Zafarbek Solijonov

Инстаграмда "ўзбек халқи уйғонди, қўзғалди", "халқ кўчага чиқди" ва шу каби видеолар жуда кўпайди. Бундай видеолар тўғридан-тўғри ёлғон маълумот тарқатиш, давлат тўнтарилишига ҳаракат сифатида баҳоланишини сўрайман. Чунки текст ва видеони кўрсангиз, бир-бирига тушмайди. Янги йил арафасидаги ёки шунга ўхшаш қандайдир тадбирда одамлар йиғилган фондан фойдаланилган. Аммо бу шахслар нега топилиб, жазоланмаяпти?

Яна давлатнинг масъул идоралари "хитойликлар ваҳимаси" мавзусида ҳам етарлича ишлагани йўқ. Вазият шу даражага бордики, жиноят кодекси моддалари билан айбланиб, Туркияда яшириниб юрган қидирувдаги шахслар ҳам бу ваҳимага ваҳима қўшяпти. Одамларни манипуляция қиляпти. Уларга қачон асосли муносабатлар берилади?

Охирги масала: инстаграмда жуда кўп видеоларда президент ва унинг оиласини отаси қолмай, онаси қолмай ҳақорат қилиб ташлашмоқда. Асосли танқидлар бундан мустасно. Керак бўлган вақти исталган инсонни топиб оладиган масъул идора вакиллари бу каби шахслар билан шуғулланяптими? Ёки шуғулланса ҳам нега натижаси, кимлар жавобгарликка тортилгани ҳақида умуман маълумот йўқ? Қизиқ ишлар бўляпти...

👉 @Zafarbek_Solijonov

Нодавлат ташкилотлар учун янги давр бошланяпти

Қонунчилик палатасида нодавлат ташкилотлар фаолиятини эркинлаштириш ва жамоатчилик назоратини кучайтиришга қаратилган янги қонун лойиҳаси муҳокама қилинмоқда. Бу нафақат бизда, балки халқаро амалиётда ҳам қўлланиладиган муҳим ислоҳотлардан бири.

Масалан, Буюк Британияда ҳукумат нодавлат ташкилотларга аралашмайди, балки улар учун қулай муҳит яратишга ёрдам беради. У ердаги Charity Commission ташкилоти нодавлат ташкилотлар ҳуқуқий ҳимояга эга бўлиши ва эркин фаолият юритиши учун кафолат беради.

Энди Ўзбекистонда ҳам шундай тизим жорий этилаяпти. Янги қонунга кўра:

- Давлат органлари нодавлат ташкилотлар ишига ноқонуний аралашса, масъул шахслар жазоланади.
- Нодавлат ташкилотлар учун ортиқча молиявий босим бўлмаслиги учун маъмурий жарималар камайтирилади.
- Жамоатчилик назорати кучайтирилади – давлат идоралари жамоатчилик ҳужжатларини 1 ой ичида кўриб чиқиши шарт.
- Фирибгарликка алоқадор шахслар жамоат фонди ташкил эта олмайди (хайрия масаласида ёзгандим – бу жуда муҳим таклиф).

Бу ислоҳотлар нодавлат ташкилотлар учун ҳақиқий эркинлик ва ҳуқуқий ҳимоя яратади.

Ўзбекистонда нодавлат ташкилотлар учун янги давр бошланмоқда – эркин, ҳимояланган ва самарали фаолият юритиш учун қулай муҳит яратилаяпти!

👉 @Zafarbek_Solijonov

Итдан тарқаган инстаграмга яна қайтдим, дўстлар😊🙏

Комментларда фаоллик кутаман.

👉 https://www.instagram.com/reel/DHGYnAhK8TF/?igsh=a2NwZnJ2OGdhbWN1

@Zafarbek_Solijonov

“MO’JIZA HONEYMOON” МЧЖ раҳбари реклама қонунларини такроран бузгани учун маъмурий жавобгарликка тортилди

Январ ойининг охирида Рақобат қўмитаси Фарғона вилояти ҳудудий бошқармаси “MO’JIZA HONEYMOON” МЧЖ ўз маҳсулотининг рекламаларида гўёки беморлар шифо топаётган ҳолатларни кўрсатиб, даволаш хоссаларига эга деган таассурот уйғотишга ҳаракат қилгани учун жаримага тортилганди.

Чунки унинг маҳсулоти дори воситаси ҳисобланмайди ва уни қўллаш натижасида одамлар тузалаётганини кўрсатиш реклама қонунчилигига зид ҳисобланади.

Бундан ташқари, тадбиркор пиар учун доимий равишда турли хил домлалар, муллалардан фойдаланиб келган. Бу эса оддий инсонларни илмий текширилган дори воситалари ўрнига аслида даволаш хусусияти бўлмаган нарсаларга пул сарфлаши, замонавий тиббиётдан воз кечишига олиб келади.

Шундан кейин, МЧЖ раҳбарига ҳолатни бартараф этиш ва келгусида йўл қўймаслик юзасидан кўрсатма берилган, лекин рекламалар яна аввалги кўринишида чиқарилиши давом этган.

Бошқарма махсус комиссияси “MO’JIZA HONEYMOON” МЧЖ раҳбарига нисбатан маъмурий чора қўллашни сўраб, судга мурожаат қилган. Суднинг ҳал қилув қарори билан маъмурий жавобгарлик тайинланган.

Агарда МЧЖ раҳбари шундан кейин ҳам ўз ҳаракатларини давом эттириб, рекламада одамларни алдайдиган бўлса, у жиноий жавобгарликка тортилади.

👉 @Zafarbek_Solijonov

Коррупцияга қарши курашиш тизими халқаро стандартлар асосида такомиллаштирилади
 
Давлат раҳбарининг ташаббуси билан эндиликда йирик инвестиция лойиҳалари юқори даражадаги халқаро коррупцияга қарши курашиш стандартлари асосида баҳолаб борилади.

Бунинг учун:
- йирик инвестиция лойиҳаларини амалга оширишда халқаро коррупцияга қарши курашиш стандартлари жорий қилинади;

- коррупцион хатарларни олдини олиш мақсадида, йирик инвестиция лойиҳалари аукциони шартлари рақобатбардошлик экспертизасидан ўтказиш асосида йўлга қўйилади;  

- “Шаффоф қурилиш” платформасининг қамрови оширилиб, халқаро ташкилотлар лойиҳаларига ҳам босқичма-босқич жорий қилиш амалиёти амалга оширилади.
 
Юқоридагиларнинг барчаси, мамлакат коррупцияга қарши курашиш тизимининг яхшиланишига ёрдам беради.

Бундан ташқари, буни ортидан "Transparency International” халқаро ташкилоти томонидан эълон қилинадиган Коррупцияни қабул қилиш индексида Ўзбекистон ўрни кўтарилиши мумкин.

Албатта бу яширин иқтисодиётга барҳам берилишига ҳам яҳши таъсир қилади.
 
 👉 @Zafarbek_Solijonov

8 мартда янги фирибгарлик

Россияда фирибгарликнинг янги тури тарқаяпти. Бизгаям етиб келса керак. Ёки Рамазон ойидаям шу ном билан алдашга уринишлари мумкин.

"8 март байрами билан сизга бепул совғамиз ёки гул бор, сизга етказишимиз керак. Рақамингизга код боради, шуни айта оласизми, тасдиқлаш учун" деб алдайди. Рақамни айтсангиз тамом, пулингизни ечиб олади. Код берманг. Огоҳлантиришимизни яқинларга юбориб қўйинг.

👉 @Zafarbek_Solijonov

Бир нарса эшитиб қолдим. Ёлғонми ростми аниқ айтолмайман. Лекин жуда қизиқ.

Бир инсон бир ташкилотга ишга кирмоқчи бўлган. Ўша ташкилотдаги бир бўлим бошлиғи чиқиб, ундан ишга жойлашишга пора сўраган. Ишга жойлашмоқчи бўлган шахс органга мурожаат қилган. Тадбир бўлган. Ҳалиги пул сўраган инсон қамалган, ишдан кетган. Жойи бўшаган. Бош мутахассис бўлган бир инсон унинг ўрнига ўтирган. Унинг жойига бошқа бир мутахассис жойлашган. Мутахассиснинг ўрни бўшагач, вакант жойга ҳалиги органга хабар берган ёш инсон жойлашган.

Гўзалликми бу?)

👉 @Zafarbek_Solijonov

Охирги вақтлардаги бир қатор лавозим ўзгаришларига қараган бўлсангиз, ПА тинчгина, интригалардан ҳоли, захира кадрлар ишлайдиган жойга айлантириляпти. Қисқароқ айтсам, иккинчи ижро ҳокимиятидек ваколатларни бажармайдиган аввалги кўринишига қайтаётгандек. Улар шуни хоҳлашяпти, назаримда.

Президент атрофидан интригасевар, "конфликтный", зиддияти одамлар буткул узоқлаштириляпти. "Деньги любят тишину". Ҳаммаси оҳиста, тинчгина бўлишини исташяпти. У жойлардаги, қуйи лавозимларни билмадимку, лекин юқори жойларига жимгина топшириқларни бажарадиган, амалдаги ҳокимият, бошқарувга содиқлар қўйилишда давом этса керак. Кузатамиз.

👉 @Zafarbek_Solijonov