Xorazmliklar | Расмий канал

Эртага Хоразмнинг кўплаб ҳудудларида свет бўлмайди.

▪️Гурлан туманининг: Бирлашган, Шанги, Беш уй (соат 10:00 дан 14:00 гача) Сахтиён, Обод, Ватанпарвар, Чаккалар (соат 10:00 дан 16:00 гача) Уйилма маҳаллаларида(соат 10:00 дан 18:00 гача);
▪️Ҳазорасп туманининг: Бешта, Тўртта, Янги ҳаёт,Буюк сиймо, Истиқлол, Бўстон, Қовунчи, Боғдор,Мустақиллик, Наврўз маҳаллаларида (соат 11:00 дан 13:00 гача);
▪️Хонқа туманининг: Қоромози, Обод маҳаллаларида (соат 10:00 дан 17:00 гача);
▪️Янгиариқ туманининг: Янгиер, Ширшоли, Пурсанг, Қўриқтом маҳаллаларида (соат 10:00 дан 18:00 гача);
▪️Хива туманининг: Гандимиён, Поласултон, Париша, Қоттибош, Шўр кўл, Қаттибош, Соёт маҳаллаларида(соат 11:00 дан 13:00 гача);
▪️Янгибозор туманининг: Минг Боғолон, Боғолон, Қиёт маҳаллаларида (соат 10:00 дан 18:00 гача);
▪️Урганч шаҳрининг: Бинокор маҳалласида (соат 10:00 дан 12:00 гача);

Жорий йилнинг 20-январь куни профилактика ишлари сабабли электр энергияси таъминотида вақтинчалик узилишлар бўлиши мумкин.

@XORAZMLIKLAR — Хоразмдаги энг тезкор ва ишончли хабарлар манбааси.

Instagram | YouTube | Twitter | Web-sayt

Бугун 19-январ Халқаро эрлар куни

Ушбу байрамда аёллар эрларига совғалар беришади, мақтовлар айтишади, мазали таомлар тайёрлашади ва уларни ҳар томонлама хурсанд қилишади.

Шунингдек, бугун сиз яқинларингизга уларнинг қўллаб-қувватлаши ва меҳр-муҳаббати, шунингдек, меҳнати ва бахтли оилавий ҳаётга қўшган ҳиссаси учун яна бир бор миннатдорчилик билдиришингиз мумкин.

@XORAZMLIKLAR — Хоразмдаги энг тезкор ва ишончли хабарлар манбааси.

Instagram | YouTube | Twitter | Web-sayt

Урганч шаҳридан Қорақалпоғистоннинг Қўнғирот туманига янги поезд қатнови йўлга қўйилмоқда.

Жўқорғи Кенгес хабарига кўра, қатновлар Амударё устидан ўтувчи янги кўприкда амалга оширилади. Жараён 20 январдан бошланиши режалаштирилган. Поезд қатнови ҳар куни Урганчдан соат 6:00 да, Қўнғиротдан соат 13:24 да ҳаракатланади, дейилади кенгес ахборотида.

Эслатиб ўтамиз, 2024 йил 29 февраль куни Шавкат Мирзиёев Қорақалпоғистоннинг Амударё туманига бориб, 423 метрли янги кўприкни очиб берганди. Кўприк икки тарафга қараб 24 жуфт поездни ўтказиш имкониятига эга, бу орқали темирйўл масофаси 180 километрга, юк ташиш тезлиги эса 6 соатгача қисқаради. Бу эса маҳаллий юкларни ташиш ҳажмини йилига 2 баробарга ошириш, ташиш таннархини 2 баробарга камайтириш имконини беради. Ушбу темирйўл орқали Қозоғистон ва Россияга ҳам янги йўналишлар очилади.

@XORAZMLIKLAR — Хоразмдаги энг тезкор ва ишончли хабарлар манбааси.

Instagram | YouTube | Twitter | Web-sayt

Урганчдаги боғча ва мактаб ўқувчилари вақтинча бошқа жойга кўчирилади.

Урганч шаҳар мактабгача ва мактаб таълими бўлими бошлиғининг 2025-йил 20-январдаги 20-сонли хатига асосан Инвестиция дастурига киритилган
▪️“Олмабоғ” маҳалла фуқаролари йиғини ҳудудида жойлашган 4-сон давлат мактабгача таълим ташкилоти тарбияланувчиларини қурилиш-таъмирлаш ишлари бошланиши муносабати билан “Бинокор” ва “Ж.Мангуберди” маҳалла фуқаролари йиғини ҳудудида жойлашган 5, 23-сон давлат мактабгача таълим ташкилотларига:
▪️“Авесто” маҳалла фуқаролари йиғини ҳудудида жойлашган 5-сон умумтаълим мактаби ўқувчиларини қурилиш-таъмирлаш ишлари бошланиши муносабати билан “Машъал” ва “Жингавуз” маҳалла фуқаролари йиғини ҳудудида жойлашган 9, 29, 4, 32-сон умумтаълим мактабларига ва 8-сон ихтисослаштирилган мактаб интернатига;
▪️“Гулзор” маҳалла фуқаролари йиғини ҳудудида жойлашган 12-сон умумтаълим мактаби ўқувчиларини “Гулзор” маҳалла фуқаролари йиғини ҳудудида жойлашган 2-сон умумтаълим мактабига:
▪️“Юқорибоғ” маҳалла фуқаролари йиғини ҳудудида жойлашган 17-сон умумтаълим мактаби ўқувчиларини “Олмабоғ”, “Ал-Хоразмий” ва “Бинокор” маҳалла фуқаролари йиғини ҳудудида жойлашган 7, 13, 26-сон умумтаълим мактабларига;
2025-йил 15 январдан қурилиш-таъмирлаш ишлари тугагунга қадар кўчирилади.

@XORAZMLIKLAR — Хоразмдаги энг тезкор ва ишончли хабарлар манбааси.

Instagram | YouTube | Twitter | Web-sayt

Хоразмда 2024 йилда МИБ томонидан 1трлн 874 млн сўм ундирилган.

Қайд этилишича, 2024 йил давомида вилоят бошқармаси ва ҳудудий бўлимлари томонидан 4 трлн. 388 млрд. сўмлик 221 мингта ёки 2023 йилнинг мос даврига нисбатан қарийб, 91 мингтага кўп ҳужжатлар ижроси таъминланди. Шу даврда, жами 1 трлн. 874 млн. сўмдан ортиқ маблағлар амалда ундирилиб, 2023 йилнинг мос даврига нисбатан умумий ундирув қарийб, 478 млрд. сўмга ошди. Шунингдек, “Темир”, “Ёшлар” ва “Аёллар” дафтарларига 47,2 млрд. сўм ёки 2023 йилнинг мос даврига нисбатан қарийб, 9 млрд. сўмга кўп маблағлар йўналтирилди.

@XORAZMLIKLAR — Хоразмдаги энг тезкор ва ишончли хабарлар манбааси.

Instagram | YouTube | Twitter | Web-sayt

🌙 2025 йилги Муборак Рамазон ойининг 1-куни 1 мартга тўғри келяпти. Ой кўринишига қараб 1 кунга фарқ қилиши мумкин.

🤲"Ўша кунларга етказсин!" деб яқинларга биринчилардан бўлиб жўнатинг

@XORAZMLIKLAR — Хоразмдаги энг тезкор ва ишончли хабарлар манбааси.

Instagram | YouTube | Twitter | Web-sayt

⚡️2025 йил баъзи йўналишлар учун тил сертификати талаб қилинади

2025/2026 ўқув йили қабулидан бошлаб фанлар мажмуасида чет тили биринчи фан сифатида белгиланган таълим йўналишларига қабул хорижий тилни билиш даражасини белгиловчи миллий ёки халқаро сертификат асосида амалга оширилади.

Бу 2024 йил 25 майдаги "Олий таълим ташкилотларига ўқишга қабул қилиш ва давлат буюртмасини жойлаштириш тизимини такомиллаштириш тўғрисида"ги президент фармонида келтириб ўтилган.

Бунда фанлар мажмуасида чет тили биринчи фан сифатида белгиланган таълим йўналишларига қабул қилишда ушбу фандан тест синови ўтказилмайди. Абитуриентлар белгиланган даражадаги сертификатни тақдим этишлари лозим.

Масалан, хорижий тил ва адабиёти, Филология ва тилларни ўқитиш, Таржима назарияси ва амалиёти йўналишларида биринчи блок учун миллий ёки халқаро сертификани талаб қилинади.

@XORAZMLIKLAR — Хоразмдаги энг тезкор ва ишончли хабарлар манбааси.

Instagram | YouTube | Twitter | Web-sayt

Ўзбекистондан чиқишга “запрет” бор-йўқлигини телефондан текшириш мумкин – йўриқнома

Хорижга чиқиш учун тақиқ борлигини 4 та йўл билан текшириш мумкин:

▪️ЯИДХП (my.gov.uz) дан;
▪️Мажбурий ижро бюроси сайтидан;
▪️МИБ иловасидан;
▪️МИБнинг махсус Telegram ботидан (@mibuzrasmiy_bot).

Telegram бот орқали текшириш энг осони:

1. Мессенжер орқали ботни ишга туширасиз;
2. “Ижро ҳужжатлари” тугмасига босасиз;
3. Паспорт серия ва рақамини киритасиз (масалан: AA1234567);
4. Туғилган кунингизни киритасиз (масалан: 20.02.2002);
5. Бот сизга номингизда ижро ҳужжати бор-йўқлигини кўрсатади.

Йўқ бўлса, табриклаймиз. Сизда мамлакатни тарк этишга тақиқ йўқ👌

Постни яқинларга улашинг, бизга обуна бўлинг!

@XORAZMLIKLAR — Хоразмдаги энг тезкор ва ишончли хабарлар манбааси.

Instagram | YouTube | Twitter | Web-sayt

Урганч давлат университетига Абу Райҳон Беруний номи берилди

Барчангизга Урганч давлат университетига буюк аллома ва қомусий олим Абу Райҳон Беруний номи берилганини мамнуният билан маълум қиламиз. Ушбу муҳим қадам университетнинг илм-фан ривожига қўшаётган ҳиссаси, талаба ва профессор-ўқитувчилар жамоасининг ютуқлари ҳамда мамлакатимизда Беруний меросини кенг тарғиб қилишга қаратилган чора-тадбирларнинг мантиқий давоми сифатида қабул қилинди.

Абу Райҳон Беруний – жаҳон илм-фанининг етук намоёндаларидан бири бўлиб, у математика, астрономия, география, тарих ва бошқа кўплаб фанлар ривожига улкан ҳисса қўшган. Унинг илмий асарлари нафақат Марказий Осиё, балки дунё миқёсида юқори қадрланади. Университетга унинг номи берилиши ёш авлодни илм-фан ва инновацияга бўлган қизиқишини янада оширишга хизмат қилади.

Хоразм воҳасидаги ўзининг узоқ шонли тарихига эга бўлган кўҳна ва нуфузли олий таълим муассасасига Абу Райҳон Беруний номининг берилиши нафақат университет обрўсини оширади, балки талабаларга, ёш олимларга улуғ алломанинг илмий меросини чуқур ўрганиш ва кенг тарғиб қилишда катта масъулият юклайди. Қолаверса, олийгоҳнинг халқаро майдондаги ўрнини янада мустаҳкамлашга хизмат қилади. Беруний номи остида университет дунёнинг етакчи илмий марказлари билан ҳамкорликни янада ривожлантириши, талаба ва ўқитувчилар алмашинуви дастурларини кенгайтириши кутилмоқда.

Урганч давлат университетига Абу Райҳон Беруний номининг берилиши ёшларга илмий изланишларда янги марраларни забт этишларига руҳлантирувчи омил бўлиб хизмат қилишига ишонамиз!

Мамнуният билан,
Абу Райҳон Беруний номидаги Урганч давлат университети маъмурияти

@XORAZMLIKLAR — Хоразмдаги энг тезкор ва ишончли хабарлар манбааси.

Instagram | YouTube | Twitter | Web-sayt