Xalq — LIVE

Президентликка номзод Шавкат Мирзиёев "Талабалар шаҳарчаси"да, сайловчилар билан учрашувда таълимга оид бир қанча ваъдалар берди:

- Фарзандини хусусий боғча ва мактабларга берган ота-оналарга солиқ имтиёзлари берилади;
- ҳар бир талабага 5 гигабайтдан бепул интернет берилади;
- 25 минг ўринли кампуслар ташкил этилади;
- 20та олийгоҳ халқаро аккредитациядан ўтказилади;
- 10та янги олийгоҳ ташкил этилади;
- "Заковат" биноси қурилади, "Интеллектуал ўйинлар шаҳарчаси" барпо этилади;
- магистратурага Тошкент шаҳридаги хорижий ва нодавлат олийгоҳларга 200 грант, хотин-қизларга 500 грант ажратилади;
- Олимларнинг тадқиқотларига 100 млн доллар, 70 млн доллар илмий ишланмалар ва стартапларга ажратилади;
- Айти парк негизида илмий инновациялар маркази ташкил этилиб, унга ҳар йили 30 млрд сўм ажратилади.

Ёзиб қўйинглар.

@xalqlive

Кеча Алишер Навоий номидаги Ўзбекистон миллий кутубхонасига сёмка учун бордик.

Директор ўринбосари Насиба опа жуда яхши аёл экан. Ходимлари сёмка учун бир дунё бюрократик тўсиқлар туфайли суратга олишимиз мумкин эмаслигини айтишди, бироқ уларнинг ёрдами билан ишимиз осон битди. Кутубхонада исталганча суратга олдик.

Кадр ортида бир қизиқ гаплар бўлди. Ўзингиз учун билиб олинг-да:

- Ҳамма ҳудудда бўлганман, ҳокимларнинг кутубхонага муносабатини ҳам биламан. Энг ёмон аҳвол Тошкент шаҳрида. Яккасарой туман кутубхонаси ачинарли аҳволда;

- Миллий кутубхонада 40та вакант ўрин бор. Чунки ойлик жуда кам. Пастроқ лавозимдаги ходимлар 1,5 миллион сўм, ўртача ойлик 2-3 миллион олади, баъзан шунга ҳам етмайди.

- Ўзбекистонда 2006 йилдан бошлаб кутубхоналар кескин камайиб кетди. Чунки кутубхоналар АРМларга айлантирилиб, коллеж лицейлар таркибига қўшилди. Аҳоли ва кутубхона ўртасида катта бўшлиқ юзага келди. АРМларга аҳоли кира олмасди, турникетлардан коллеж ва лицейлар ўқувчи ва ходимлари кирган. Аҳоли кутубхонадан узиб қўйилди.

- 2019 йилда янги қарор чиқди. Ҳамма ҳудудда кутубхоналар ташкил қилиш белгиланди. Лекин жуда қийналдик. Ҳокимларнинг китоб ўқигани бор, ўқимагани бор. Кутубхоналар ташкил этиш ҳокимларга боғлаб қўйилди.

@xalqlive

Кўп қаватли уйларда (Тошкент шаҳрида) 15 октябрдан иситиш бошланаркан. Унгача захга яна 3 кун чидаш керак. Уйлар совуқ, жуда совуууқ...

Шаҳарда яшайдиганлар 1-2 кун чидар, қишлоқдаги одамларимиз, сизларга 5 ой сабр...

@xalqlive

Ўзбекистоннинг ҳарбий харажатлари очиқ эмас, чунки у давлат сири...

Айни шу мазмундаги мақолам эълон қилинмаган. Доим бюджетнинг ҳар бир сўми ҳисобли бўлиши, қаерда ёпиқ харажатлар бўлса, очилиши керак деб ҳисоблайман.

Статқўм Ўзбекистоннинг ҳарбий харажатлари давлат сирини ташкил этишини билдирган. Бироқ Жаҳон банки охирги марта 2018 йилда бу харажатлар 407 трлн сўмни (йилига) ташкил қилишини маълум қилган.

SIPRI (Stockholm International Peace Research Institute) жаҳон мамлакатлари ҳарбий харажатлари тўғрисидаги ҳисоботида Марказий Осиё давлатларидан фақат Ўзбекистон ва Туркманистоннинг маълумотлари йўқлигини кўриш мумкин, бошқа қўшниларники бор. 😅

Охирги марта Ўзбекистоннинг ҳарбий харажатлари (ЯИМнинг 1,4 фоизи) ҳақида маълумот 2003 йилда чиққан бўлса, Туркманистонга оид статистика (ЯИМнинг 15 фоизи) эса 1999 йилда маълум қилинган.

Менга шу савол қизиқ: ҳарбий харажатларимиз давлат сири бўлса, Жаҳон банки бу маълумотларни 2018 йилда қаердан олди? Айнан шу маълумотлар давлат сирини ташкил қилса, бу қачондан кучга кирган? SIPRI 2003 йилгача бу маълумотларни эълон қилган, ўшанда ҳам бу давлат сиримиди? Давлат сири тўғрисидаги қонун 1993 йилда қабул қилинган.

Хуллас, халқнинг пули ҳисобланган бюджетдан сарфланадиган бир тийин ҳам очиқланиши шарт. Бироқ бу фикрлар ҳарбий харажатлар кам ёки кўплигига кўра танқид қилиниши лозим деган маънода билдирилди деб қабул қилинмаслиги керак.

Ёпиқ маълумотлар доим шубҳали бўлган, гарчи шубҳали ҳеч нимаси бўлмаса ҳам...

@xalqlive

Ўғри камбағал бўлса, ўғрилик адолатданми?!

Айни ҳозирги пайтда бир нарса кўп ўйлантиради. Нега айрим ҳуқуқбузарликлар, коррупция, қоидабузарлик, ўғрилик ҳақида хабар берган одамларни "хоин", "казёл"га чиқариш, қоралаш урф бўлиб боряпти?

Йўл қоидасини буздими, хабар берган одам - сотқин! Коррупцияга қўл урдими , хабар берган одам - хоин, казёл! ҲА, НИМА десанг - ўзи бир камбағал, зўрға кун кечиряпти, битта хатосини тепадагиларга айтиш шартми, хоинлик қилиб, ўзиникини сотиб дейди... Яқинда чек бермаганлик учун хабар берган фуқаролар жарима миқдорининг 20 фоизи билан мукофотланиши борасида қарор чиқди. Ижтимоий тармоқларда "бир-бирини сотганлик учун мукофот беряпсизларми, эртага Ватанни сотганлик учун ҳам мукофот беришади" каби изоҳлар портлай деди... Афсуски, жамиятда ҳали бир-бирини тийиб туриш орқали тартибга солиш маданияти борасида етарли тушунча йўқ. Дейлик, миллиардлаб суммага тенг газ ўғирлаганлар ҳақида хабар берса, ОАВ ҳам ёмон бўлиб қолса керак, чунки бечора ўғри бечоралигидан ўғирлаяпти экан... Оғирланган ресурсларда ҳаққи бор бошқа одамлар-чи, уларнинг ҳаққи ҳақ эмасми? Қоидабузар "бечора" камбағал жарима тўлашга пули йўқ, лекин қоидабузар туфайли йўлда кимдир ўлиб кетса, унинг ҳаёти нечи пуллик? Солиқ тўлашдан қочган "бечора" камбағал туфайли, солиқ тўлаб тўғри ишлаб юрган бечора камбағаллар-чи. Уларнинг ҳаққи кимнинг бўйнида? Ҳали ҳам камбағал ўғирласа, ўғирлик эмас деган қарашлар бор. Бунга биринчи сабаб ҳукумат ва давлатга ишончсизлик жуда чуқурлиги деб биламан. Ҳукумат халқнинг ишончини оқласа, ҳукуматнинг "бир-бирини тийиб туриш" борасида чиқарган қарорларини халқ қўллаб-қувватлайди. Сиздан угина, биздан бугина дегандек, ҳукуматдан халққа ишонч бериш, одамларда эса "камбағал ўғирласа ҳам, бой ўғирласа ҳам бир хил ўғри" бўлишини тезроқ тушуниши керак.

Буларнинг барчаси албатта ИМҲО


@xalqlive

@xalqlive Телеграм канали аввалги эгаларидан сотиб олинди. Тез орада жуда юқори активликда канал фаолият юритишни бошлайди. Кескин танқидларга тайёр туринг, ҳурматли чиновниклар🤟🏿

⚡️Телеграмда @uzaqlbot интеллектуал лойиҳаси ишга тушди. Бунда билимлар ва мантиқни ишга солиб жавобини топувчи саволлардан иборат викториналар ўтказиб борилади. Ғолиблар қимматбаҳо совғалар билан мукофотланадилар. Лойиҳанинг илк сонида ноутбук берилиши ваъда қилинган.

👉🏻 @uzaqlbot

Бугундан лавҳача

Деярли ҳар куни қизиқ воқеалар гувоҳи бўламан. Бугун яна-да қизиқроғи рўй берди. Коррупцияга қарши кураш агентлиги директори Aкмал Бурхоновдан интервю олиш учун ижодий жамоа агентликка бордик. Ҳали камералар ёқилмаган, журналист ва агентлик раҳбари анча эркин суҳбатлашяпти. Aкмал Бурхонов шундай деди:

- Коррупция билан қамалган маҳкумларнинг олдига, колония, қамоқхоналарга амалдорларни битта-битталаб экскурсияга олиб борамиз. Пастдан бошлаб келамиз, тепагача. Токи муҳитни танасида ҳис қилсин, қанақа тақдир кутаётганини кўрсин.

Жуда қизиқ... Экскурсияга борган амалдорлар қаердан қочиб қолиш мумкинлиги ҳақида аниқ стратегия тузиб қайтмаса бўлди, сабоқ чиқариш ўз йўлига 😁

@xalqlive

Қоидабузарларга, яъни, кўчада ниқоб тақмай юрганларга ИИВ қатъи чоралар кўриши маълум қилинди.

Aйтишларича, бугун катта рейд ўтказилар экан. Ниқобсиз кўчада юрганлар жаримага тортилади. Соғлигингиз ва пулларингизни асранг, ниқоб тақиб чиқинг.

@xalqlive

Хайрли якшанба! Ҳамма соғ-саломатми?

Битта сирни очаман: сизлар ўқиётган кириллда ёзилган постлар аввал лотинда ёзилиб ботда криллга ўгирилади.

Сабаб: аудиториянинг катта қисми кириллда ўқишни хоҳлаган, сўровнома ўтказганман.

Нима ҳақида ўқишни хоҳлайсиз, биламан, @xalqlive'да нима чиқар экан деб кутиб ўтирмайсиз. Aммо исталган мавзуни сўраш ҳуқуқингиз бор.

@xalqlive

Ҳокиминглар ҳақида бу каналда қандай пост эълон қилинган бўлса, шахсан ўзимга мурожаат қилинглар. Aгар постларда бўҳтон, туҳмат, ҳақорат белгиларини пайқаган бўлсангиз, судга беринг, марҳамат. Лекин орқадан бу каналга алоқаси бўлмаган одамларга алоқага чиқиб "илтимослар" қилманглар. "Буйруқ эмас" деганингизнинг ҳам ҳидини сезиб турибмиз.

Ҳокимингларга бугун мақтанадиган бўлдинглар, ойлик ҳам ошиб қолса керак, яқинда.

Ҳурмат билан бу каналдан бир тийин ҳам молиявий манфаат кўрмаган админ!

Энди постни улашиб янги йўл хариталари тузинглар.

@xalqlive

Хориждаги меҳмонларни кутиб олиш (фон) учун нега менинг гул қизларим, гул кўтариб чиқиши керак

"Бизнинг вазир ўринбосаримиз ҳам катта хатога йўл қўйган. Энг ёмон кўрганим шу, хориждаги меҳмонларни кутиб олиш (фон) учун нега менинг гул қизларим, гул кўтариб чиқиши керак? У ерга ҳам ўзингизни фарзандингизни қўйиб кўринг. У бўйича алоҳида буйруқ қиламиз. Буни мажбурий меҳнатга тенглаштирамиз. Бу мажбурий меҳнатнинг бир кўриниши. Яъни у қизлар хоҳлаб бораётгани йўқ. Совуқда, дарсдан чиқиб, тўгаракка бориш керак бўлган вақт ёки дам олиш вақти адрас кўйлакни кийиб гул кўтариб бориш қайси қизга ёқади? Бўлмаган нарса у. Таржимон бўлса тушунаман, туризмда ўқиса тушунаман.

Стадионни тўлдириш учун ҳам талаба, фон учун талаба, фестивал бўлса талаба... Ҳамма жой ҳуқуқий қолипга тушиши шарт. Талаба ўқиш керак. Керак бўлса тўйиб ухлаши керак, талабанинг шахсий ҳаётига аралашишга ҳаққимиз йўқ."

© Олий ва ўрта махсус таълим вазири Aбдуқодир Тошқулов

Манба: talaba.uz

@xalqlive