ХИЁНАТ ҚИЛМАСАНГ БЎЛДИ

Қўлларинг қўйвормай, ушласам маҳкам,
Ёнимда туриб сен, кетмасанг бўлди.
Аллоҳим бўлсада сабримга ҳакам,
Сен менга хиёнат қилмасанг бўлди.

Соғиниб, йўлларинг кутаман ахир,
Соғинчда бир куни ўлмасам бўлди.
Бу азоб билмайсан, нақадар оғир,
Сен менга хиёнат қилмасанг бўлди.

Қайсарлик қилсанг ҳам, қиламан тоқат,
Армонли азобдан бермасанг бўлди.
Ишонсанг розиман, кетмагин фақат
Сен менга хиёнат қилмасанг бўлди.

Кечирим сўрайман ҳаммаси учун,
Яхшиман, хавотир олма,— де бўлди.
Ғурурим синдирди муҳаббат бугун,
Сен менга хиёнат қилмасанг бўлди.

Кўнглимни гавҳари, юрмагин нари,
Энг бахтли инсон биз бўламиз ҳали,
Соғиниб кетяпман боргани сари,
Сен менга хиёнат қилмасанг бўлди.

✍ Солиҳабегим
Дилафруз Шаҳрихоний

💝𝐓𝐞𝐥𝐞𝐠𝐫𝐚𝐦 @Xayotim_kanal

Каналга обуна бўлиш учун ушбу линкни босинг 👇🏻👇🏻
https://t.me/+Y3WN8OMyoF81MzE6