WAYU Korea

#koreya_kundaliklari
27-son

“Ismim Islomjon. Koreyaning chekkaroq hududidagi oliygohga o'qish uchun kelganman. Men bugun sizlarga aytmoqchi bo'layotganim va ogohlikka chaqirmoqchi bo'layotgan voqea aslida bundan 1.5 yilcha oldin bo'lgan.

Men ham aksar o'quvchilar singari ham o'qib ham ishlash maqsadida kelganman.
Bizning hududda qish mavsumida ishlar kamayib ketadi. Shu sababli 3 nafar do’stlarim bilan internet orqali ish qidirishimizga to’g’ri keldi. Ishlar ko’p-u puli bizga uncha to’g’ri kelmasdi.
Vanihoyat kunlik to’lovi anchagina yaxshi bir ishni gaplashdik. Ish e’lon bergan inson (inson deyishga majburman) biz bilan faqat WhatsApp orqali rus tilida muloqot qildi. Bizga ish judayam zarurligi sababli qanday qilib boshlang’ich tolov (100 ming wondan) o’tkazganimizniyam yaxshi eslayolmayman.
Yana "one room" uchun to'lov qildik. Ko’rinishi joyida, kamiga shunaqangi ishontirib yozardiki shubhalanish umuman hayolimizga kelmadi. Hullas boshlang’ich tolovni qildik. Hammasi o’sha kundan keyin boshlandi. Ish boshlash sanasi e’londa aniq yozilgan bo’lsa ham hali ishdan darak yo’q edi. Aloqaga chiqsak, tez kunda boshlanishini aytib sabr qilib turishimizni tushuntirdi.
Bir kuni bizga ish kiyim uchun to’lov qilishimiz haqida xabar keldi. Tabiiyki biz aslida e’londa bundan talab bo’lmaganini aytdik,u esa agar ish kiyim uchun to’lov qilmasak ishlay olmasligimizni aytdi. Oldindan to’langan pul ham qaytarilmasligini eslatib o’tdi.
Majbur bo’ldik, hali noma’lum bo’lgan ish uchun 50 ming wondan to’ladik. Hatto razmerlarimizgacha yozib jo’natdik. Xullas oradan 3 kuncha o’tdiyamki ishdan darak yo’q. Yozgan habarlarimizga esa jo’yali javob bermadi. Doim ishda yoki muhim uchrashuvda bo’ladi. Qayta qayta aloqaga chiqganimizdan keyin bir kuni o’zi telefon qilib bizga mashina yuborishini aytib yo’lkira uchun pul to’lashimiz kerakligini aytdi. Biz o’zimizda mashina borligini qancha aytsak ham zavod hududi juda katta ekanligi, begona mashina kiraolmaslik vaji bilan bizdan yana 50 ming wondan talab qildi. Nimayam qilaolardik shuncha pul to’langan, oxirgi to’lov ekanligini aytib turib, majbur to’ladik.

Xullas, endi aldashganini his qila boshladik. Telefon qilib pullarni qaytarishini talab qildik. U esa aksincha bizdan yana pul talab qildi. Bu safar ochiqchasiga po’pisayam qilishga o’tdi.

Aytishicha zavodga migratsiyadan kelib noqonuniy ishchilarni ushlab ketibdi. Bizning ham hujjatlar ro’yhatdan o’tganligi sababli bizni ham noqonuniy ishchilar sifatida yozib ketibdimish. Har birimizga 3 milliondan “shtraf” yozishibdi. Zudlik bilan to’lamasak “deport” bo’lar ekanmiz. Firma boshlig’ini migratsiyada ishonchli tanishi bor ekan umumiy summani teng yarmini to’lasak ishni “yopib” berarkan.

Hattoki Seul migratsiyasining hodimining yonida o’tirganini rasmigacha yubordi. Oshib tushgandi, biz endi 1 won ham bermasligimizni aytdik. U esa qayta qayta telefon qilib qo’rqitishdan charchamadi. Biz tanish akalardan maslahat so’radik. Ular esa qayta pul bermasligimizni, aksincha militsiyaga xabar berishimizni maslahat berishdi.
Shunday ham qildik, lekin befoyda edi. Chunki
Koreyadagi kontaktlar yo’q, biz pul o’kazgan hisob raqam egasi allaqachon Qozog’istonga qaytib ketgan ekan.

Xullas, do’stlarim bilan yozmaganim va mayda to’lovlar bilan tahminan 2 million won atrofida “uhladik”.
O’zi shundoq ham pulga muhtoj turgandik, shu holatimizdan yaxshigina foydalandi. Aslida boshlang’ich to’lovni qilgan kunimiz biz tuzoqqa tushgan ekanmiz. Buni sal kechroq bildik, mayli anchagina tajriba bo’ldi.

Bu voqeani aytishdan maqsad, boshqa yurtdoshlarimizni ham ogohlikka chaqirishdir.”

Hikoya o’zgartirishsiz yozib olindi. Agar hikoyangiz bo’lsa va uni ogohlik uchun vatandoshlarimiz bilishi kerak deb o’ylasangiz koreawayu@gmail.com manziliga yuboring!

Instagram | Telegram | YouTube | Facebook

#foydali

1. Networking
2. Internship
3. Ishga joylashish
mavzular foydali video

*Bu videoda Koreyada karyera qilmoqchi bo’gan har qanday inson bilishi kerak bo’lgan elementar tushunchalar to’plangan. Bir necha yillik tajribani 1 soat ichida o’zlashtirishingiz mumkin!

Video muallifi: Elyor Nurdinov @Elyorbilan

Link: https://youtu.be/LvVW2rXyzlI?si=5ywvA2URZ1oYiJ_d

Instagram | Telegram | YouTube | Facebook

#koreya_kundaliklaridan
26-son

Ko’pchilik maroq bilan o’qiydigan “Koreya_kundaliklaridan” loyihasi yana qaytdi! Kimgadir foydali bo’lishidan umidvormiz!

“Men sizga GKS grantiga kelgan yo’lim haqida gapirib bermoqchiman. O’ylaymanki, GKS yutishni niyat qilganlarga foydali bo’ladi!

Ko’p ko’ramiz ba’zida yutuqlarga juda tez, yoki oson yetib kelamiz. Ba’zi yutuqlar uchun esa vaqt va anchayin mehnat talab qilinadi. Va biz buni nasiba, taqdir deb ataymiz. Xuddi shunday men ham GKSga 4 yil deganda, qiynalib erishganlardan biriman. Lekin, aytishim kerakki, har safar GKSga topshirganimda qandaydir tajribani olganman.

GKS haqida 2021-yil eshitganman va o’shanda birinchi marotaba Ewha ayollar universitetiga “Asian women’s study” yo’nalishiga magistratura bosqichiga topshirganman. Hujjat tayyorlab yurgan vaqtim o’zimizda master o’qirdim va grantni olish juda ham muhim emas edi. Ammo, birinchi bosqichdan muvoffaqiyatli o’tganman. Backgroundim yaxshi bo’lganiga o’zimga ishonch baland bo’lib, suhbatga ham kuchli tayyorlanmagan edim. Ustiga ustak, suhbatga 2 soat qolganda kichik avto halokatga uchrab, boshim chayqalishidan hayolim joyida emas edi. Esimda, interviewda professor bir savolni uch marotaba so’rasa ham nimani so’rayotganini tushinmaganman, hayolim joyida bo’lmagan. O’shanda suhbatga juda kuchli tayyorlanish kerak ekanini tushinganman.

Yiqilgan kurashga to’ymaydi deganidek, 2-yil ham Ewhani tanladim, va aynan shu yo’nalishing PhD bosqichiga hujjat topshirdim. Afsuski, bu safar suhbatga ham o’tmagan edim. Sababi juda oddiy va kulguli, men tanlagan yo’nalishning PhD bosqichi yo’q edi. Buni “birinchi bosqichdan o’tmadingiz” degan xabarni olganimdan so’ng tushinganman, ungacha xatto hayolimdan ham o’tmagan, universitet ham to’g’irlashni so’ramagan. O’shanda tanlagan universitetning yo’nalishi, professorlari haqida to’liq ma’lumotga ega bo’lish kerakligi juda muhim ekanini tushinganman.

Uchinchi yil IELTS sertifikatimning muddati o’tgan va hech qanday til sertifikatlarisiz Koreyadagi Sky universitetlaridan biriga qayta magistratura bosqichiga topshirganman. Chunki, backgroundimga juda ishonar va o’zimni juda munosib nomzod sifatida ko’rar edim. Afsuski, uchinchi martta ham omad menga kulib boqmagan edi. Bunda xatoyim deb, hech qanday til sertifikatlarisiz mavqei baland universitetni tanlaganim deb o’ylayman. Tag’in, bilmadim.

Yaratgan men uchun munosib vaqt deb hozirni tanlagan ekan, va nihoyat, 2024-yil PhD bosqichiga o’zim xohlagan yo’nalishga, xohlagan universitetimga GKS granti bilan o’qishga kirdim. Bunga asosiy sabab deb boshqa ish va o’qishga chalg’imasdan, bor e’tiborni GKS ga qaratib tayyorlanganim deb o’ylayman. Ya’ni o’tgan uch yil davomida yo qayerdadir o’qir edim, yoki asosiy ish joyim bor edi. Shu sababli grantni juda muhim sanamas va tayyorlanmas edim. To’rtinchi yildan shuni xulosa qildimki, grantni yutganlardan tavsiya olish, tanlagan universitet haqida, professorlar haqida yetarli ma’lumotga ega bo’lish va albatta, til sertifikati bo’lishi kerak ekan.

Bularning bari mening tajribam va boshqa GKS yutganlar ularga qo’shilmasligi ham mumkin. Ammo xulosa qilib shuni aytishim mumkinki, grant asosida o’qish, iqtisodiy muammolardan holi, bor e’tiborni o’qishga qaratish imkonini berar ekan, buni bakalavr va magistr bosqichlarida ham ishlab, ham o’qigan talaba sifatida aytmoqdaman! Grantlar izlab, ularga hujjat topshirishdan qo’rqmang.”

“Koreya kundaliklaridan” loyihasi davom etishini xohlasangiz o’z hikoyangiz bilan o’rtoqlashing. Axir bu bilan kimgadir yordam berishingiz mumkin!

Instagram | Telegram | YouTube | Facebook

#tarjima

O’zbekistondagi viloyatlardan birining hokimligidan delegatsiyasi tashrifi kutilmoqda va ushbu delegatsiyaga UZB-KOR tarjimon kerak!

Sana: 24~29 noyabr: 6kun
Ish haqqi: 600,000won
Shaharlar: Seul (2kun), Seongnam (1kun), Pusan (2kun)
Murojaat uchun: @norakh58

Endilikda tarjima e’lonlarini qo’yib borishni niyat qilganmiz!

Instagram | Telegram | YouTube | Facebook

Keling, ilmni qo’llaymiz!

Statistika ma'lumotlariga qaraganda hozirda 2 milliondan ortiq O'zbekistonliklar dunyo bo'ylab immigrant maqomida o'qib va ishlab kelmoqdalar. Shundan 90,800 nafari (2024) Janubiy Koreya xissasiga to'g'ri keladi.

So’rovnomada qatnashing: "Siz Janubiy Koreyadagi o'zbek immigrantlarining madaniy moslashuvi va ruhiy salomatligi o'rtasidagi munosabatlarni o'rganish bo'yicha tadqiqot loyihasida ishtirok etishga taklif qilinmoqdasiz. Ushbu so'rovnomani to'ldirish taxminan 10 daqiqa vaqt oladi. Sizning javoblaringiz to'liq anonim va maxfiy xolda saqlanadi hamda faqatgina tadqiqot maqsadidagina foydalaniladi.

Tadqiqot egasi: Kangwon Milliy Universiteti, doktoranti G'aniyev Axrorjon

Email: ganievakhrorjon@gmail.com

Ushbu kichik ilmiy tadqiqod so'rovnomasida qatnashing va sizning nomingizdan masjidimizga ehson qilinadi.
Barchangizga katta rahmat!

Google form: https://forms.gle/d8RmCg8iDGs6WEgu6

Instagram | Telegram | YouTube | Facebook

#xushxabar

“O’zbekiston Elchixonasi javob bermaydi”, “Ikki soat qo’ng’iroq qildim, hech kim ko’tarmadi”, “Pasportim yo’qoldi, nima qilsam bo’ladi”, “Nikohdan o’tmoqchimiz, qanday hujjatlar kerak”, “O’g’limga guvohnomani olishim kerak, birinchi nima qilay” singari O’zbekiston Elchixonasi faoliyati bilan bog’liq savollar juda ko’p keladi.

Vatandoshlarimizning Elchixonada ko’rsatiladigan konsullik xizmatlariga bog’liq savollarga oson va tez javob topishlari uchun O’zbekiston Respublikasining Janubiy Koreyadagi Elchixonasining konsullik xizmatlari haqida ma’lumot beradigan telegram tarmog’ida bot ishlab chiqdik.

Ushbu botda siz nafaqat konsullik bo’limi ko’rsatadigan barcha xizmat turlari haqida to’g’ridan-to’g’ri ma’lumot olishingiz, balki arizalar namunalarni yuklab olish, arizaga ilova qilinadigan hujjatlar ro’yxati, fuqarolarni qabul qilish tartibi, konsullik qabuliga elektron navbat olish, to’lanadigan davlat bojlari bilan ham tanishishingiz mumkin!

Shuningdek, ayni paytda botga qo’shimcha xizmat turlarini qo’shish bo’yicha ham ish olib borilmoqda.

Ushbu botni ishlab chiqishda jonbozlik ko’rsatgan insonlar: Diyorbek Pardaev (texnik tuzuvchi) Wayu_Korea volontyorlari (ma’lumot to’ldiruvchi), Elchixona xodimlari barcha ma’lumotlar ishonchli ekanini tasdiqlash singari vazifalarni bajarishdi.

Botdan foydalanish: @UzEmbassy_kr_bot

Bot xizmatidan tashqari qo’shimcha savollaringizni Elchixona konsullik bo’limining uzconsul@naver.com elektron manziliga yuborishingiz mumkin.

Instagram | Telegram | YouTube | Facebook

Keling, ilmni qo’llaymiz!

Statistika ma'lumotlariga qaraganda hozirda 2 milliondan ortiq O'zbekistonliklar dunyo bo'ylab immigrant maqomida o'qib va ishlab kelmoqdalar. Shundan 90,800 nafari (2024) Janubiy Koreya xissasiga to'g'ri keladi.

So’rovnomada qatnashing: "Siz Janubiy Koreyadagi o'zbek immigrantlarining madaniy moslashuvi va ruhiy salomatligi o'rtasidagi munosabatlarni o'rganish bo'yicha tadqiqot loyihasida ishtirok etishga taklif qilinmoqdasiz. Ushbu so'rovnomani to'ldirish taxminan 10 daqiqa vaqt oladi. Sizning javoblaringiz to'liq anonim va maxfiy xolda saqlanadi hamda faqatgina tadqiqot maqsadidagina foydalaniladi.

Tadqiqot egasi: Kangwon Milliy Universiteti, doktoranti G'aniyev Axrorjon

Email: ganievakhrorjon@gmail.com

Ushbu kichik ilmiy tadqiqod so'rovnomasida qatnashing va sizning nomingizdan masjidimizga ehson qilinadi.
Barchangizga katta rahmat!

Google form: https://forms.gle/d8RmCg8iDGs6WEgu6

Instagram | Telegram | YouTube | Facebook