Yaasin.uz

Ilm diqqat talab qiladi.

Ilmimiz susayib ketyapti, chunki chalg'ituvchi narsalar ko'p atrofimizda.

Telefon ulardan biri.

@YaasinUz

#duo

Robbim, bizga nasib bo'lmas narsalarni orzu qildirma.

Nasibimiz bo'lsa oson qil, aksi bo'lsa chiroyli uzoqlashtir.

Sen bilguvchiroqsan, xayrlisini nasib et va xayrlisiga rozi bo'ladigan qalb bilan siyla.

@YaasinUz

Оила қуриш ҳақида ўйлар экансиз…

Шошманг. Турмош (оила қуриш) фақатгина уй-жой қуриш, мебел олиш ва тўй қилиш билан битмайди.
Ҳатто муҳаббат, меҳр ва ёқимли ҳис-туйғулар билан ҳам тўлиқ бўлмайди.

Турмуш бу — масъулият.
Эр бўлиш — таянч бўлиш, йўлбошчи бўлиш, сабрли ва оқил пешволик қилиш демакдир.

Аёл турмуш билан қалбида хотиржамлик истайди.
У сиздан фақат “эр” эмас, балки суянса бўладиган таянч бўлишингизни кутади.

Турмушда меҳр-муҳаббат ҳам бўлади, тушунмовчиликлар ҳам бўлади.
Шундай пайтлар учун сизда ақлий барқарорлик, кенгфеъллик, софдиллик хислатлари борми?

Бугунги қизлар энди аввалгидек эмас.
Тарбиялар аралаш-қуралаш, дунёқарашлар бир-бирига зид, сериаллар, ижтимоий тармоқлар орқали феминизм пропагандасига дуч келишган, романлар, асарлар эса “тенглик” деб аталмиш талашиб яшаш туйғусини сингдирган.
Ҳаёт уларга “ҳар кимга ишонма” деб, онгларидаги муқаддас оила ришдасига ҳам шубҳа солган.
Энди сиз шуларни ҳисобга олинг ва ҳеч қачон ҳукм чиқаришга шошилманг, ундан идеалликни талаб қилманг.

Уларга яхши муомала қилинг, қалбларини ўзингизга мойил қилиш билан етовга солинг.

Аёлдаги тез ўзгариб турувчи майл нуқсон эмас, балки, Аллоҳ томонидан берилган бир ҳикматдир.
Агар ундан сизга маъқул келмаган бирор гап чиқса,
ёки сиз кутмаган даражада “жасорат” кўрсангиз, сабр қилинг.
Эҳтимол, у ҳам сизнинг баъзи оғир гап-сўзларингизга,
ортиқча (ноўрин) рашкингнизга, сассиз муносабатларингизга сабр қилиб яшаётгандир.

Сиз унинг у-бу ёнга оғиб туришини кўтаришга буюрилгансан, у эса сизнинг тойилишларингизни кўтаришга буюрилган.
Сиз мулойимлик билан уни тарбия қилинг, у эса сизни етуклик даражасига етишишингизгача тоқат қилсин.

Турмуш — кураш майдони эмас, балки, бир умр сафаридирки, Аллоҳ таоло бу сафар давомида сизни у билан, уни эса сиз билан тузатади.

Шундай экан сиз чин эркак бўлинг.
Эркаклик қаттиққўллик ёки ҳукмронлик эмас. Эркаклик — сабр, ақл ва адолат билан йўлбошчилик қилиш демакдир.

Сиз эса (муҳтарама аёл!) ҳақиқий аёл бўлинг. Эр билан тенглашаман деб уни заифлаштирманг.
Унга тоқати етмайдиган юкни юкламанг.

Агар кимдир: “Буларга мен қандай қилиб тоқат қиламан?” деса, жавоб шундай: Сиз ёлғиз эмассиз.
Аввало Аллоҳ таоло сиз билан.
Сўнгра сизни қўллаб-қувватлайдиган аёлингиз бор.

Сиз “сенга суянсам” дейсизу, аммо ўзингиз ҳам унинг суянчи бўлишга тайёр бўлинг.

Йўлни бирга бошланг, бирга қуринг.
Аллоҳ ниятларни поклайди,
ва Унинг розилигини истаган қалбларни гўзал натижалар билан юпатади.

Муҳаммад Азҳарий

Bir ayol dugonasiga telefonda noliyapti:
"Juda charchadim, ortiq chidolmayman, kamsityapti, bosim qilyapti, jonimga tegdi hammasi".

Dugonasi aytmoqda: "Shartta voz kech, chidama, majburmassan. Seni qadringga yetsin, shunda biladi. Er deb o'lib ketasanmi".

Shunda noligan ayol:
"Erim emas, ishxonadagi boshlig'imizni aytyapman".

Maslahat bergan dugonasining ovozi birdan o'zgarib: "Shundaymi, unda shoshma, sabr qil, yaxshi bo'lib ketadi, kuchli bo'l. Hammada boshida shunday bo'ladi ".


@YaasinUz

Har kimsa o'zicha bo'ldi menga yor,
Ammo izlamadi ichimdan asror.

Mavlono

Insonning hayoti yaxshi bo'lishi, maqsaddagidek yashab o'tishi yonidagi umr yo'ldoshiga o'ta darajada bog'liq hisoblanadi.

Atrofingizga qarang, turmush o'rtoq tanlashda adashganlar ne hasratlar ila umr o'tqazyapti, ichlari to'la dard, so'lib qolishgan.

Endi tushunadigan yori, sevgan insoni yonida bo'lganlarga qarang. Yoningizda istaganingiz bor ekan, qolgan barcha muammolarni hal qilsa bo'ladi. Yoningizdagi muammo ekan, boshqa qolgan muammolar bilan sizni zulmat ichida qoldiradi.

Tanlovda adashmang, duo qiling. O'zingiz ham yaxshi yor bo'lishga harakat qiling.

@YaasinUz

Кўпчилик ишонган, меҳр қўйган, бирор нимани умид қилган кишисидан жафо кўрса, маҳзун бўлади, тушкунликка тушади, изтироб чекади. Шундай ҳолатга дуч келган одам ўша кишига қарата: “Сен ҳам, сенинг қалбинг ҳам Аллоҳнинг мулкидир, Сен ва сенинг кўнглинг Роббимнинг қўлидадир”, десин. Билсинки Аллоҳ унга улуғ имкониятни берибди. У ҳам бўлса “истиғно” дир. Катталаримизнинг дуоси бор: Ўзингдан ўзгага муҳтож қилмагин”, деган.

Odinakhon Muhammad Yusuf

Pastkash insonlar haqida ikki og'iz.

Pastkash insonlar har doim o'z manfaatini o'ylaydi. Imkoni boricha sizdan foydalanishni, nimadirga ega bo'lib olishni hadaf qiladi.

Bunday insonlarni birdaniga ilg'ab olish oson bo'lmasligi mumkin. Lekin ular haqidagi bu haqiqat yuzaga chiqqanda, ulardan uzoqlashish va qutilish kerak.

Razillar bilan yaqin bo'lmang.

@YaasinUz

Qancha toshga qoqilganingni, o‘sha toshni yo‘lingga kimlar qo‘yganini, necha marta yiqilib, tizzalaring yaralangan holda yana turishga uringaningni Alloh biladi. Olingan jarohatlaringni, kim senga malham bo'lib yupatganini, kim senga eng ko‘p ozor berganini Alloh biladi.

Tunlarni bedor o‘tkazib, tongga qanday yetib kelganingni, yuzing kulib turgan bo‘lsa-da, ichingda qanday og‘riqlar yashiringanini Alloh biladi. Bo‘ladiganday tuyulib, oxir-oqibat amalga oshmagan orzularingdan charchaganingni, umid bilan yo‘lga chiqib, yo‘lda qolganingni Alloh biladi.

Xavotir olma, aziz do‘stim. Alloh barchasini biladi. Shu sen uchun taskin bo‘lsin.

@YaasinUz