2025 yil 16-yanvar kuni Navoiy shahar Yuridik texnikumi faollar zalida Navoiy Inovatsiyalar universiteti, O‘zbekiston Yozuvchilar uyushmasi Navoiy viloyati bo‘limi, A.Qodiriy nomidagi Navoiy viloyat Axborot-kutubxona markazi hamkorlikda Navoiy viloyati hokimligi muassisligidagi “Do‘stlik bayrog‘i” va “Знамя дружбы” gazetalari tahririyati DUK Bosh muharriri, O‘zbekiston Yozuvchilar uyushmasi a’zosi, Xalq deputatlari Navoiy shahar Kengashi deputati, “O‘zbekiston belgisi” ko‘krak nishoni sohibi shoir Boboqand Mirzoning “Ko‘rgulik” kitobi taqdimoti bo‘lib o‘tdi. Tadbirni Navoiy Innovatsiyalar universiteti Yoshlar masalalari va ma’naviy-ma’rifiy ishlar bo‘yicha birinchi prorektori A. Ergashev ochib berdi. Taqdimotda Navoiy viloyat Teleradiokompaniya xodimlari D. Primova, N. Xolmirzayeva, vohamiz ijodkorlari M. Hamroyeva, G. Bobomurodova, O. G‘oziyeva, M. Karimova, Axborot-bibliografiya xizmati rahbari M. Almatova, Navoiy Innovatsiyalar universitetining O‘zbek tili va adabiyot fani o‘qituvchisi Ra’no Payzullayeva, talabalar va shoirning muxlislari so‘zga chiqib, Boboqand Mirzoning shaxsiyati, ibratli hayoti, so‘zga boy ijodi, bebaho kitoblari, viloyat adabiy-ma’naviy muhiti rivojidagi xizmatlari haqida fikr yuritdilar. Shoir ijodiga mansub eng go‘zal she’rlar talabalar va muxlislar tilida jarang sochdi. Kecha so‘ngida shoir so‘zga chiqib, yoshligi, oilasi va o‘z ijodiy faoliyati haqida to‘xtalib, onasining porloq xotirasiga atab yozgan she’rini aytib berdi va yangi nashrdan chiqgan “Ko‘rgulik” kitobini taqdim qildi. Tadbir ijodkor bilan qiziqarli savol-javoblarga boy bo‘ldi. Taqdimotda 240 dan ortiq kitobsevar yoshlar, ustozlar va adabiyot ixlosmandlari ishtirok etishdi.