#qarashlarim
Hammamiz yoshligimizda "Katta bo'lsam, prezident bo'laman" yoki "Dunyoda eng aqlli va boy inson bo'laman", deb beg'ubor orzular qilganmiz. Lekin vaqtlar o'tib, ongimizga qo'lidan hech bir ish kelmaydigan, hech narsaga ishonmaydigan insonlar bizga yod qilib yuborgan gaplar: "O'qib kim bo'larding sen? Sening qo'lingdan nima ham kelardi? Sen qila olasanmi?" degan gaplarni, afsuski, qulog'imiz juda ko'p eshitgan.
Bizning eng katta kamchiligimiz - tarbiya berishda. Deyarli hamma Ota-onalar bolalariga: "Yo'q, unday qilma, hali yoshsan, qo'lingdan kelmaydi", degan so'zlarni juda-juda ko'p eshittirgan. O'zbekistonda bola 80 foiz "Yo'q" so'zini eshitib katta bo'ladi. Endi o'ylang, "Yo'q, aqling yetmaydi", degan so'zni eshitgan bolada ishonch ham qolmaydi. Mana, nega biz aniq fanlarni o'rganishda qiynalamiz. Sababi shu. Bu - mening fikrim. Sizga tushunarli bo'lishi uchun misol keltiraman:
Bir kishi sirk chodiri oldida oyog'idan ingichka ipga bog'lab qo'yilgan bahaybat fillarni ko'radida hayron qoladi: "Nega bu fillar qochib ketmaydi? Sal qimirlasa, ip uzilib ketadiku!" deydi va buning sababini egasidan bilishni istaydi. Shunda u shunday javob oladi: "Bu fillarni yoshligida tikanli zanjirlarga oyog'idan bog'lab qo'yganmiz. Fil qochishga uringan sari azob chekavergan. Oxiri, qochishga harakat ham qilmay qo'ygan va biz zanjirlarni iplarga almashtirdik. Hozir ham oyog'imda zanjir bor, deb qochishga harakat ham qilmaydi".
#HULOSA
Deyarli ko'pchiligimiz xuddi shu fillarga o'xshaymiz. Bir ishga azim qilishga irodamiz yetmaydi. Buning sababi - biz yoshligimizda xuddi shu filllarning holiga tushganmiz. Bundan qutulishning yagona yo'li - hayotga oddiy ko'z bilan qarash kerak. "Men buni qila olaman, qo'limdan keladi. Yo'q emas, ha", deyishni o'rganishimiz kerak.
14.12.2021
Anglash
