Yoshlar ishlari agentligi

🇺🇿🇺🇳Bugun Oliy Majlis Senati Raisi Tanzila Narbayeva BMT Bosh kotibining Yoshlar masalalari bo‘yicha o‘rinbosari, BMT Yoshlar ofisi rahbari Felipe Paulliyer bilan uchrashuv o‘tkazdi.

Uchrashuv davomida;
– Yoshlar parlamentlari o‘rtasida xalqaro muloqotni kuchaytirish,
– Ekologiya, sun’iy intellekt va raqamli ta’lim yo‘nalishida qo‘shma loyihalarni amalga oshirish,
– 2026-yilda Samarqandda o‘tkazilishi rejalashtirilgan Yoshlar forumi bo‘yicha hamkorlik qilish kabi takliflar ilgari surildi.

Shuningdek, BMT “Yoshlar – 2030” strategiyasi doirasidagi ustuvor yo‘nalishlar, O‘zbekistonda yoshlarga oid siyosatning tub islohotlari, ularning huquq va manfaatlarini himoya qilish masalalari keng muhokama qilindi.

Do‘stona va amaliy ruhda kechgan muloqot yakunida O‘zbekiston va BMT o‘rtasida barcha sohalarda o‘zaro manfaatli munosabatlarni yana-da kengaytirishga kelishib olindi.

Bizning sahifalarimiz:
🕊Telegram 📱Instagram 📺YouTube 🌍Veb sayt

🌎Xabar berganimizdek, bugun poytaxtimizda Global yoshlar festivali o‘z ishini boshladi. Festival doirasida ishtirokchilar barqaror rivojlanish va ekologik vaziyatni yaxshilashga qaratilgan innovatsion yechimlarni taklif qilmoqda.

Festival doirasidan o‘rin olgan Raqamli “yashil” tashabbuslar haftaligining ochilish marosimida “Zamin” fondi Vasiylik kengashi raisi Ziroat Mirziyoyeva, BMT Bosh kotibi yordamchisi Felipe Paulliyer va Yoshlar ishlari agentligi direktori Alisher Sa’dullayev ishtirok etdilar. Ziroat Mirziyoyeva yosh ekofaollar bilan suhbatlashib, festivalning eng kichik ishtirokchilari bilan birgalikda “Yashil Makon” hamda “Bek va Lola” animatsion filmlarini tomosha qildi. Ushbu ko‘rgazmalar va multfilmlar hafta oxirigacha Yapon bog‘ida namoyish etiladi.

🌎Festivalning ochilish marosimidan so‘ng bo‘lib o‘tgan yalpi yig‘ilishda xorijlik bir qator ekspertlar global iqlim o‘zgarishi masalasiga bag‘ishlangan ma’ruzalari bilan chiqish qildilar. Ular tomonidan barqaror rivojlanishga qaratilgan yondashuvlar va innovatsion yechimlarni taqdim etildi.

Bizning sahifalarimiz:
🕊Telegram 📱Instagram 📺YouTube 🌍Veb sayt

⚡️Yozgi oromgohlarda yoshlar “Ibrat farzandlari”, “Qizlar akademiyasi”, “Mutolaa” loyihalari bilan qamrab olinadi. 100 ming o‘quvchi uchun maktablarda “kunduzgi oromgoh” faoliyati yo‘lga qo‘yiladi.

“Zakovat” intellektual o‘yinining maktab ligasi tashkil etiladi.

“Raqamli avlod” loyihasi doirasida kamida 50 ming yosh o‘qitilib, hududlarda IT va kibersport turnirlari o‘tkaziladi. Bunda “Raqamli avlod qizlari” loyihasi bo‘yicha tuman va viloyat tanlovlari o‘tkaziladi.

“Mening mahallam – mening faxrim” loyihasi doirasida ijtimoiy yordam ko‘rsatish bo‘yicha 100 ming yosh volontyorlikka jalb qilinadi.

150 dan ortiq sun’iy, shuningdek, barcha tabiiy suv havzalaridan samarali foydalanish, bunda yoshlarning xavfsizligini ta’minlash vazifasi qo‘yildi.

“Yoshlar turizmi oyligi” o‘tkazilib, 1 million yoshlar uchun muzey va tarixiy obidalarga ekskursiyalar tashkil qilinadi.

Bizning sahifalarimiz:
🕊Telegram 📱Instagram 📺YouTube 🌍Veb sayt

🇺🇿Davlatimiz rahbari yoshlarning bo‘sh vaqtini mazmunli tashkil qilish muhim ahamiyatga ega ekanini ta’kidladi

Barcha hokimlar va ta’lim sohasi rahbarlariga yozgi ta’til vaqtida barcha ta’lim muassasalarining sport maydonchalari va o‘quv xonalarida yoshlar uchun sport, fan va kasb to‘garaklari ochish topshirildi.

Masalan, o‘zlashtirish darajasi past maktablarga oqsayotgan fanlar bo‘yicha eng yaxshi mutaxassislar jalb qilinib, o‘quvchilar uchun haftasiga 6 soatlik o‘quv kurslari tashkil etiladi.

Shuningdek, yoshlarning bo‘sh vaqtini mazmunli o‘tkazish uchun 900 ga yaqin teatr, madaniyat markazlari va konsert zallari, hududlarda 1,5 ming sport maydonchalari, 200 ta oromgoh, 2 mingdan ortiq turizm obyektlari imkoniyatlaridan to‘liq foydalanish zarurligi bildirildi.

Mas’ullarga joylardagi amfiteatr va sayilgohlarda har kuni konsert va musiqa kechalari, madaniyat bog‘larida san’at ko‘rgazmalari, she’riyat kechalari, intellektual o‘yinlar tashkil qilish topshirildi.

Poytaxtimizdagi Yangi O‘zbekiston bog‘i va parklarida har kuni ochiq osmon ostida konsertlar o‘tkaziladi.

Bu ishlar sport sohasida ham amalga oshiriladi va 6 million yoshni qamrab olish rejalashtirilgan.

Bizning sahifalarimiz:
🕊Telegram 📱Instagram 📺YouTube 🌍Veb sayt

“Garvardchilar maktabi” ochiladi

🇺🇿Ayni vaqtda Prezident Shavkat Mirziyoyev raisligida maktab ta’limi yuzasidan videoselektor yig‘ilishi bo‘lib o‘tmoqda.

Davlatimiz rahbari “Prezident iqtidorli farzandlari” milliy dasturini boshlash va “Garvardchilar maktabi”ni ochish bo‘yicha katta farmon imzolaganini aytdi.

Bu muassasa Al-Beruniy nomidagi xalqaro maktab sifatida tashkil etiladi. Bu yil 8-sinf bitiruvchilaridan 60 nafari saralab olinib, xalqaro maktabda “Top-10” oliygohlariga maqsadli tayyorlanadi.

Milliy dastur asosida maslahatchilar maktablardan har yili eng salohiyatli 3 ming o‘quvchini tanlab olib, AQSHning Garvard, Yel, Kolumbiya, Kornel kabi oliygohlariga tayyorlaydi.

Endilikda “Barkamol avlod” maktablari, “Yoshlar” sport jamiyati va O‘quvchi yoshlar markazi yagona tizimga birlashtiriladi. Bu markazlar to‘liq ta’mirdan chiqarilib, zamonaviy va kreativ yo‘nalishlarda jihozlanadi. Ularda xorijiy tillar, sun’iy intellekt, dasturlash va animatsiya kabi yangi to‘garaklar ochiladi.

Shuningdek, Qoraqalpog‘iston, Xorazm, Samarqand, Buxoro va Toshkentdagi “Barkamol avlod” markazlarida kamida 100 o‘rinli “Bolalar sayyohlik bazasi” tashkil etiladi. Har yili 1 million o‘quvchini O‘zbekiston bo‘ylab sayohatga jalb qilish vazifasi qo‘yildi.

Bizning sahifalarimiz:
🕊Telegram 📱Instagram 📺YouTube 🌍Veb sayt