Type to search
Advanced channel search

Defender

Бот для работы с группами модерация и менеджмент.
img
ad

TGStat Bot

Bot to get channel statistics without leaving Telegram
img
ad

SearcheeBot

Your guide in the world of telegram channels
img
ad

XALÍQ USHÍN ⚖️

@xaliq_ushin
Channel's geo and language: Uzbekistan, Russian
Category: Law

Соңғы нызамлар, қарарлар, ҳуқық тараўына байланыслы жаңалықлар
Хабарласыў: @Mr_Velikolepniy
Канал 2020-жыл 10-апрелде жумыс баслады.

Related channels  |  Similar channels
Channel's geo and language
Uzbekistan, Russian
Category
Law
Statistics
Is this your channel? Confirm Channel history
Posts filter

XALÍQ USHÍN ⚖️

20 Jun, 14:37

Open in Telegram Share Report
❓Баланы сырт елге алып шығыў тәртиби қандай?

🪪 Бала 18 жасқа толғанға шекем мәмлекеттен сыртқа алып шығыў ушын оған сырт елге шығыў биометрикалық паспортын алыў керек.

❗️Бала басқа мәмлекетке турақлы жасаў ушын шығып баратырғанда ата-анасының екеўиниң де разылығы талап етиледи. Бунда егер ата-ананың биреўи разылық бермесе ямаса баланы алып шығыўға қадаған қойылған болса, балаға паспортты берилмеўи ушын тийкар болады.

☑️ Баланы сырт елге алып шығыўға қойылған қадаған үстинен судқа шағым етиў мүмкин.

🛃 Сырт елге шығыўға биометрикалық паспортты алыў ушын төмендеги ҳүжжетлерди тийисли Ишки ислер уйымының Миграция ҳәм пуқаралықты рәсмийлестириў бөлимине (паспорт стол) тапсырыў керек:

· белгиленген формадағы арза-анкета;
· биометрикалық паспорт ямаса ID-карта яки 16 жасқа толмаған пуқаралар ушын туўылғанлығы ҳаққындағы гүўалық;
· алдын берилген шет елге шығыў паспорты (егер бар болса);
· ўәкилликли уйымның қарары (шет елге шығыў паспорты дәлил ретинде алып қойылғанда);
· мәмлекетлик бажы төленгенлиги ҳаққындағы квитанция;
· ата-ананың (қәўендер (қайырқомның) баланың сырт елге шығыўына нотариал тастыйықланған разылығы;
· бала менен бирге шет елге шығыўшы пуқараның нотариал тастыйықланған миннетлемеси.

💰 Биометрикалық паспорт ушын мәмлекетлик бажы муғдары базалық есаплаў муғдарының 1 есеси (340 мың сум), ал 16 жасқа толмағанлар ушын БЕМның 80% (272 мың сум) қурайды.

🔔 Постты жақынларыңызға тарқатың.

📨 Юристке сораў бериў

Каналға ағза болың
👉 @Xaliq_ushin
1.5k 0 9 43
XALÍQ USHÍN ⚖️

20 Jun, 14:13

Open in Telegram Share Report
#ANOMAL_ISSI_BASLANDÍ

🔥KONDICIONERLERGE AKCIYALAR:

📣 Kondicionerlerdi bazar bahasında 3,999,000 sumnan baslap 12 ayǵa bólip alıń

📣 Sitronic 24 konditsioneri + Xolodilnik Premier Sawǵaǵa 🎁

📣 Sitronic 12 kondicioneri + 32 Smart TV Sawǵaǵa 🎁

📣 Kondicioner + BIYPUL Ustanovka

❕Asıǵıń, ónimler sanı sheklengen!

Maǵlıwmat ushın:
📲71-230-77-99

📍Mánzil: Nókis qalası, Ernazar Alakóz kóshesi, 60-jay ("Mega Nukus")

📍Mánzil: Qońirat rayonı, Tólegen Aybergenov kóshesi, 1/А-jay ("Mega Park")

Telegram | Instagram | Youtube
1.9k 0 15 8
XALÍQ USHÍN ⚖️

20 Jun, 10:45

Open in Telegram Share Report
Magistr Sertifikat.pdf
15.9Mb
⚡️Магистратура ҳәм докторантура ушын талап етилетуғын сертификатлар дизими тастыйықланды

✅ Жоқары билимлендириў, пән ҳәм инновациялар министриниң 14.06.2024-жылдағы буйрығы менен тастыйықланған бул Дизимде қайсы бағдарға қандай дәрежедеги (В1, В2, С1) сертификат талап етилиўи бирме бир көрсетилген.

☝🏻Толық дизим бириктирилген файлда.

🔔 Постты жақынларыңызға тарқатың.

📨 Юристке сораў бериў

Каналға ағза болың
👉 @Xaliq_ushin
6.5k 2 74 41
XALÍQ USHÍN ⚖️

20 Jun, 06:55

Open in Telegram Share Report
⚡️Қарақалпақстанға инвестиция киргизген исбилерменлер ушын қосымша жеңилликлер бериледи

✅ Президенттиң Пәрманына муўапық:

👉 исбилерменлик субъектлериниң жойбарларына Исбилерменлик искерлигин қоллап-қуўатлаў мәмлекетлик фонды тәрепинен 5 млрд сумға шекемги кредит ушын кепиллик шәртнамасын бир тәреплеме бийкар етпеў шәрти менен кепиллик бериледи. Бунда кредит инвестиция жойбарларын қаржыландырыў ҳәм айланба қаржыларды қәлиплестириў ушын алынған болыўы керек.

👉 киши ҳәм жаслар санаат және исбилерменлик зоналарында инвестиция миннетлемелерин орынлаған исбилерменлерге жер участкасын, имарат ҳәм қурылысларды меншиклестириўге русхат бериледи;

👉 ғалабалық саўдаларда 3 ай даўамында сатылмаған мәмлекетлик объектлерди электрон таңлаў тийкарында ең жақсы усыныс берген талабанға инвестиция киргизиў миннетлемеси менен бериледи.

👉 саўда, улыўма аўқатланыў бағдарындағы ҳәм автомобиллерге жанылғы қуйыў және электр қуўатландырыў станцияларын шөлкемлестирген киши исбилерменлик субъектлерине қуяш панеллерин сатып алыў ҳәм орнатыў ушын ажыратылатуғын кредитлердиң бир бөлеги Исбилерменлик искерлигин қоллап-қуўатлаў мәмлекетлик фонды есабынан қаплап бериледи.

🔔 Постты исбилерменлерге жибериң.

📨 Юристке сораў бериў

Каналға ағза болың
👉 @XALIQ_USHIN
XALÍQ USHÍN ⚖️
⚡️Қарақалпақстан Республиксы Министрлер Кеңесине айрықша ўәкилликлер берилди 🔰Президенттиң 08.08.2023-жылдағы ПП–129-санлы Пәрманы менен Қарақалпақстан Республиксы Министрлер Кеңесине төмендеги айрықша ўәкилликлер берилди: ➡️ 2023-2024-жылларда Нөкис қаласында 1 млн АҚШ доллары, районларда 300 мың...
7.5k 0 6 32
XALÍQ USHÍN ⚖️

19 Jun, 20:55

Open in Telegram Share Report
⚡️ Notcoin сатқан Нөкисли жигитке 1,7 млн сум жәрийма салынып, телефоны алып қойылған

Жынаят ислери бойынша Нөкис қаласы суды тәрепинен Notcoin саудасы менен шуғылланған шахсқа хәкимшилик жаза қолланылды ҳәм пайдаланып жүрген мобил телефоны мәмлекет пайдасына конфискация етилди.

👉🏻 @xaliq_ushin
11.2k 0 194 99
XALÍQ USHÍN ⚖️

19 Jun, 17:47

Open in Telegram Share Report
МКҚ_313_санлы_@xaliq_ushin_–_Сизиң_ҳуқықларыңызды_түсиндириўши_канал.pdf
2.0Mb
⚡️Енди «Сақаўат ҳәм көмек» қорынан жәрдем тек ғана «Инсан» орайының усынысы тийкарында бериледи

💰Ҳүкиметтиң 31.05.2024-жылдағы 313-санлы қарарына тийкар, 2024-жыл 25-июнға шекем «Мәҳәлле» қайырқомлық қорының «Сақаўат ҳәм көмек» қоры район (қала) ҳәкимликлерине өткериледи.

✅ «Сақаўат ҳәм көмек» қоры қаржылары есабынан жәрдем көрсетиў мәселеси тек ғана «Инсан» социаллық хызметлер орайының хызметкери тәрепинен кейс-менеджмент тийкарында өткерилген үйрениўи жуўмағы бойынша дүзилген усынысы болған жағдайда қарап шығылады.

❗️Зәрүр жағдайларда «Сақаўат ҳәм көмек» қорынан мәкан пуқаралары жыйынлары ушын ажыратылған қаржылар есабынан 1 күн ишинде социаллық қорғаўға мүтәж шахсларға белгиленген тәртипте жәрдем көрсетилиўи тәмийинленеди.

📑 Сондай-ақ, усы қарар менен Социаллық «Сақаўат ҳәм көмек» қорынан пуқараларға жәрдем бериўдиң тәртиби тастыйықланған.

📎 Қарардың толық тексти бириктирилген файлда.

🔔 Постты жақынларыңызға тарқатың.

📨 Юристке сораў бериў

Каналға ағза болың
👉 @Xaliq_ushin
11.2k 2 70 41
XALÍQ USHÍN ⚖️

19 Jun, 14:38

Open in Telegram Share Report
❗️Нөкисте «участковой» жалғыз жасаўшы руўхый кесел адамды «псих больница»ға жатқарып, оның жайын өзиниң атына өткерген ҳәм банктеги аманат пулларына ажапасына Lacetti сатып алып берген

Қарақалпақстан Республикасы прокуратурасының берген мағлыўматына қарағанда, Нөкис қаласында профилактика инспекторы кексе жастағы пуқараның жақын туўысқанлары жоқлығы ҳәм еси жоқлығынан пайдаланып, оның мал-мүлкин қолға киргизиў мақсетинде оны жәмийетлик орынларда жүрис-турыс қағыйдаларын бузып жүрген деп 1-санлы руўхый-нерв кеселликлери емлеўханасына билдириў хатын жазып, мәжбүрий түрде оны емлеўханаға жайластырады.

Кейин ол пуқараның турақ жайын фальсификат ҳүжжетлер менен өзиниң атына өткерип алады. Оның пластигиндеги ҳәм банкке аманатқа қойылған пулларын да өзлестирип, өзиниң ажапасына Lacetti маркалы автомобиль сатып алып береди.

Бул жағдай бойынша Республика прокуратурасы тергеў ислерин алып барып исти судқа асырады. Судта «участковой»ға Жынаят кодексиниң 206, 228, 169, 243-статьялары бойынша айып қойлыған болса да, судья тийкарсыз бул статьялар санын қысқартырып, тек ғана 206-статья бойынша айыплы деп таўып, профилактика инспекторына 2 жыл арнаўлы ҳуқықтан айырыў (лаўазым ийелей алмайды – ред.) ҳәм 2 жыл еркинлигин шеклеў жазасы тайынлаған.

Ҳәзирги күнде Республика прокуратурасы тәрепинен суд ҳүкими үстинен апелляция тәртибинде протест келтирилген.

Каналға ағза болың
👉 @Xaliq_ushin
Қарақалпақстан Республикасы прокуратурасы
Р А С М И Й М У Н О С А Б А Т Телеграм ижтимоий тармоғининг “GENERALISSIMUS” канали орқали жиноят ишлари бўйича Нукус шаҳар суди судьяси тергов органи томонидан қўйилган айбловларни асоссиз олиб ташлаб, ҳукм чиқаргани бўйича пост эълон қилинган. Мазкур жиноят иши Қорақалпоғистон Республикаси про...
10.6k 1 97 175
XALÍQ USHÍN ⚖️

19 Jun, 13:42

Open in Telegram Share Report
⚡️2025-жыл сентябрден мектептиң жоқары ҳәм 1-категориялы оқытыўшыларының айлығы көбейиўи мүмкин

Бул усыныс Президент Ш.Мирзиёевқа мектеп билимлендириўи сапасы ҳәм педагоглардың маманлығын арттырыў бойынша презентация барысында берилди.

🔔 Постты жақынларыңызға тарқатың.

Каналға ағза болың
👉 @Xaliq_ushin
10.9k 3 68 55
XALÍQ USHÍN ⚖️

19 Jun, 12:50

Open in Telegram Share Report
❗️Студентке квартирасын ижараға берген пуқара дәрамат салығынан азат етиледи

✅ Салық кодексиниң 378-статьясына муўапық, салық төлеўшиниң турақ жайын студентлерге ижараға бериўден алған дәраматы (ижара пулы) салыққа тартылмайды.

☝️Яғный, пуқара өзиниң жайын (квартирасын) студентке бериўден түсетиуғын дәраматына (квартплата) салық салынбайды.

💡Мағлыўмат ушын. Алдын 2022-жылға шекем пуқаралардың квартираны ижараға бериўден алған дәраматынан 12% дәрамат салығы өндирилетуғын еди.

🔔 Постты жақынларыңызға тарқатың.

📨 Юристке сораў бериў

Каналға ағза болың
👉 @Xaliq_ushin
9.4k 0 37 18
XALÍQ USHÍN ⚖️

19 Jun, 09:11

Open in Telegram Share Report
✅ Турмыста дәрьядай жаса

Устаз бәрҳәма турмыстан налып жүретуғын, өзин бахытсыз есаплайтуғын шәкиртине кеседе суў узатты-да, оған бир қысым дуз араластырып, ишип көриўди буйырды.

Жигит устазы айтқанын иследи.

👨🏻‍🦳- Дəми қандай екен? - сорады устаз.

👱🏻‍♂️- Шорлығынан тилди ояман, дейди!

👨🏻‍🦳 Устаз шәкиртин дәрья бойына алып барды. Тағы бир қысым дуз узатар екен, деди:
- Енди буны дәрьяға таслап, суўдың мазасын татып көр.

👱🏻‍♂️Жигит бул сапары суўды ишти.

👨🏻‍🦳- Шорлығы сезилдиме? Мазасы қандай екен?

👱🏻‍♂️- Әжайып. Шорлығы жоқ болып кетипти, улыўма сезилмеди.

👨🏻‍🦳Бул сөзлерден кеўили толған устаз нәсият етти:
- Турмыс қыйыншылықлары бир қысым дуздай гәп. Кеўилиңди кең қылсаң, билинбей кетеди.

Турмыста бир кесе суў емес, дәрья болып жасаўды үйрен.

🔔 Постты жақынларыңызға тарқатың.

Каналға ағза болың
👉 @Xaliq_ushin
11.6k 0 161 86
XALÍQ USHÍN ⚖️

19 Jun, 07:58

Open in Telegram Share Report
⚡️“Дәптерлер”деги шаңарақлардың балаларына мектеп формасы ҳәм оқыў қураллары бийпул бериледи

✅ Министрлер Кабинетиниң 07.06.2022-жылдағы 312-санлы қарарына тийкар, “Темир дәптер”, “Ҳаял-қызлар дәптери” ҳәм “Жаслар дәптери”не киргизилген шаңарақлардың оқыўшы балаларының мектеп формасы ҳәм оқыў қураллары қәрежетлери жылына 1 мәрте мәмлекет тәрепинен төлеп бериледи.

☝️Бул жеңилликтен усы дәптерлерге кирген шаңарақлардың барлық балалары мектепте нешинши класта оқыўына қарамастан пайдаланады.

💰 Мектеп формасы ҳәм оқыў қураллары ушын қәрежетлер район (қала) “Жаслар дәптери” фонды есабынан қапланады.

📝 Жеңилликтен пайдаланыў мәселесинде Жаслар ислери агентлигиниң район (қала) бөлимине хабарласыў керек.

🔔 Постты жақынларыңызға тарқатың.

📨 Юристке сораў бериў

Каналға ағза болың
👉 @Xaliq_ushin
12.4k 3 70 21
XALÍQ USHÍN ⚖️

18 Jun, 20:21

Open in Telegram Share Report
❓Қарақалпақстан ушын берилген айрықша жеңилликтен пайдаланыў жағдайы қандай?

🔰28.07.2023-жылы Қарақалпақстандағы 43432 дана ҳүжжетсиз турақ жайларға мүлк ҳуқықын бериў, яғный кадастр ҳүжжетлерин рәсмийлестириў ҳуқықын бериў бойынша Президенттиң ПП-119-санлы Пәрманы қабыл етилди.

❗️Мағлыўмат берилиўинше, Пәрман шеңберинде май айы ақырына 1145 пуқараның турақ жайына ҳүжжетлестирип алыў ҳуқықын бериўши Жоқарғы Кеңес Президиумының қарары қабыл етилген.

☝🏻Бирақ бул цифра 43432 ниң қасында океаннан тамшы (2,6%) дегени.

🌎 Сондай-ақ, 9 мыңнан зыят турақ жайдың сүўретлери Узкосмос агентлигинен алынған. Соның 7 мыңнан асламына унамлы жуўмақ берилип, бир мәртелик төлемге қарап тур екен.

✔️Демек жумысты жеделлестириўде пуқаралар да тезирек ҳәрекет етип төлемди төлеўи керек. Төлем муғдары Нөкис қаласы ушын 3 БЕМ (1 млн 20 мың сум), районлар ушын 1 БЕМ (340 мың сум).

🔔 Постты жақынларыңызға тарқатың.

Каналға ағза болың
👉@Xaliq_ushin👈🏻
11.7k 3 116 43
XALÍQ USHÍN ⚖️

18 Jun, 08:39

Open in Telegram Share Report
⚡️Енди пуқаралар ҳәм исбилерменлер ҳәкимшилик судларға арза бергенде олардан бажы төлеў талап етилмейди

✅ Президенттиң 08.05.2023-жылдағы ПП–67-санлы Пәрманына бола, 2024-жыл 1-январдан баслап ҳәкимшилик судларға шағым етиўде пуқара ҳәм исбилерменлик субъектлеринен мәмлекетлик бажы өндирилмейди.

💰Бунда бажы суд исин қарап шығыў нәтийжесине қарап айыплы деп табылған тәрептен өндириледи.

☝️Яғный, пуқара ямаса исбилермен қандайда бир мәмлекетлик уйымның қарары үстинен ҳәкимшилик судқа шағым еткенде оннан алдын ала бажы төлеў талап етилмейди.

❗️Егер пуқараның ямаса исбилерменниң шағымы қанаатландырылмаса, бажы оннан өндириледи, ал егер қанаатландырылса айыплы мәмлекетлик уйымынан өндириледи.

☝️Бул жаңалық мәмлекетлик уйымлардың қарарлары ямаса лаўазымлы шахслардың ҳәрекетлеринен наразы болған пуқаралар ямаса исбилерменлер бажы пулы ҳаққында ойламастан судқа шағым етиў имканын береди.

📌Басқа тәрептен бул норманың енгизилиўи ҳәкимшилик судларда жумыс көлеминиң артыўына да алып келиўи мүмкин.

🔔 Постты жақынларыңызға тарқатың.

Каналға ағза болың
👉@Xaliq_ushin👈🏻
11.5k 0 40 23
XALÍQ USHÍN ⚖️

17 Jun, 19:17

Open in Telegram Share Report
❓Бир жыл толық ислемеген хызметкердиң мийнет дем алысының даўамлылығы қалай есапланады?

✅ Ҳәр жылғы мийнет дем алысының даўамлылығы ислеп берилген ўақытқа тең түрде есаплап шығарыўда оның даўамлылығы ҳәр жылғы тийкарғы ҳәм қосымша мийнет дем алысының толық муғдарын 12 ге бөлиў ҳәм де толық исленген айлар санына көбейтиў жолы менен анықланады.

☝🏻Бунда 15 календарь күнге тең ҳәм оннан көп болған артықша күнлер 1 ай деп есапланады, ал 15 календарь күннен аз күнлер есапқа алынбайды.

🗓️ Ислеп берилген ўақытқа қарап мийнет дем алысы күнлери улыўма даўамлылығын есаплаўда алынған 0,5 ке тең ҳәм оннан көп онлықлар бир күн деп алынады, 0,5 тен азы болса есапқа алынбайды.

💡Мысал ушын, хызметкердиң улыўма алатуғын тийкарғы ҳәм қосымша мийнет дем алыслары санын (21 календарь) 12 айға бөлгенде 1,75 шығады. Хызметкер ислеген ўақыт 7 ай болса, 1,75*7=12,25. Енди онлық пенен байланыслы қағыйданы қоллансақ, 0,5 тен аз болған онлық есапқа алынбайды. Яғный, 0,25 ти есапқа алмаймыз, сонда 12 саны шығады.

❕Демек, бул жағдайда хызметкерге оның ислеген ўақтына қарап берилетуғын мийнет дем алысы күнлери саны 12 календарь күн болады.

🔔 Постты жақынларыңызға тарқатың.

Каналға ағза болың
👉@Xaliq_ushin👈🏻
15.8k 1 98 25
XALÍQ USHÍN ⚖️

17 Jun, 15:24

Open in Telegram Share Report
❗️14 жаслы бала «Hamster Kombat» себепли “псих больница”ға түсип қалды

Россияның социаллық тармақларында тюменли 14 жаслы мектеп оқыўшысы «Hamster Kombat» ойыны себепли психиатриялық емлеўханаға жатқарылды. Ол көбирек тийин жыйнаў ушын ҳəр үш саатта оянып, ойынды даўам еттиргени ҳаққында хабарлар тарқалды.

Хабарда айтылыўынша, ойынды нормасынан артық ойнағанлығы себепли балада уйқысызлық кеселлиги раўажланған. Бул болса баланың психиатриялық зорығыўына ҳəм басқа кеселликлердиң раўажланыўына алып келген.

Соны да айрықша айтып өтиў керек, «Hamster Kombat»тың тийкарғы механикасы əпиўайы. Ойыншылар қанша көп тийин жыйнаўды қəлесе сонша «Hamster» сүўретин басыўы керек болады.
Қанша көп басылса, сонша көп тийин жыйналады.

«Hamster Kombat» ойыншылар ушын үлкен пул сыйлығын ўәде етеди. Адамның қыялында қанша көп ойнасам сонша көп пул табаман деген пикир қəлиплеседи. Әне сол пикир көплеген жас балалардың уйқысызлық ҳəм психиатриялық кеселликлерди арттырып алыўына себеп болыўы мүмкин.

Каналға ағза болың
👉@Xaliq_ushin👈🏻
15.9k 0 247 71
XALÍQ USHÍN ⚖️

17 Jun, 12:34

Open in Telegram Share Report
✔️ Әҳмийетли тарийхый сәнелер

🔹1989-жыл 21-октябрь – Өзбекстан Республикасының мәмлекетлик тили ҳаққындағы Нызам қабыл етилген.

🔹1989-жыл 1-декабрь – Қарақалпақстан Республикасының мәмлекетлик тили ҳаққындағы Нызам қабыл етилген.

🔹1990-жыл 20-июнь – Өзбекстан Республикасының мәмлекетлик суверенитети ҳаққындағы декларация қабыл етилген.

🔹1990-жыл 14-декабрь – Қарақалпақстан Республикасының мәмлекетлик суверенитети ҳаққындағы декларация қабыл етилген.

🔹1991-жыл 18-ноябрь – Өзбекстан Республикасының мәмлекетлик байрағы ҳаққындағы Нызам қабыл етилген.

🔹1992-жыл 2-июль – Өзбекстан Республикасының мәмлекетлик герби ҳаққындағы Нызам қабыл етилген.

🔹1992-жыл 8-декабрь – Өзбекстан Республикасының Конституциясы күни.

🔹1992-жыл 10-декабрь – Өзбекстан Республикасының мәмлекетлик гимни ҳаққындағы Нызам қабыл етилген.

🔹1992-жыл 14-декабрь – Қарақалпақстан Республикасының мәмлекетлик байрағы ҳаққындағы Нызам қабыл етилген.

🔹1993-жыл 9-апрель – Қарақалпақстан Республикасының Конституциясы қабыл етилген.

🔹1993-жыл 9-апрель – Қарақалпақстан Республикасының мәмлекетлик герби ҳаққындағы Нызам қабыл етилген.

🔹1993-жыл 24-декабрь – Қарақалпақстан Республикасының мәмлекетлик гимни ҳаққындағы Нызам қабыл етилген.

🔔 Постты жақынларыңызға тарқатың.

📨 Юристке сораў бериў

Каналға ағза болың
👉@Xaliq_ushin👈🏻
10.8k 0 217 51
XALÍQ USHÍN ⚖️

17 Jun, 08:00

Open in Telegram Share Report
🏦 Дем алыс күнлери қайсы банклер ислейди?

🗓️ 17-18-июнь күнлери төмендеги банклерде валюта алмастырыў ҳәм пул өткизбелери (денежый перевод) бөлимлери ислейди:

🏦Агро банк
🏦Азия Альянс банк
🏦Алоқа банк
🏦Анор банк
🏦Асака банк
🏦БРБ
🏦Гарант банк
🏦Давр банк
🏦ИнФин банк
🏦Ипотека-банк
🏦Ипак Йўли банки
🏦Капиталбанк
🏦Миллий банк
🏦МКБанк
🔘Октобанк
🏦Ориент Финанс банк
🏦Пойтахт банк
🏦Саноатқурилишбанк
🏦Садерат банк
🏦 Тенге банк
🏦Траст банк
🏦Турон банк
🏦 Универсалбанк
🏦Халқ банки
🏦Ҳаёт банк
🏦Ҳамкорбанк

🔔 Постты жақынларыңызға тарқатың.

Каналға ағза болың
👉@Xaliq_ushin👈🏻
11k 0 41 32
XALÍQ USHÍN ⚖️

16 Jun, 19:19

Open in Telegram Share Report
❓“Отпускной” пул қашан төлениўи керек?

💬 Пуқарадан сораў: «Мен отпускке шыққаныма үш күн болды. Бирақ усы күнге шекем отпускной пулларымды бухгалтер төлеп бермеди. Бул отпуск пулын төлеўдиң анық ўақты нызамда жазылған ба?»

✅ Мийнет кодексиниң 233-статьясына тийкар, ҳәр жылғы мийнет дем алысында (отпускта) болған ўақты ушын хызметкердиң орташа ис ҳақысы сақланады.

💰Ҳәр жылғы мийнет дем алысы ўақты ушын пул төлеў жәмәәтлик шәртнамада, ишки ҳүжжетлерде ямаса мийнет шәртнамасында белгиленген мүддетлерде, бирақ «отпуск» (мийнет дем алысы) басланыўынан алдынғы ақырғы жумыс күнинен кешиктирилмей әмелге асырылады.

❗️Яғный, мысалы, хызметкер «отпуск»қа 2024-жыл 1-марттан баслап шығып атырған болса, оның «отпускной» пулы 2024-жыл 29-февралдан кешиктирилмей төлеп берилиўи керек.

☝️Пуқараның жағдайында оның мийнет дем алысы пулы өз ўақтында төленбеген ҳәм ҳуқықы бузылған есапланады. Бул жағдай бойынша пуқара бәнтликке көмеклесиў орайына шағым етсе, жумыс бериўшиге Ҳәкимшилик жуўапкершилик ҳаққындағы кодекстиң 49-статьясына көре, 3,4 млн сум жәрийма салыныўы мүмкин.

🔔 Постты жақынларыңызға тарқатың.

📨 Юристке сораў бериў

Каналға ағза болың
👉@Xaliq_ushin👈🏻
14.9k 1 164 50
XALÍQ USHÍN ⚖️

16 Jun, 18:21

Open in Telegram Share Report
❗️Европа июлдан баслап Қытай электромобиллерине импорт бажысын көбейтиўди жобаластырған

Еврокомисссия усы жылдың 4-июль сәнесинен баслап Қытайдың электромобиллерине импорт бажысын хәзирги 10%тен шама менен 30% ке шекем көбейтежақ.

Бунда Европа Қытайдың үш компаниясына жеке бажы ставкаларын қолланады: BYD (17,4%), Geely (20%) и SAIC (38,1%).

Бул қарарға Европаның автомобиль ислеп шығарыўшыларына жеткизиўи мүмкин болған зыянның алдын алыў мақсетинде келинген.

Бул бажы ставкалары енгизилсе, Қытай жуўап ретинде өзлериниң улыўма пайдасының 20% усы мәмлекеттен келип турған Volkswagen, BMW ҳәм Mercedes маркаларының “люкс” классындағы машиналарға қарсы бажы енгизиўин айтқан.

Каналға ағза болың
👉@Xaliq_ushin👈🏻
11.2k 0 5 27
XALÍQ USHÍN ⚖️

16 Jun, 05:13

Open in Telegram Share Report
🌙 Қурбан ҳайыты гүллан халқымызға қутлы-мүбәрек болсын

🌙Аллаҳ таала бул уллы күнниң шарапаты менен елимиз тынышлығын беккем етсин, дәрьямыз суўын көп, ырысқымызды мол қылсын, шаңарақларымызды бахытқа бөлесин, ислеримизге раўаж, ул-қызларымызға илим-әдеп, кеселлеримизге шыпа, сапардағыларға жеңиллик, жасы үлкенлеримизге өмирлериниң еле де зыядалығын берсин!

🔔 Постты жақынларыңызға тарқатың.

Каналға ағза болың
👉@Xaliq_ushin👈🏻
20.3k 2 208 51
20 last posts shown.