Zabarjad Mediа

#kitobdan 📖

Bola o‘zini o‘nglab olmoqchi bo‘ldi, biroq suyaklari singan bo‘lsa kerakki, qo‘llarini ham qimirlatolgani yo‘q. Faqat o‘lik ovozda ingray oldi xolos. Lablarining ikki qirg‘og‘ida qontalash chuqurchalar paydo bo‘la boshladi. Ko‘zlarini yumib, boshini orqaga tashladi. Qo‘rqoq qishloqilar hamon unga tikilib turishardi. Keyin esa ayollardan biri chaqqonlik bilan yoniga keldi-yu, bolaning boshmoqlarini yechib olishga tushdi. Bola esa uning bu harakatidan to‘lg‘anar, yig‘lar, qon tupurardi. Ko‘zlarini ochgan payt nigohi orqaga tislanib, unga xoch ko‘rsatayotgan dehqonlarga tushdi. Birdan vujudi taranglashdi-yu, qotib qoldi. Ikki kishi bolaning oyoqlaridan tutib, uni yuztuban yotqizishdi. Bola o‘lgandi. Darrov kamzulchasini olib, bisotidagi har balo-yu har qazoni talon qilishga tushishdi. Ko‘ylagi va shimigacha yechib olgach, uni temiryo‘l tarafga sudrab ketishdi. Nemis askarlari nima bo‘lgan taqdirda ham uni topib olishadi. Qishloqqa qayta turib, orqamga besh-olti marta qarab qo‘ydim. Bolaning jasadi oppoq toshlar ustida yotardi. Uzoqlashgan sari ko‘zimga faqat sochlarining qorasigina elas-elas ko‘rinardi. O‘lishdan avval nima haqida o‘ylaganiga qiziqqandim. Uni poyezddan otgan qarindoshlari, hech yo‘q shu sodda qishloqliklar unga yordam berishlari va krematoriyda yonishdan qutqarib qolishlari haqida aytib, tinchlantirgan bo‘lishda kerak.

Yeji Koshinskiy, «Rangin qushcha»

🔊Buyurtma uchun: @sotuv_zabarjad

🔸Zabarjad Media – eng yaxshisini ilinamiz!

#sotuvda

XX asr adabiyotidan turkum kitoblar 📚

📖 Zulfiya – Ko‘zlaringda bormi, yulduzing

Sahifalari soni: 144 bet
Muqova: yumshoq
Narxi: 15 000 so‘m

📖 Odil Yoqubov – Ota izidan

Sahifalari soni: 144 bet
Muqova: yumshoq
Narxi: 15 000 so‘m

📖 Shukur Xolmirzayev – Yur, tog‘larga ketamiz

Sahifalari soni: 144 bet
Muqova: yumshoq
Narxi: 15 000 so‘m

📖 Asqad Muxtor – Dunyo bolalari

Sahifalari soni: 144 bet
Muqova: yumshoq
Narxi: 15 000 so‘m

📖 Mirmuhsin – Onaizor

Sahifalari soni: 144 bet
Muqova: yumshoq
Narxi: 15 000 so‘m

📖 Vasiliy Yan – Spartak

Sahifalari soni: 112 bet
Muqova: yumshoq
Narxi: 15 000 so‘m

Umumiy narxi: 90 000 so‘m 81 000 so‘m

🟡Buyurtma uchun: @sotuv_zabarjad

🔸Zabarjad Media – eng yaxshisini ilinamiz!

🦋 Mavlono Jaloliddin Rumiy – Ichindagi ichindadur

Kitob mutolaasini boshlaganlar bormi?

Ilk taassurot va fikrlaringizni post izohiga yozib qoldirishingiz mumkin.

🔸Zabarjad Media – eng yaxshisini ilinamiz!

Zahiriddin Muhammad Bobur (1483 – 1530)

Zahiriddin Muhammad Bobur poeziyasi mumtoz she’riyatimizda o‘ziga xos o‘rin tutadi. Maqsud Shayxzoda ta’biri bilan aytganda: «Bobur poeziyasi lirikaning so‘nmas injularidan tuzilgan. Bu poeziyaga ajoyib samimiyat, badiiy soddalik, chinakam hissiyot sindirilgan». Ana shu kuch uning shoir va shaxs sifatida shakllanishida zamin hozirladi. Zero, u keng dunyoqarashi va benazir aql-zakovati bilan Hindistonda Boburiylar sulolasiga asos soladi. «Boburnoma» asari bilan dunyoning eng mashhur tarixnavis olimlari qatoridan ham joy oldi. Adabiyotimiz, turkiy tilning taraqqiyotida, qadr topishida betakror g‘azal va ruboiylari, ayniqsa «Mubayyin» («Bayon etilgan»), «Xatti Boburiy» va Aruz haqidagi risolalarining ahamiyati bebahodir.

Manzar Abdulxayr
filologiya fanlari doktori

🔸Zabarjad Media – eng yaxshisini ilinamiz!

#chegirma

Bayramni boshlashga tayyormisiz?!

14-fevral kitob sevarlar orasida orziqib kutiladigan kun. Kitob olish balki sovg‘a qilish ham o‘zgacha hissiyot bag‘ishlaydi 📚

13,14,15-fevral kunlari «Zabarjad Media» nashriyotida chop etilgan kitoblarni 14% lik chegirmada xarid qilishingiz mumkin.

*Mavlono Jaloliddin Rumiyning «Ichindagi ichindadur» kitobini 55 000 so‘mlik chegirma narxi 15-fevralgacha amal qiladi.

🔊Buyurtma uchun: @sotuv_zabarjad

🔸Zabarjad Media – eng yaxshisini ilinamiz!

#mem

Kunning qandayligi muhim emas, lekin biz kitob sovg‘a qilishni tanladik 🎁

Kimga yuborishni o‘zingiz bilasiz 😉

🔸Zabarjad Media – eng yaxshisini ilinamiz!

🦋 Mavlono Jaloliddin Rumiy – Ichindagi ichindadur

Ba'zi kishilar haqida soʻz yuritganda suhbatdoshimizga ikki ogʻiz tushuntirib oʻtishimizga toʻgʻri keladi. Birinchidan, suhbatdoshimiz u kishini tanimasligi mumkin. Ikkinchidan, u kishi haqida aytiladigan koʻp gab boʻlmagani bunga imkon beradi. Baʼzilar haqida esa hech qanday kirish soʻzi-yu tanishtiruvlarsiz gap boshlab ketilaveradi. Chunki, birinchidan, suhbatdoshimiz uni taniydi. Ikkinchidan, u haqda aytiladigan gap shu qadar koʻpki, birini aytsa boshqasi qolib ketayotganday tuyulaveradi, tanishtiruvning oʻzi aytmoqchi boʻlgan gapimizdan uzayib ketadi.

Jaloliddin Rumiy mana shunday zotlardan. Ismining oʻziyoq tanishtiruv vazifasini oʻtaydi. U haqda hatto ilm va mutolaadan uzoq kishi ham nimadir eshitgan, nimadir biladi. Hech yoʻq, iqtiboslarini qaydadir uchratgan. Hayoti davomida koʻp eshitgan purhikmat gaplarning ildizi Rumiy asarlariga borib taqalashini, balki bilar, balki bilmas. Rumiy ijodiy merosi nechogʻlik ogʻir tosh bosmasin, u haqda yozilgan kitoblar, ta'rif-u tavsiflar undan-da ziyoda. Shu tufayli muhtaram kitobxon ilmiga ishonch bildirgan holda tarjimayi holga toʻxtalmaymiz.

Inson baʼzan boʻshliqqa tushib qoladi. Hayotini zavq-u shavq tark etadi. Tanlagan yoʻli xatoligini anglab yetadi. Yangi yoʻllarga esa oshiqmay qoʻyadi. Ongini badbin oʻylar oʻrgimchak toʻriday qoplaydi, xuddi qalbini rutubat qoplagani kabi. Men Rumiy bilan mana shunday davrda tanishganman. Goʻyo zimiston tunda baland daraxtdan yiqilib, pajmurda tanim chirigan yaproqlarga qorishib yotganida quyoshning ilk nurlari yangligʻ hayot umidini olib kelgandi Rumiyning satrlari. Barcha illatlarim ildiziga bolta urib, umrim oʻrmonida poʻpanak bosib yotgan fazilatlarimga yashillik baxsh etgandi. Dastlab qalbimni, soʻngra odamlar bilan munosabatlarimni isloh qilgandi. Men endi oldingi odam emasdim. Zotan, Rumiyni oʻqigan kishi oʻzgarmasdan qolmaydi.

Peshonaga yozilgan ekanki, oradan shuncha yil oʻtib, nafaqat Rumiy haqida yozilgan, balki Rumiy qalamiga mansub kitobni ham tilimizga oʻgirish nasib qildi. "Fihi ma fih" arabcha ifoda boʻlib, bizda mazkur asar "Ichindagi ichindadur" nomi bilan mashhur. Umumiyroq qilib aytsa, "Neki mavjud boʻlsa – Undandir" degan maʼnoni beradi. Hajman eng kichiklaridan biri boʻlishiga qaramay, dunyoning eng koʻp tilga tarjima qilingan, eng mashhur asaridir bu. Ona tilimizga ham bundan burun oʻgirilgan. Oʻsha tarjima shuncha yil davomida xalqimiz maʼnaviyatini boyitishda ozmi-koʻpmi xizmat qildi. Mukammallik faqat Yaratganga xos. Mazkur tarjimada oldingi tarjimada yoʻl qoʻyilgan bir qator kamchiliklar toʻgʻrilandi, tashlab ketilgan joylar qoʻshildi, oʻquvchiga yordamchi boʻladigan izohlar kiritildi. Bizdan oʻtgan kamchiliklarni keyingi avlod toʻgʻrilaydi degan umiddamiz. Shu yoʻsinda mukammallikka da'vo qilolmasak-da, unga yaqin mehnat mahsuli kitobxonlarga taqdim etildi.

Ilhom Salimov
tarjimon

🔸Zabarjad Media – eng yaxshisini ilinamiz!

🦋 Mavlono Jaloliddin Rumiy – Ichindagi ichindadur

Tarjimon: Ilhom Salimov
Sahifalari soni: 336 bet
Muqova: qattiq
Narxi: 60 000 so‘m

12-fevralgacha chegirma narxida: 55 000 soʻm

🔊Buyurtma uchun: @sotuv_zabarjad

Alisher Navoiy (1441 – 1501)

Amir Nizomiddin Alisher Navoiy – faqat o‘zbek xalqining emas, balki butun turkiy millatlar va elatlarning buyuk shoiri, mutafakkiri sifatida jahon badiiy tafakkuri tarixida yuksak maqomga ega ijodkor sanaladi.

Alisher Navoiy yashab ijod qilgan XV asr – o‘zbek mumtoz adabiyoti tarixida oltin davr sifatida e’tirof etiladi. Bundan oldingi yuz yillik o‘zbek xalqi davlatchiligi tarixida oltin asr bo‘lgan va bunda buyuk Sohibqiron Amir Temurning xizmatlari beqiyos edi. Amir Temur va Temuriylar davrida nainki, Movarounnahr, balki Xurosonda ham ilm-fan va san’at yuksak darajada rivojlandi. Badiiy ijod, xususan, she’riyatda benazir siymolar yetishib chiqdi.

Navoiy mumtoz she’riyatimizga xos deyarli barcha janrlarda ijod qilgan. Shoir o‘z asarlarida muhim va dolzarb umumbashariy g‘oyalarni badiiy jihatdan barkamol tarzda kuyladi. Bu asarlarda Navoiyning hayot mazmuni va inson taqdiri, pok axloq va samimiy muhabbat, chinakam do‘stlik va vatanparvarlik haqidagi yuksak insonparvarlik qarashlari o‘zining yorqin ifodasini topgan.

Manzar Abdulxayr
filologiya fanlari doktori

🔸Zabarjad Media – eng yaxshisini ilinamiz!

#taqriz

🦄"Go‘ro‘g‘lining tug‘ilishi"

Epos xalqning badiiy taqdirnomasidir.

- Shomirza Turdimov

"Go‘ro‘g‘lining tug‘ilishi" – Go‘ro‘g‘li dostonlari turkumining muhim qismi bo‘lib, unda ulug‘ alpning mo‘jizaviy dunyoga kelishi tasvirlanadi. Bu doston faqat syujet jihatidan emas, balki badiiy jihatdan ham o‘ziga xos bo‘lib, xalqona tasvir vositalari va epik mubolag‘alarga boy.

Doston nomidagi Go‘ro‘g‘li so‘zi ikki qismdan tarkib topgan: "go‘r" – ya’ni "qabr" va "o‘g‘li" – "o‘g‘il" ma’nolarini anglatadi. Bu nom qahramonning dunyoga kelish tarixi bilan bog‘liq bo‘lib, u xalq orasida sirli va mo‘jizaviy kelib chiqish afsonasi bilan mashhur. Bu nomning o‘ziyoq uning oddiy inson emas, balki taqdir tomonidan maxsus vazifaga tayinlangan shaxs ekanini anglatadi.

Shunday bo‘lishiga qaramasdan boshqa talqinlar ham mavjud. Masalan, go‘r so‘zi ko‘r so‘ziga yaqin. Go‘ro‘g‘lining otasi Ravshan ko‘r qilinadi, shu sababli ko‘r insonning o‘g‘li deyilgan bo‘lishi ham mumkin. Ustoz Shomirza Turdimov esa go‘r-ko‘r so‘zi yorug‘, oydin, nur, yog‘du ma'nolarini anglatib, Ravshan nomiga muqobillashgan degan fikrni ilgari suradilar.

Asarning eng diqqatga sazovor jihatlaridan biri uning tili va uslubidir. Dostonning har bir satri xalqning donishmandligi va poetik mahorati bilan sug‘orilgan. She’riy ifodalar, jonli tasvirlar va ohangdor jumlalar uni shunchaki epik asar emas, balki maftunkor adabiy yodgorlikka aylantiradi. Uning tili shunchalik shirali va jozibali ekanki, o‘quvchi o‘zini go‘yo qahramonlar bilan yonma-yon turgandek his qiladi.

"Go‘ro‘g‘lining tug‘ilishi" – faqat qahramonlik haqidagi doston emas, balki o‘zbek xalqining boy og‘zaki ijodi namunasi hamdir. Uning shirali va ohangdor tili asarni o‘qishni nafaqat zavqli qiladi, balki xalq ruhiyati va tafakkuriga chuqurroq kirib borish imkoniyatini ham beradi.

Men dostonni o‘qish jarayonida xalqimizni asrlar davomida shakllanib kelgan e'tiqodi, san'ati va madaniyatini ich-ichimdan his qildim. Aflotunning g‘oyalari singari borliqda aysh-u ishrat qilgan hukmdorlarning kayf-u safosi omi xalqqa shu dostonlar orqali soya solgan. Ulardagi ruhiy va jinsiy holatlar mutlaq alohida bir mavzu, bu to‘g‘risida turkumning boshqa kitoblari yakunlangach mufassal to‘xtalamiz)

Nurali Qahramon

Hattoki o‘zimizdan ham qizg‘anadigan sirlarimiz bor…

U qo‘limizda, 3 kun qoldi

🔸Zabarjad Media – eng yaxshisini ilinamiz!

«Quyoshim» haqida

Yuqoridagi suratning o‘ng burchagida ajoyib jumlalar yozilgan. Mehr namunasi bo‘lgan to‘plam nashriyotimiz rahbari Ma’mura Qutliyevaning quyoshlariga bag‘ishlanadi. To‘plam nomi aynan onaning farzandlariga aytadigan samimiy erkalashidan olingan. Quyoshim.

To‘plamga kiritilgan kitoblarni tanlashga alohida e’tibor berildi. Bolalarni kitobga oshno qiladigan, ularning beg‘ubor yillariga yana mazmun olib kiradigan asarlar o‘rin oldi.

Eslatib o‘tamiz, to‘plamdan o‘rin olgan ayrim kitoblar yangi tarjimada taqdim etiladi. Bu kitoblar orasida «Maugli», «Mumu», «Bilmasvoy bilan do‘stlarining boshdan kechirganlari» kabi siz sevgan asarlar ham bor.

Mazkur to‘plam ustida ishlayotganlar bilan tanishtiramiz:

Tarjimonlar:
1. Ilhom Salimov
2. Sardor Salimov
3. Sultonposhsha Sotiboldiyeva
4. Po‘lat Saydivaliyev
5. Dildora Rustamova
6. Shohrux Usmonov
(qolgan tarjimonlar ro‘yxatini keyingi postlarda tanishtiramiz)

Rassom va dizaynerlar:
1. Dilzoda Hamidjonova
2. Azizbek To‘ychiboyev
3. Nigora Umarqulova
4. Sevinch

Kitoblarni o‘quvchilarga taqdim etishda jonbozlik ko‘rasatadiganlarni ham eslatishimiz joiz:
1. Akmal Azzamqulov
2. Onajon Ro‘zimova
3. Ilhom Sharifov
4. Sayyora Meliqo‘ziyeva
5. Gulhayo Boltayeva

Mehrdan yaralgan «Quyoshim»

🔸Zabarjad Media – eng yaxshisini ilinamiz!

#yangilik

☀️ Quyoshim ☀️

bolalar va o‘smirlar adabiyotiga yangi qadam

Yil boshida "Quyoshim" turkumi ostida bolalar adabiyotidan sara 100 ta kitob nashr qilinishi haqida xabar bergandik. To‘plamning ilk kitoblarini e’tiboringizga havola etishdan xursandmiz.

Ko‘pchilik kutgan Ketrin Patersonning «Terabitiya ko‘prigi» kitobi to‘plamni boshlab beradi.
Keyingi bosqichda Pamela Treversning «Meri Poppins» asari chop etiladi.
Kitoblar fevral oyi davomida bolajonlarni xursand qilish uchun sotuvga chiqariladi 🤎

«Quyoshim» to‘plamidagi boshqa kitoblar va loyiha mazmuni haqida keyingi postlarimizda to‘liq ma’lumot berib o‘tamiz.

Doim aytadiganimiz sizga eng yaxshisini ilinamiz!

🔸Zabarjad Media