Shunda u bobosidan so'radi;
- Bobo Ulamo kim?
- Ulamomi? Ulamo Allohning xatokor bandasi bolam.
- Unda nega Said akamni, Maryamni va meni odamlarga bunchalik gapirmaysizu uni gapiraverasiz, biz ham uning bandalarimiz degandingizku bobo.
- Xa, biz ham uning bandalarimiz, faqat bizda Ulamodan ko'ra kattaroq nafs bor va bizning nafsimizni o'zimizdan boshqa hech kim muhokama qilmaydi, ko'pincha o'zimiz ham bunga loqaydmiz shuning uchun u kuchayib boraveradi o'rgangan yomon odatlarimiz borgan sari bizni o'z domiga tortadi va bu odatlar kundalik turmush tarzimizga aylanadi keyinchalik undan jirkanmaydigon bo'lamiz va hattoki bu kabi odatlardan rohat ola olmaganligimiz sababidan boshqa odatlarga qo'l uramiz, shunchaki hammasi bizga oson bo'ladi, Ulamoning kichik bir nafsini esa hamma yomon ko'radi, ko'zlarga o'zimizning minglagan gunohlarimiz emas ularning kichik nafslari ortidan kelgan ayblari ko'rinadi, ularni hech kim tinch qo'ymaydi, xattoki qo'lida imkoni borlar uylarigacha bostirib kirishdan tab tortmaydi, sen esa o'g'lim maktabda ikki olganing uchun dakki bersam darrov xuddiki ustingga o'n million odam yopirilib kelganday dod-voy solasan, baqirasan yana nega meni odamlarga gapirmaysiz deysan nimangni gapiray kechqurun to'shagingni xo'llab qo'yishingnimi yoki Maryamning sochiga saqich yopishtirib qo'yganingnimi.

Tanganing ikkinchi tomoni (roman)
©️Yastiriy

https://t.me/yastiriy