Uzun tumani hokimligi axborot xizmati

🇺🇿 Tug‘ilgan kun muborak bo‘lsin!

Bugun, Uzun tuman Soliq inspeksiyasi boshlig’i, 4-sektor rahbari Qosimov Shamsiddin Xisomiddinovichning tug’ilgan kuni

Hurmatli Shamsiddin Xisomiddinovich tug‘ilgan kuningiz muborak bo’lsin! Sizni metinday sog‘lik, oilaviy baxt-saodat va farovon turmush hech qachon tark etmasin! Shu bilan bir qatorda tuman miqyosida rejalashtirgan ishlaringizni muvaffaqiyat bilan ijobiy yakun topishida hamda ular orqali ulkan natijalarga erishib, tumanimiz iqtisodiy-ijtimoiy rivojiga munosib hissa qo‘shishingizda tilakdoshmiz! Xushchaqchaqlik va samimiy tabassum sizga hamroh bo‘lsin! Tavallud ayyomi muborak bo‘lsin!

Hurmat bilan Uzun tuman hokimligi jamoasi

Telegram I Facebook I Web-site I Youtube I instagram

Uzun tuman elektr tarmoqlari korxonasi ogohlantiradi!

Uzun TET korxonasi shuni ma’lum qiladiki 2024-yil 2-noyabr kuni aholini sifatli elektr energiyasi bilan ta’minlash maqsadida PS Uzun 35/10 kv, F-1 da kuch ta’mirlash va kuz kish mavsumiga tayyorgarlik ko‘rish maqsadida tumaning

📍“Malandiyon”
📍“O’zbekiston”
📍“Yoshlik“
📍”Yangi ro’zg’or” MFYda soat 09:00 dan 12:00 gacha elektr energiya vaqtincha uzilish bo’ladi

Yetkazilgan noqulayliklar uchun Uzun tuman elektr tarmoqlari korxonasi uzr soʻraydi!

Telegram I Facebook I Web-site I Youtube I instagram

Xalq deputatlari Uzun tumani Kengashiga saylov natijalari ma’lum qilindi

Uzun tumani hududiy saylov komissiyasining bugun o‘tkazilgan navbatdagi yig‘ilishida 27-oktabr kuni bo‘lib o‘tgan saylov yakunlari hamda Oliy Majlis Qonunchilik palatasi, xalq deputatlari viloyat hamda shahar va tumanlar Kengashlariga saylov natijalari e’lon qilindi.

Saylovda tuman hududidagi 63 ta saylov uchastkalari orqali 85618 nafar saylovchi ishtirok etgani, bu saylovchilar umumiy sonining 96 foizini tashkil etgani qayd etildi. Ovoz berish natijalariga ko‘ra, Oliy Majlis Qonunchilik palatasi deputatligiga 1 nafar, xalq deputatlari viloyat Kengashiga 3 nafar, tuman Kengashiga 25 nafar deputat saylandi.

Saylangan 25 nafar deputatning 7 nafari (28 foizi) xotin-qizlardir.

Telegram I Facebook I Web-site I Youtube I instagram

Zulfiya nomidagi Respublika Davlat mukofotining tuman bosqichi tanlovi bo‘lib o‘tdi

3-sonli bolalar musiqa va sa’nat maktabida Uzun tumani hokimligi tomonidan tashkil etilgan Zulfiya nomidagi Respublika Davlat mukofotining tuman bosqichi tanlovi o‘tkazildi.

Tadbir avalida tuman hokimi o’rinbosari oila va xotin-qizlar bo’limi boshlig’i S.Gulboyeva so’zga chiqib barcha ishtirokchilarga omad qiladi.

Tanlovda har bir qizning orzusi sanalgan Zulfiya nomidagi davlat mukofotining sohibasi boʻlish istagidagi 30 nafardan ortiq taʼlim, fan, adabiyot, madaniyat, sanʼat, sport va jamoatchilik faoliyatida yuqori choʻqqilarni zabt etishga shaylangan izlanuvchan va intiluvchan yoshlar ishtirok etishdi.

Yakunda ishtirokchilar orasidan 10 nafar gʻoliblar saralanib, eng munosib deb topilgan iqtidorli qizlar tanlovning viloyat bosqichiga yoʻllanmani qoʻlga kiritdilar.

Telegram I Facebook I Web-site I Youtube I instagram

Vatanparvarlik - milliy yuksalish kafolati

Milliy gvardiya Surxondaryo viloyati bo‘yicha boshqarmasi Bollar bilan ishlash bo‘limi Uzun tumani inspektor-psixologlar va "Qo‘riqlash" boshqarmasi Uzun tumani xodimlari hamda boshqa hamkor tashkilotlar bilan birgalikda Uzun tumani 4-AFCHO‘IMda vatanparvarlik va Jinoyatchilik, huquqbuzarliklarni oldini olish borasida tadbir o‘tkazildi.

Tadbir doirasida yoshlarga vatanparvarlik tushunchasi, uning kishilarda ijtimoiy va ma’naviy axloqiy xislatlarda namoyon bo‘lishi, ular negizida ota-bobolardan meros qolgan zaminni sevish, urf-odatlarni, qadriyatlarni saqlash, el-yurt ravnaqi uchun chin dildan mehnat qilib, Vatanni dushmanlaridan himoya qilish, shuningdek, yoshlarni vatanparvarlik tuyg‘usini tarbiyalash, ularni Vatan ma’nosini teran anglab yetishga o‘rgatish, vatanparvarlik – yuksak axloqiy tamoyil ekanini tushuntirish ma’naviy qadriyatlarimizning asosini tashkil etishi ta’kidlab o‘tildi.

Telegram I Facebook I Web-site I Youtube I instagram

Prezident Shavkat Mirziyoyev ishtirokida shu yilning oktyabr oyida oʻtgan asosiy tadbir va voqealar

Telegram I Facebook I Web-site I Youtube I instagram