Ta'lim nazorati

⚡️O'qishni ko'chirish bo'yicha arizalar ko‘rib chiqildi

Prezidentning PQ-279-sonli qarori 7-bandiga muvofiq 2 ta uzrli sababga koʻra oʻqishini koʻchirish istagida boʻlgan fuqarolarning arizalari ko‘rib chiqilib, Oliy ta’lim, fan va innovatsiyalar vazirligi tizimidagi oliy ta’lim muassasalariga 2024/2025-o‘quv yili bahorgi semestrida o‘qishini ko‘chirishga tavsiya etilgan talabalar ro‘yxati yuborildi.

Bugundan boshlab talabalar OTMlarga o‘qishi ko‘chirilishini so‘rab murojaat qilgan talabalar oliy ta’lim muassasasining o‘qishni ko‘chirish bo‘yicha mas’ullariga uchrashish (bog‘lanish)lari mumkin.

Quyida kimlar o‘qishni qishda ko‘chirishi mumkinligi haqida ma‘lumot berilgan: 👉 https://t.me/uztdi/9198

📩 Qoʻshimcha savollarni Telegram botimiz (@uztdibot)ga yuborishingiz mumkin.

✅Ta’lim nazorati rasmiy kanali

Xotin-qizlar kuni bayrami arafasida dam olish kunlari qanday boʻladi?

Bu yil 8-mart — Xotin-qizlar kuni bayrami haftaning shanba kuniga toʻgʻri keladi.

Mehnat kodeksiga koʻra, dam olish kuni ishlanmaydigan bayram kuniga toʻgʻri kelgan taqdirda, dam olish kuni bayramdan keyingi ish kuniga koʻchiriladi.

Shunga koʻra, bayram arafasida besh kunlik ish haftasida ishlovchi xodimlarning dam olish kunlari quyidagicha boʻladi:

➖8-mart, shanba – bayram kuni, dam olish kuni;
➖9-mart, yakshanba – dam olish kuni;
➖10-mart, dushanba – qoʻshimcha dam olish kuni.

✅Ta’lim nazorati rasmiy kanali

⚡️ Milliy sertifikat imtihoni uchun ruxsatnomalar e’lon qilindi

📆 2025-yil 22–23-fevral (shanba-yakshanba) kunlari bo‘lib o‘tadigan matematika, fizika, tarix va geografiya fanlaridan milliy sertifikat imtihoni uchun ruxsatnomalar e’lon qilindi.

🖥 Test sinovida ishtirok etadigan talabgorlar ruxsatnomani my.gov.uz saytining "Mening arizalarim" bo‘limidan olishlari mumkin.

📌 Ruxsatnomada talabgorlar qachon, qayerda test sinovida ishtirok etishi ko‘rsatilgan bo‘lib, talabgorlardan belgilangan vaqtdan kechikmagan holda kelish so‘raladi.

❗️ Talabgorlar test sinovi o‘tkaziladigan binolarga shaxsini tasdiqlovchi hujjat (pasport yoki ID-karta) asosida 1-smenada 07:30 dan boshlab (test sinovi 09:00 da), 2-smenada 13:00 dan boshlab (test sinovi 14:30 da) kiritiladi.

📌 Test sinoviga kechikkan yoki kelmagan talabgorlar uchun qo‘shimcha imtihon o‘tkazilmaydi.

✅Ta’lim nazorati rasmiy kanali

#Bilasizmi?

⚡️ Talabalar kontrakt to‘lovining 35 foizi Yoshlar ittifoqi tomonidan to‘lab berilishi mumkin

“O‘zbekiston yoshlar ittifoqining faol a’zosi bo‘lgan talabalarni moddiy qo‘llab-quvvatlash tartibi to‘g‘risida”gi nizomda oliy ta’lim muassasalarida to‘lov-kontrakt asosida tahsil olayotgan talabalarning kontrakt to’lovining 35 foizi to’lab berilishi belgilangan.

❗️Unga ko’ra, to‘lov-kontrakt asosida tahsil olayotgan talabalar Ittifoqning oliy ta’lim muassasalaridagi boshlang‘ich tashkiloti faoliyatida faol qatnashgan taqdirda Ittifoq tomonidan moddiy qo‘llab-quvvatlanadi.

Kimlarga moddiy yordam beriladi?

➖ bakalavriat va magistratura bosqichlarida to‘lov-kontrakt asosida kunduzgi ta’lim shaklida tahsil olayotgan talabalarga;

➖ Davlat komissiyasining qarori asosida qo‘shimcha to‘lov-kontrakt asosida bakalavriat bosqichiga o‘qishga qabul qilingan talabalarga ikkinchi bosqichdan boshlab.

📃Shuningdek, talabalarni moddiy qo‘llab-quvvatlash ular tomonidan shartnomada belgilangan to‘lov miqdorining 65 foizini belgilangan muddatlarda to‘lash sharti bilan amalga oshiriladi.

📌Quyidagi holatlarda talabalarga moddiy yordam berilmaydi:

➖ ikkinchi mutaxassislik, sirtqi va kechki ta’lim shaklida o’qiyotgan talabalarga;

➖ Harbiy xizmatni o‘tab, tavsiyanoma bilan to‘lov-kontrakt asosida o‘qishga qabul qilingan va Ittifoq tomonidan moddiy yordam ko‘rsatilayotgan talabalarga.

📚 Da’vogar talabalarning asosiy ko‘rsatkichlarini baholash mezonlari Ittifoqning Markaziy Kengashi tomonidan ishlab chiqiladi va tasdiqlanadi.

➖ Har yili 1-fevral kunidan kechikmagan holda Yoshlar Kengashi talabalarni moddiy qo‘llab-quvvatlash bo‘yicha o‘z faoliyatini boshlashi lozim.

➖ 10-fevral kuniga qadar talabalar Yoshlar Kengashiga Ittifoq tomonidan moddiy qo‘llab-quvvatlash ko‘rsatilishini so‘rab ariza bilan murojaat qilish huquqiga ega.

➖ 10-fevraldan 15-fevralga qadar Yoshlar Kengashi da’vogar talabalarning arizalarini ko‘rib chiqadi hamda moddiy qo‘llab-quvvatlash uchun tavsiya etish bo‘yicha qaror qabul qiladi.

📩 Qoʻshimcha savollarni Telegram botimiz (@uztdibot)ga yuborishingiz mumkin.

✅Ta’lim nazorati rasmiy kanali

Maktab psixologlarining attestatsiyasi qanday tashkil qilinadi?

2025-yil yanvar-iyun oylarida oʻtkaziladigan pedagoglar attestatsiyasida maktab psixologlari ishtirok etishlari mumkin. Attestatsiya jarayonlari quyidagi muddatlarda tashkil qilinadi:

➖Yanvar-fevral oylarida mutarojaatlar (arizalar) qabul qilinadi;
➖Mart-may oylarida malaka (test) sinovlari oʻtkaziladi;
➖Iyun oyida Sertifikatlar tarqatiladi.

📌Psixologlar attestatsiyasi ham ikki bosqichda oʻtkaziladi.

🔹birinchi bosqichida – pedagogning mutaxassislik fani va kasb standarti boʻyicha bilim darajasini aniqlash maqsadida 40 (35 ta mutaxassislik fandan+5 ta pedagogning kasbiy standartlaridan) ta test topshirigʻi beriladi.
Har bir toʻgʻri bajarilgan test topshirigʻi 2 ball bilan baholanib, test sinovlari uchun jami 80 ball beriladi.

🔹ikkinchi bosqichda – pedagogik mahoratni aniqlash maqsadida ilgʻor pedagogik uslub va texnologiyalarni (“case study” uslubi, loyihalar uslubi, hamkorlikda oʻqitish, “amaliy oʻyin”, interfaol taʼlim uslubi va boshqalar) qoʻllash boʻyicha 10 ta topshiriq beriladi. Har bir toʻgʻri berilgan javob 2 ball bilan baholanib, jami 20 ball beriladi.

Har ikkala bosqich ham bir vaqtda kompyuter dasturlari orqali amalga oshiriladi

❗️Birinchi marta tashkil qilinayotgan attestatsiya «hamma uchun bir xil turda, yaʼni navbatdagi — majburiy yoki navbatdan tashqari turi boʻyicha oʻtkaziladi« — degan majburiy talab mavjdud emas.

📍Attestatsiya turini tanlanishi mehnat stajiga yoki dekret taʼtillari hamda yana bir qancha omillarga bogʻliq.

Nizomning 'https://t.me/pka_tdi_uz/8422?comment=119639' rel='nofollow'>6 — bandidagi imtiyozlari boʻlmasa-navbatdagi majburiy attestatsiya boʻladi.

📌2025-yil yanvar-iyun oylarida oʻtkaziladigan maktab amaliyotchi-psixologlarining attestatsiyasi kimlar uchundir navbatdagi-majburiy, kimlar uchundir esa navbatdan tashqari turi boʻyicha ham boʻlishi mumkin.

👇Psixologlar ham o'zbek va rus tillaridagi diagnostik testlar bajarib ko‘rishlari mumkin (2025-yil 1-yarim yillikni tanlang):

O'zbek tilida: 👉 https://t.me/uztditestbot
Rus tilida: 👉https://t.me/uztditest_rusbot

📩 Qoʻshimcha savollarni Telegram botimiz (@uztdibot)ga yuborishingiz mumkin.

✅Ta’lim nazorati rasmiy kanali

❓Ikkinchi mutaxassislikka o'qiyotganlarga ham ish haqi saqlangan holda o‘quv ta’tillari beriladimi?

OTMda o‘qiyotgan xodimga ish haqi saqlangan holda o‘quv ta’tillari berish tartibiga o‘zgartirishlar kiritilgani haqida xabar berganimizdan so'ng ko'pchilik ikkinchi mutaxasislikka o'qiyotgan ustozlar ✅@uztdibot telegram botimizga "Ikkinchi mutaxassislikka o'qiyotganlarga ham ish haqi saqlangan holda o‘quv ta’tillari beriladimi? " degan savol bilan murojaat qilishgan.

Javob: Mehnat kodeksining 386-moddasi ko'ra:

Ishni o‘qish bilan birga olib borayotgan xodimlarga kafolatlar va kompensatsiyalar birinchi marta tegishli darajadagi ta’lim olayotganda beriladi. Mazkur kafolatlar va kompensatsiyalar, shuningdek tegishli darajadagi ta’lim olgan hamda ish beruvchi tomonidan ichki hujjatlar, mehnat shartnomasi yoki ish beruvchi va xodim o‘rtasida tuzilgan alohida kelishuvga muvofiq ta’lim olishga yuborilgan xodimlarga ham berilishi mumkin.

Ishni bir vaqtning o‘zida ta’lim faoliyatini amalga oshiruvchi ikki tashkilotdagi o‘qish bilan birga olib borayotgan xodimga faqat ushbu tashkilotlarning birida (xodimning tanloviga ko‘ra) olayotgan ta’limi munosabati bilan kafolatlar va kompensatsiyalar beriladi.

Ya'ni yuqoridagi moddada BIRINCHI marta tegishli darajadagi ta’lim olayotganlarga kafolatlar va kompensatsiyalar berilishi aytilgan. Ikkinchi mutaxassislikka o'qiyotganlar esa ichki hujjatlar, mehnat shartnomasi yoki ish beruvchi va xodim o‘rtasida tuzilgan alohida kelishuvda belgilangan bo'lsagina kafolatlar va kompensatsiyalar berilishi mumkin.

📩 Qoʻshimcha savollarni Telegram botimiz (@uztdibot)ga yuborishingiz mumkin.

✅Ta’lim nazorati rasmiy kanali

❗️ Ish haqi, pensiya va nafaqalarning oshishi haqida tarqalayotgan xabarlar haqiqatga to‘g‘ri kelmaydi!

Iqtisodiyot va moliya vazirligi ayni paytda ijtimoiy tarmoqlarda ish haqi, pensiya va nafaqalarning 2025-yil 1-martdan va 1-avgustdan 10 foizga oshirilishi to‘g‘risida xabarlar haqiqatga to‘g‘ri kelmasligini ma’lum qildi.

Ish haqi va pensiyalar bo‘yicha har qanday rasmiy ma’lumotlar tegishli davlat organlarining rasmiy manbalari orqali e’lon qilinadi.

🔖 Ishonchli manbalarga tayaning va tekshirilmagan xabarlarni tarqatmang!

✅Ta’lim nazorati rasmiy kanali

OTMda o‘qiyotgan xodimga ish haqi saqlangan holda o‘quv ta’tillari berish tartibiga o‘zgartirishlar kiritildi

Mehnat kodeksiga o’zgartirish va qo’shimchalar kiritildi. Yangi tahrirga ko’ra, 385-moddaning birinchi qismi quyidagi tahrirda o’zgartirilishi belgilandi:

Oliy, o‘rta professional va o‘rta maxsus professional ta’lim tashkilotlarida kechki yoki sirtqi ta’lim shakli bo‘yicha o‘qiyotgan xodimlarga o‘rtacha ish haqi saqlangan holda laboratoriya-imtihon sessiyalarida ishtirok etgan davr uchun o‘quv ta’tillari:

➖ birinchi va ikkinchi kurslarda kechki ta’lim shaklida o‘qiyotganlar uchun oliy ta’lim tashkilotlarida – kamida yigirma kalendar kun, o‘rta professional va o‘rta maxsus professional ta’lim tashkilotlarida – kamida o‘n kalendar kun, oliy, o‘rta professional va o‘rta maxsus professional ta’lim tashkilotlarida sirtqi ta’lim shakli bo‘yicha esa – kamida o‘ttiz kalendar kun;

➖ uchinchi va undan yuqori kurslarda kechki ta’lim shaklida o‘qiyotganlar uchun oliy ta’lim tashkilotlarida – kamida yetti kalendar kun, o‘rta professional va o‘rta maxsus professional ta’lim tashkilotlarida – kamida yigirma kalendar kun, oliy, o‘rta professional va o‘rta maxsus professional ta’lim tashkilotlarida sirtqi ta’lim shakli bo‘yicha esa – kamida qirq kalendar kun muddatga haq to‘lanadi.

📩 Qoʻshimcha savollarni Telegram botimiz (@uztdibot)ga yuborishingiz mumkin.

✅Ta’lim nazorati rasmiy kanali

❗️Homiladorligi yoki farzandi borligi sababli xodimni ishdan bo'shatishga taqiq joriy etildi

Qonun (O'RQ-1030-son, 13.02.2025 y.) bilan Mehnat kodeksiga o'zgartirish va qo'shimchalar kiritildi

⚡️ Qonun bilan Mehnat kodeksiga “Yagona milliy mehnat tizimi” idoralararo dasturiy-apparat majmuida elektron shakldagi mehnat shartnomasini rasmiylashtirish tartibini joriy etishni, ish haqi saqlanmaydigan ta'til davomiyligini belgilash tartibini va xodimning o'rtacha ish haqini hisoblash tartibini o'zgartirishni nazarda tutuvchi qo'shimcha va o'zgartirishlar kiritilmoqda.

📜 Shuningdek “Ta'lim to'g'risida”gi Qonuniga muvofiq xodimlar kechki yoki sirtqi ta'lim shaklida o'qishi mumkin bo'lgan ta'lim tashkilotlarining turlarini aniqlashtiruvchi o'zgartirishlar kiritilmoqda.

🚫 Bundan tashqari, homiladorligi yoki farzandi borligi sababli xodimni ishdan bo'shatishga taqiq joriy etilmoqda.

🌐 Kiritilayotgan o'zgartirishlarga ko'ra, davlat organlari va tashkilotlari ishga qabul qilish chog'ida ishga kirayotgan shaxsning pasportiga yoki identifikatsiyalovchi ID-kartasiga, mehnat daftarchasiga oid ma'lumotlarni mustaqil ravishda, shu jumladan axborot tizimlaridagi idoralararo integratsiyalashuv platformalari orqali so'rab oladi.

✅Ta’lim nazorati rasmiy kanali

❓Joriy attestatsiya kimlar uchun majburiy hisoblanadi

2020-yilning noyabr-dekabr oylarida toifa sertifikatini olganlar uchun 2025- yil yanvar-iyun oylari attestatsiyasi navbatdan-tashqari, avgust-dekabr oylari attestatsiyasi esa navbatdagi majburiy boʻladi.

2020-yilda Toshkent shahridan boshqa hududlarda bahorgi attestatsiya oʻtkazilmagan, 13 ta hududda kuzda attestatsiya oʻtkazilib, sertifikatlar 2020-yil dekabr oyida rasmiylashtirib berilgan (COVID-19 pandemiyasi sababli).

👉Attestatsiyaga hujjat topshirishda e'tibor bering! To'langan pul qaytarib berilmaydi

👇Attestatsiyaga tayyorgarlik uchun diagnostika testlarini quyidagi botlar yordamida bajarishingiz mumkin:

O'zbek tilida: 👉 https://t.me/uztditestbot
Rus tilida: 👉https://t.me/uztditest_rusbot
Qoraqalpoq tilida: 👉 https://t.me/uztdi_qrtestbot

📩 Qoʻshimcha savollarni Telegram botimiz (@uztdibot)ga yuborishingiz mumkin.

✅Ta’lim nazorati rasmiy kanali