу хонада сиқилиб ўтирган, ёки тушкунлик кўз ёшларида акс этган инсонни тасаввур қиладиганларга ҳавас қиламан.

чунки улар, аслида, эрта тонгдан одатдагидек ишга ёки ўқишга кетадиган, куни бўйи барчага табассум билан боқадиган, ўзида "ҳаммаси яхши"дек таассурот қолдирадиган, дардларини сездирмай, йиғлаш керак бўлган вазиятларда куладиган инсонлар ҳам депрессияда бўлишлари мумкинлигини билишмайди.

ҳақиқий азобни ўзлари ихтиёр этган вақтида тушкунликка тушиб, йиғлай оладиган, ожизлигини бемалол кўрсата оладиган инсонлар эмас, ичидан ўтказётганларига қарамасдан давом этиш учун ўзида куч топа олганлар ҳис қилади.

5k 4 74

Zayd Qamar

1 Feb, 00:54

ғам-андуҳ бир инсоннинг қалбига соя сола бошласа, ё Роббисини соғинган бўлади, ё Роббиси уни.

• Шамс Табризий

1.3k 0 23

Zayd Qamar

31 Jan, 06:05

бошин олиб, бир сориға кетса киши…

1.3k 0 7

Zayd Qamar

29 Jan, 13:52

мадинам…
ишқи қалбим ўртаган макон…
бугун сенга борар йўлларим ва йилларим ҳақида ўйлаб, қалбим яна маҳзун тортмоқда, кўзларимга ёш ораламоқда. бу соғинч ва маҳзунлик ёққан қалбга сенингла дийдордан ўзга даво таскин бўлолмас. бироқ яна ёзмоқдан ўзгаси қўлимдан келмас. боролмаяпман. баъридан воз кечиб, бу муборак сафарга отланолмаяпман. фақат ўйлаяпман, соғиняпман, дуо қиляпман. лекин сен кут. сен ҳам менинг каби ҳижрон оташини сўндиргувчи висол онларини кут. мен бораман. отланаман бир кун сен томон. ўз севгингни раҳмат ёмғири бирла изҳор этмоқ учун кут. дуоларим ижобатида учрашгунча…

1.5k 0 21

Zayd Qamar

28 Jan, 22:37

иффат шундай нарсаки, фақатгина яширсанг кўринади...

1.3k 0 16

Zayd Qamar

28 Jan, 10:50

финжондаги чойга икки ҳисса шакар солдим. чойни ширин қиладиган шакар эмас, сен эканингни билардим. зотан, келмас экансан, икки ҳисса эмас, ўн ҳисса шакар ҳам бир қултум чойимга маза бера олмайди. бироқ ҳудбинлик қилдим. энди эса, шу чой қаршисида унга ўйчан термулиб ўтирибман, келсанг-у, жамолингни чойнинг аксида кўрсам, дея. қўй, шакарни ҳам, мени ҳам ҳижолат қилма… кел…

1.3k 1 18

Zayd Qamar

27 Jan, 22:44

Аллоҳ учун гулханга туширилиш бордир, лекин гулханга отилмасдан Иброҳимдекмисан ёки йўқми шуни аниқлаб ол. чунки гулхан Иброҳимларни билади ва уларни ёқмайди.